ဟောက်သံ

March 18, 2019

အသံကျယ်ကြီးဟောက်သည့် ရည်းစားကို သေနတ်ဖြင့်ပစ်သည့် အမျိုးသမီး

အမေရိကန်နိုင်ငံ ဖလော်ရီဒါမှာနေထိုင်တဲ့ အမျိုးသမီးတဦးဟာ အိပ်ချိန်မှာ အသံအကျယ်ကြီးဟောက်တတ်တဲ့ အတူနေချစ်သူကို သေနတ်နဲ့ပစ်ခဲ့လို့ ဖမ်းဆီးထိန်းသိမ်းခံထားရတယ်လို့ မေရာသတင်းမှာ ဖော်ပြပါတယ်။ ဒီဖြစ်စဉ်ဟာ ပြီးခဲ့တဲ့ မတ်လ ၆ ရက် ဒီစုံတွဲနေထိုင်တဲ့ အယ်မာရယ်လိတ်လန်းက ရွေ့လျားအိမ်မှာ ဖြစ်ပွားခဲ့ပြီး သေနတ်နဲ့ပစ်ခဲ့တဲ့ အသက် ၄၇ နှစ်အရွယ် လိုရီမိုရင်ဆိုသူကို လူသတ်ရန်ကြိုးစားမှု၊ အပြင်းအထန် ထိခိုက်နာကျင်စေမှုတို့နဲ့ ဖမ်းဆီးထားတယ်လို့လည်း သိရပါတယ်။ အပစ်ခံရတဲ့ လိုရီမိုရင်ရဲ့ချစ်သူ ဘရတ်အောဂွတ်ဟာ ဒဏ်ရာကြောင့် ဆေးရုံကို ရဟတ်ယာဉ်နဲ့ သွားရောက်ခဲ့ရပြီး လက်ရှိအချိန်မှာတော့ စိုးရိမ်စရာ မရှိတော့ပါဘူး။ ထွက်ပေါ်လာတဲ့ သတင်းတွေအရ ဒီပစ်ခတ်မှုကို အစပိုင်းက မတော်တဆမှု တခုလို့သာ ယူဆခဲ့ကြပေမယ့် စုံစမ်းစစ်ဆေးမှု ပြုလုပ်ချိန်မှာတော့ ဒီပစ်ခတ်မှုမတိုင်ခင် ဒီစုံတွဲဟာ ဟောက်သံနဲ့ပတ်သက်တဲ့ ကိစ္စကြောင့် စကားများ ရန်ဖြစ်ခဲ့တာ တွေ့ခဲ့ရပါတယ်။ ဟောက်သံကြောင့် သူတို့နှစ်ဦးကြား မပြေလည်မှုဟာ တင်းမာခဲ့ရပြီး နောက်ပိုင်းမှာ မိုရင်က သေနတ်ကိုထုတ်ကာ သူ့ရည်းစားရဲ့ ညာဘက်ချိုင်းကြားကို ပစ်ခဲ့ပါတယ်။ ပစ်ခတ်မှုမဖြစ်ခင်မှာ မိုရင်ဟာ အရက်သေစာ သောက်စားထားတယ်လို့လည်း ဒီအမှုကို ကိုင်တွယ်နေတဲ့ ရဲတပ်ဖွဲ့ဝင်တွေက ပြောပါတယ်။ “အိပ်ပျော်နေတဲ့အချိန်မှာ အပစ်ခံခဲ့ရတာဖြစ်ပြီး သေနတ်သံကြောင့် နိုးသွားပေမယ့် နိုးလာချိန်မှာ သွေးအိုင်ထဲ လဲနေကာ ပြင်းထန်တဲ့ နာကျင်မှုကို ခံစားနေရတယ်” လို့လည်း အောဂွတ်က ဒေသတွင်းသတင်းတွေကို ပြောပါတယ်။ ဒီပစ်ခတ်မှုဖြစ်စဉ်ဟာ လိုရင်တို့ရဲ့ အိမ်နီးချင်းတွေ အားလုံးကို အံ့အားသင့်စေခဲ့ပြီး ဟောက်သံကြောင့် သေနတ်နဲ့ပစ်တာတော့ ရူးနှမ်းတဲ့လုပ်ရပ် ဖြစ်တယ်လို့လည်း အိမ်နီးချင်းတဦးက မှတ်ချက်ပြုပါတယ်။
3 years Ago

November 13, 2015

ဟောက်သံကြောင့် အနှောင့်အယှက် မဖြစ်စေရန် ထိန်းချပ်ပေးမည့် ကိရိယာ (ရုပ်သံ)

