အော့စတာဆန်စ်

February 23, 2018

အော့စတာဆန်စ်ကို ရှုံးသော်လည်း အာဆင်နယ် ယူရိုပါလိဂ် နောက်တဆင့်တက် (ရုပ်သံဟိုက်လိုက်)

ယူရိုပါလိဂ် ၃၂ သင်းအဆင့် ဒုတိယအကျော့ပွဲစဉ်အဖြစ် ပရီးမီးယားကလပ် အာဆင်နယ်နဲ့ ဆွီဒင်ကလပ် အော့စတာဆန်စ်တို့ မနေ့က ယှဉ်ပြိုင်ရာ အာဆင်နယ်က အိမ်ကွင်းမှာ နှစ်ဂိုး တဂိုးနဲ့ ရှုံးနိမ့်သွားပါတယ်။ ဒါပေမယ့် ဒီနှစ်သင်း ပထမအကျော့ ဆွီဒင်မြေမှာ ယှဉ်ပြိုင်ခဲ့စဉ်က အာဆင်နယ်က သုံးဂိုးပြတ်နဲ့ အနိုင်ရခဲ့တဲ့အတွက် နှစ်ကျော့ပေါင်းရလဒ် လေးဂိုး နှစ်ဂိုးနဲ့ အာဆင်နယ် နောက်တဆင့် တက်ရောက်သွားတာပါ။ အာဆင်နယ်ဟာ ဒီပွဲမှာ တိုက်စစ်မှူး ဝဲလ်ဘက်၊ အိုင်ဝိုဘီ၊ မစ်ခီတာယန်း၊ ဝီလ်ရှီးယား၊ အယ်လ်နန်နီ၊ ဘယ်လာရင်၊ ကိုလာစီနက် စတဲ့ ကစားသမားတွေနဲ့ အရန်ကစားသမားတချို့တွဲပြီး ပွဲထွက်လာခဲ့ပြီး ဘောလုံးပိုင်ဆိုင်မှုအသာ၊ ဂိုးကန်သွင်းမှာ အသာစီးရခဲ့ပါတယ်။ အော့စတာဆန်စ်ဟာ ပထမအကျော့က ဂိုးပြတ်ရှုံးနိမ့်ခဲ့တဲ့အတွက် အခုပွဲမှာ တသင်းလုံး ကြိုးစားပြီး ရုန်းကန်ကစားခဲ့တဲ့အတွက် အာဆင်နယ် အခက်တွေ့ခဲ့ရပါတယ်။ ဦးဆောင်ဂိုးတွေကိုလည်း အော့စတာဆန်စ်ကပဲ သွင်းယူနိုင်ခဲ့ပြီး ပွဲချိန် ၂၂ မိနစ်နဲ့ ၂၃ မိနစ်မှာ နှစ်ဂိုးဆက်သွင်းကာ ပထမပိုင်းအပြီးမှာကတည်းက နှစ်ဂိုး ဂိုးမရှိနဲ့ ပွဲကို ဦးဆောင်ထားနိုင်ခဲ့တာပါ။ အာဆင်နယ်အတွက် တလုံးတည်းသော ချေပဂိုးကို ပွဲချိန် ၄၇ မိနစ်မှာ ကိုလာစီနက်က သွင်းယူပေးခဲ့ပြီးနောက်ပိုင်း တဖက်နဲ့တဖက် ဂိုးထပ်မသွင်းနိုင်တော့ဘဲ အော့စတာဆန်စ် နှစ်ဂိုး တဂိုးနဲ့ အနိုင်ရသွားတာ ဖြစ်ပါတယ်။
4 years Ago

February 16, 2018

ယူရိုပါလိဂ်ပွဲတွင် အာဆင်နယ်က ဆွီဒင်ကလပ်ကို ၃ ဂိုးပြတ်ဖြင့်နိုင် (ရုပ်သံဟိုက်လိုက်)

