သေကြောင်းကြံ

November 6, 2018

ဂျပန်ကျောင်းသားကလေးငယ်များ ကိုယ့်ကိုယ်ကိုယ် သေကြောင်းကြံနှုန်း နှစ် ၃၀ အတွင်း အမြင့်ဆုံးဖြစ်

ဂျပန်နိုင်ငံက ကျောင်းသားကလေးငယ်တွေ ကိုယ့်ကိုယ်ကိုယ်သတ်သေတဲ့ နှုန်းဟာ နှစ်ပေါင်း ၃၀ ကျော်ကာလအတွင်းမှာ အမြင့်မားဆုံး ