အောင်သူ

May 25, 2019

တိုက်စစ်မှူး အောင်သူ Trat အသင်းကို ပြောင်းရွှေ့နိုင်ဟု သတင်းထွက်ပေါ်

မြန်မာ့လက်ရွေးစင်တိုက်စစ်မှူး အောင်သူဟာ ထိုင်းလိဂ်ရဲ့ရာသီဝက် အပြောင်းအရွှေ့ ကာလမှာ လက်ရှိမြောင်ထောင်ယူနိုက်တက် အသင်းကနေ တရက် (Trat) အသင်းကို ပြောင်းရွှေ့နိုင်ဖွယ်ရှိနေတယ်လို့ မေ ၂၄ ရက်နေ့ Foxsportasia သတင်းမှာ ဖော်ပြပါတယ်။ အသက် ၂၂ နှစ်အရွယ် အောင်သူဟာ ပြီးခဲ့တဲ့နှစ်ဟာ ထိုင်းကလပ် Police Tero အသင်းမှာ အငှားသွားရောက်ကစားကာ ခြေစွမ်းပြနိုင်ခဲ့တာကြောင့် ၂၀၁၉ ခုနှစ်အစပိုင်း ထိုင်းလိဂ်ရဲ့ အင်အားကြီးအသင်းတသင်းဖြစ်တဲ့ မြောင်ထောင်ယူနိုက်တက်အသင်းက ခေါ်ယူခဲ့ပါတယ်။ ဒါပေမယ့် အသင်းသစ်မှာတော့ အောင်သူဟာ ပုံမှန်ခြေစွမ်းပြနိုင်ဖို့ ရုန်းကန်နေရသလို အသင်းဟာလည်း ကစားခဲ့တဲ့ ၁၀ ပွဲမှာ နှစ်ပွဲသာအနိုင်ရထားပြီး အမှတ်ဇယား ရဲ့အောက်ကိုရောက်ရှိနေပါတယ်။ ဒါ့ကြောင့် အောင်သူအနေနဲ့ မကြာခင်စတင်တော့မယ့် အပြောင်းအရွှေ့ကာ လမှာ အသင်းပြောင်းဖွယ်ရှိတယ်လို့ သတင်းတွေထွက်ပေါ်လာတာဖြစ်ပြီး ဒီနှစ်မှ တန်းတက်လာတဲ့  တရက်အသင်းကို ပြောင်းရွေှ့နိုင်တယ်လို့ ခန့်မှန်းချက်တွေ ထွက်ပေါ်လာခဲ့ပါတယ်။ အောင်သူဟာ လက်ရှိအချိန်မှာ မြန်မာနေရှင်နယ်လိဂ်ကလပ် ရတနာပုံအသင်းနဲ့ စာချုပ်ကျန်ရှိနေသေးတဲ့ ကစားသမားဖြစ်ပြီး အသင်း ပြောင်းဖြစ်ခဲ့ရင် တရက်အသင်းကို ရောက်ရှိဖို့ ရာခိုင်နှုန်းများတယ်လို့ သတင်းအရင်းအမြစ်တွေက ဆိုပါတယ်။ တရက်အသင်းဟာ ဒီရာသီအစ လေးပွဲမှာ နှစ်မှတ်သာရရှိခဲ့ပေမယ့် ၁၁ ပွဲကစားပြီး ချိန်မှာတော့ ၁၆ သင်းပါ ထိုင်းလိဂ်ရဲ့ အဆင့် ၇ နေရာမှာ ရပ်တည်နေပါတယ်။ အောင်သူရဲ့ အနာဂတ်နဲ့ ပတ်သက်ပြီး မြောင်ထောင်ယူနိုက်တက်ဘက်ကတော့“ အအသင်းကစားသမားတွေနဲ့ ပတ်သက်တဲ့ ကောလဟာလ၊ ခန့်မှန်းချက်တွေအပေါ် မှတ်ချက်ပေးလိုခြင်းမရှိဘူးလို့ ဆိုပါတယ်။ တရက် အသင်းဟာ လက်ရှိအချိန်မှာ နိုင်ငံခြားသား ကစားသမားလေးဦးကို ခေါ်ယူထားပြီး အာဆီယံကစားသမား သုံးဦးကို ခေါ်ယူခွင့်ရှိသေးတာကြောင့် ကြယ်ပွင့်ကစားသမား  အောင်သူကို ခေါ်ယူနိုင်မလား စောင့်ကြည့်ရမှာဖြစ်ပါတယ်။
2 years Ago

November 30, 2018

တိုက်စစ်မှူး အောင်သူကို ဂျပန် ထိပ်သီးကလပ်အသင်းတခုက ဝယ်ယူရန် စီစဉ်နေ

မြန်မာ့လက်ရွေးစင်တိုက်စစ်မှူး အောင်သူကို ဂျပန်နိုင်ငံ ထိပ်သီးကလပ်အသင်းတခု ဖြစ်တဲ့ Hokkaido Consadole Sapporo အသင်းက ဝယ်ယူဖို့ စီစဉ်နေတယ်လို့ ဂျပန်အားကစားသတင်းစာတွေမှာ ရေးသားထားပါတယ်။ လက်ရှိ ထိုင်းလိဂ်ဝမ်းကလပ် ပုလိစ်​တယ်​ရိုအသင်းမှာ ကစားနေတဲ့ အသက် ၂၂ နှစ်အရွယ် မြန်မာ့လက်ရွေးစင် တိုက်စစ်မှူး အောင်သူကို ဝယ်ယူမှု အောင်မြင်နိုင်ခဲ့ရင် ဂျပန်နိုင်ငံ ဂျေလိဂ်မှာ ပထမဆုံးကစားမယ့် မြန်မာနိုင်ငံသား ဖြစ်လာမှာပါ။ ဆပိုရိုမြို့အခြေစိုက် ကွန်ဆာဒိုလ် ဆပိုရို ကလပ်အသင်းမှာ လက်ရှိ ထိုင်းနိုင်ငံသား ချာနာတစ် ဆောင်ကရာဆင် (Chanathip Songkrasin) ဟာ တိုက်စစ်မှူးနေရာက ဝင်ရောက်ကစားနေပြီး ဂျပန်ဘောလုံးလောကမှာ ထင်ရှားသူတဦးလည်း ဖြစ်ပါတယ်။ ဂျပန်အားကစားသတင်းစာတွေကတော့ မြန်မာတိုက်စစ်မှူး အောင်သူကို Hokkaido Consadole Sapporo အသင်းရဲ့ တိုက်စစ်မှူး ချာနာတစ် ဆောင်ကရာဆင် ပြီးရင် ဒုတိယမြောက် တိုက်စစ်မှူးအဖြစ် တင်စားပြီး စိတ်ဝင်တစား ဖော်ပြနေပါတယ်။
2 years Ago
More News
Up