ယူရိုပါလိဂ် ၃၂ သင်းအဆင့် ပထမအကျော့ပွဲစဉ်အဖြစ် ပရီးမီးယားလိဂ်ကလပ် အာဆင်နယ်နဲ့ ဆွီဒင်ကလပ် အော့စတာဆန်စ်တို့ မနေ့က ယှဉ်ပြိုင်ရာ အာဆင်နယ်က ၃ ဂိုး ဂိုးမရှိနဲ့ အနိုင်ရသွားပါတယ်။ အာဆင်နယ်ဟာ ပရီးမီးယားလိဂ်မှာ လက်ရှိ အဆင့် ၆ နေရာမှာပဲ ရပ်တည်နိုင်တဲ့အတွက် လာမယ့်ရာသီ ဥရောပအဆင့် ပြိုင်ပွဲတွေ ဝင်ပြိုင်ခွင့်ရဖို့ မရေမရာ ဖြစ်နေလို့ ယူရိုပါလိဂ်ကို အာရုံစိုက်ပြီး အကောင်းဆုံး ယှဉ်ပြိုင်သွားတာပါ။ အာဆင်နယ်ဟာ ဝဲလ်ဘက်၊ အိုင်ဝိုဘီ၊ အိုဇေးလ်၊ မစ်ခီတာယန်း၊ အယ်လ်နန်နီ၊ မူစတာဖီ၊ ဘယ်လာရင် စတဲ့ အဓိက ကစားသမားတွေနဲ့ ပွဲထွက်လာပြီး ဂိုးသမားအဖြစ် အော့စ်ပင်နာကို အသုံးပြုခဲ့ပါတယ်။ ပွဲအစ ၁၃ မိနစ်မှာပဲ မွန်ရီယယ်က အာဆင်နယ်အတွက် အဖွင့်ဂိုး သွင်းယူပေးခဲ့ပြီး ၂၄ မိနစ်မှာတော့ မစ်ခီတာယန်း ကန်သွင်းလိုက်တဲ့ဘောလုံး အော့စတာဆန်ဒ် နောက်ခံလူနဲ့ထိပြီး ဂိုးဝင်သွားလို့ ပထမပိုင်းအပြီးမှာ အာဆင်နယ်က ၂ ဂိုး ဂိုးမရှိနဲ့ ဦးဆောင်ထားနိုင်ခဲ့ပါတယ်။ အာဆင်နယ်ဟာ အော့စတာဆန်စ်ရဲ့ကွင်းမှာ ယှဉ်ပြိုင်ရပေမယ့်လည်း ဘောလုံးပိုင်ဆိုင်မှု ၆၁ ရာခိုင်နှုန်းအထိ ယူနိုင်ခဲ့သလို ထိုးဖောက်ကန်သွင်းခွင့်မှာလည်း အသာရခဲ့ပါတယ်။ အာဆင်နယ်အတွက် အပိတ်ဂိုးကိုတော့ ပွဲချိန် ၅၈ မိနစ်မှာ အိုဇေးလ်က အနီးကပ်ကန်သွင်းပြီး ရယူပေးခဲ့ပါတယ်။ ဒီနေ့ပွဲမှာ အာဆင်နယ်အတွက် အကောင်းဆုံး ခြေစွမ်းပြပြီး ခံစစ် တိုက်စစ် ဟန်ချက်ညီ လိုက်ပါကစားနိုင်တဲ့ ကွင်းလယ်လူ အယ်လ်နန်နီကို အကောင်းဆုံး ကစားသမားအဖြစ် သတ်မှတ်ခဲ့ပါတယ်။ အာဆင်နယ်ဟာ ပထမအကျော့မှာ ဂိုးပြတ်အနိုင်ရခဲ့တဲ့အတွက် နောက်တဆင့်တက်ဖို့ အခြေအနေကောင်းသွားပြီး ဒီနှစ်သင်းရဲ့ ဒုတိယအကျော့ပွဲစဉ်ကိုတော့ အာဆင်နယ်ကွင်းမှာ လာမယ့် ဖေဖော်ဝါရီ ၂၃ ရက်နေ့ ယှဉ်ပြိုင်ကြမှာ ဖြစ်ပါတယ်။
4 years Ago
Up