အေတီအမ်

June 21, 2018

အေတီအမ်စက်တွင်းမှ ရူပီးငွေ ၁၂ သိန်း ကြွက်ကိုက်ခံရပြီး ပျက်စီး (ရုပ်သံ)

အိန္ဒိယနိုင်ငံက အေတီအမ်စက်တခုထဲမှာ ရူပီးငွေ ၁၂ သိန်းတန်ဖိုးရှိတဲ့ ငွေစက္ကူတွေ ကြွက်ကိုက်ခံရပြီး ပျက်စီးဆုံးရှုံးခဲ့ရတဲ့ သတင်းဟာ လူတွေကို အံ့အားသင့်စေခဲ့ပါတယ်။ ဒီအဖြစ်အပျက်ဟာ အာသံပြည်နယ်ထဲက အိန္ဒိယပြည်နယ်ဘဏ် (အက်စ်ဘီအိုင်) ဘဏ်ခွဲတခုရဲ့ အေတီအမ်စက်ထဲမှာ ဖြစ်ခဲ့တာလို့ အန်ဒီတီဗွီသတင်းမှာ ဇွန်လ ၁၉ ရက်နေ့က ဖော်ပြပါတယ်။ တွစ်တာ လူမှုကွန်ရက်စာမျက်နှာတွေပေါ်မှာတော့ ကြွက်ကိုက်ခံထားရတဲ့ ငွေစက္ကူ အပျက်အစီး ဓာတ်ပုံတွေ ပျံ့နှံ့နေခဲ့ပြီး ဝေဖန်မှုတွေလည်း ထွက်ပေါ်နေခဲ့ပါတယ်။ ဒေသတွင်း သတင်းထောက်တယောက်ဖြစ်တဲ့ နန်ဒန်ပရာတင်မ်ရှာမာဘော်ဒိုလွိုင် ကလည်း တွစ်တာစာမျက်နှာပေါ်မှာ အဲဒီဘဏ်ခွဲအေတီအမ်ကပဲ ဖြစ်ပုံရတဲ့ ရုပ်သံဗွီဒီယိုဖိုင်ကို တင်ထားခဲ့ပြီး အဲဒီရုပ်သံဖိုင်ထဲမှာတော့ ငွေစက္ကူအပျက်အစီးတွေကြားထဲက ကြွက်သေတကောင်ကိုပါ တွေ့ရှိခဲ့ရတာပါ။ အိန္ဒိယအိပ်ခ်စ်ပရက်စ် သတင်းမှာတော့ ဒါဟာ နည်းပညာပိုင်းဆိုင်ရာ လစ်ဟင်းမှုကြောင့် ဖြစ်ရတာလို့ ဖော်ပြခဲ့ပါတယ်။ ခုပျက်စီးဆုံးရှုံးမှုမှာတော့ တန်ဖိုးရူပီး ၁၂ သိန်းကျော်ရှိခဲ့ပြီး ကျန်ရှိနေတဲ့ ရူပီး ၁၇ သိန်းကိုသာ အကောင်းအတိုင်း ပြန်ရခဲ့တာပါ။ သတင်းတွေပေါ်မှာတော့ ထင်မြင်ချက်တွေ အမျိုးမျိုးနဲ့ ပျံ့နှံ့နေခဲ့တာဖြစ်ပြီး ရဲတွေကတော့ ဒါကို စုံစမ်းစစ်ဆေးနေဆဲဖြစ်တယ်လို့ ထုတ်ပြန်ထားပါတယ်။
3 years Ago

February 2, 2018

စတိုးဆိုင်မှန်ကို ကားဖြင့်တိုက်ဖွင့်ပြီး အေတီအမ်စက် ခိုးယူသွားသူများအား ရဲရှာဖွေနေ (ရုပ်သံ)

အင်္ဂလန်နိုင်ငံမှာ စတိုးဆိုင်ရှေ့မှန်ကို ကားနဲ့တိုက်ခွဲပြီး အေတီအမ်စက် ခိုးယူသွားတဲ့ လူတစုကို ရဲတွေက ရှာဖွေနေကြပါတယ်။ ဒီအဖြစ်အပျက်ဟာ ကမ်းဘရစ်ခ်ျရှိုင်းယားခရိုင်တွင်းမှာ ဇန်နဝါရီ ၂၉ ရက် မနက် ၄ နာရီလောက်က ဖြစ်ခဲ့ပြီး အဲဒီအမျိုးသားအုပ်စုဟာ ခိုးယူလာတဲ့ လန်ရိုဗာကားကို အသုံးပြုခဲ့ကြတာလို့ ဆိုပါတယ်။ ရုပ်သံဗွီဒီယိုဖိုင်ထဲမှာတော့ အော်လ်ဒီစတိုးဆိုင်ရဲ့ အပြင်ဘက် ဝင်ပေါက်မှန်ကို ကားနဲ့ နောက်ပြန်ဝင်တိုက်ခဲ့တာ တွေ့ရပါတယ်။ အဲဒီနောက်တော့ ဆိုင်အတွင်းမှ အေတီအမ်စက်ကို အပြင်ဘက်ကို ကြိုးနဲ့ချည် ဆွဲထုတ်ခဲ့ကြတာပါ။ ဆိုင်အပြင်ရောက်ချိန်မှာတော့ သူတို့ဟာ အေတီအမ်စက်ကို နောက်ကားတစီးနဲ့ လွှဲပြောင်းတင်ဆောင်ကာ ခိုးယူသွားခဲ့ကြတာ ဖြစ်ပါတယ်။ အဲဒီအမျိုးသားတွေဟာ မျက်နှာဖုံးစွပ်တွေလည်း တပ်ဆင်ထားခဲ့ကြပြီး လက်ရှိမှာတော့ စုံစမ်းစစ်ဆေးမှုတွေ လုပ်ဆောင်နေတာ ဖြစ်ပါတယ်။
3 years Ago
More News
Up