လူသန်းပေါင်းရာချီမှာ ဒီအလေ့အထ ရှိနေပေမယ့် သန်းပေါင်းများစွာကတော့ ၀န်ခံလေ့မရှိပါဘူး။ အဲဒါကတော့ ဟောက်တတ်တဲ့အလေ့ပဲ ဖြစ်ပါတယ်။ ဒါကတော့ ကျနော့်ဇနီးက သူ့ဖုန်းနဲ့ ဗွီဒီယိုရိုက်ထားတာလေးပါ။ ညတွေမှာ ဘာကြောင့် သူအိပ်ရေးမ၀လဲဆိုတာကို သရုပ်ပြဖို့တဲ့။ ညနက်လာလေ ကျနော့်ဟောက်သံ ပိုပြင်းလာလေမို့ သူ့မှာ ဟောက်သံပျောက်အောင် လုပ်ရတာ ပိုခက်လာလေပဲတဲ့။ "မကြာခဏဆိုသလို မဆိုစလောက် လှုပ်ရှားမှုလေး ဒါမှမဟုတ် ဖွဖွလေး တွန်းပေးတာကတောင် ဟောက်တာကို ရပ်သွားစေပါတယ်။ လေးငါးမိနစ်လောက် ကြာတဲ့အခါ ပြန်ဟောက်တာက ပြဿနာတခုပါ။ ဟောက်တာရပ်အောင် ကိုယ့်အဖော်ကို တညလုံး တွန်းပေးနေဖို့ကတော့ ဘယ်သူမှ စိတ်ရှည်မှာ မဟုတ်ဘူးလေ။" ဒါပေမယ့် ခုဆိုရင် ကျနော် ဟောက်နေသလားဆိုတာ အမြဲတမ်း စစ်ဆေးပေးနိုင်မယ့် ကိရိယာသစ်တမျိုးကို တီထွင်လိုက်ပါပြီ။ နိုရာလို့ခေါ်တဲ့ ဒီကိရိယာလေးရဲ့ အလုပ်ကတော့ ဟောက်သံကို နားထောင်ပြီး ကျနေ်ာ့ဇနီး လန့်နိုးပြီး မပေါက်ကွဲခင် ကျနော့်ကို တွန်းပေးပါတယ်။ "နိုရာက ကိုယ့်အဖော်မကြားနိုင်လောက်တဲ့ ဟောက်သံထိ နားထောင်ပေးမှာပါ။ ဒီတော့ ဟောက်သံက ကိုယ့်အဖော် နိုးသွားလောက်အောင် ကျယ်မလာခင် ခေါင်းအုံးကို တွန်းပေးပြီး ဟောက်သံကို လျှော့ချပေးတဲ့အတွက် ကိုယ်ရော အဖော်ပါ နှစ်နှစ်ခြိုက်ခြိုက် အိပ်ပျော်နိုင်တော့ပေါ့။" ဒီစက်လေးရဲ့ အလုပ်လုပ်ပုံတော့ ဒီလိုပါ။ အိပ်ရာဘေးက မော်နီတာက ဟောက်သံကို နားထောင်ပေးမှာပါ။ ဟောက်သံသိပ်ကျယ်လာပြီဆိုမှ မော်နီတာက ကြိုးမဲ့စနစ်ကတဆင့် ခေါင်းအုံးအောက်က ဖျာထဲကို လေမှုတ်သွင်းဖို့ ပန့်ကို နှိုးဆော်လိုက်မှာပါ။ ဒီလိုနဲ့ ခေါင်းအုံးက ရွေ့သွားပြီး ဟောက်နေသူရဲ့ လေပြွန်ကြွက်သားတွေကို နှိုးဆွပြီး ဟောက်သံတိတ်အောင် လုပ်လိုက်ပါတော့တယ်။ ဒါက ဟောက်သူရော သူ့ရဲ့အဖော်ပါ နိုးမသွားစေဘဲ ဆောင်ရွက်သွားတာပါ။ ဟယ်ရီရိနဲ့အဖွဲ့ဟာ ပြီးခဲ့တဲ့ ၂ လကျော်ကတည်းက သူတို့ရဲ့ရှေ့ပြေးပုံစံကို စမ်းသပ်ခဲ့တာပါ။ စမ်းသပ်ကာလ ပြီးသွားတာတောင်မှ အစမ်းသပ်ခံကြသူတွေက ဒီစက်ကို ပြန်ပေးဖို့ ငြင်းဆန်ကြတဲ့ထိ နိုရာက ကောင်းကောင်းအသုံးခံခဲ့တာကို တွေ့ရတယ်လို့ ဆိုပါတယ်။ "ကျနော်တို့ အသုံးပြုသူ အမျိုးမျိုးကို စမ်းသပ်ဖို့ အလုံးရေ အကန့်အသတ်နဲ့ ထုတ်ထားတာ။ စမ်းသပ်မှုပြီးလို့ ပြန်တောင်းတဲ့အခါ တော်တော်တောင်းယူရတယ်ဗျာ။" နိုရာကို တီထွင်သူတွေဟာ လောလောဆယ်မှာ ရန်ပုံငွေ ရှာနေရဆဲပဲ ရှိပါသေးတယ်။ ခုချိန်ထိ ရင်းနှီးမတည်ငွေ ဒေါ်လာ ၃ သိန်း ၇ သောင်း ၅ ထောင် ရရှိနေပြီ ဖြစ်ပါတယ်။
6 years Ago
Up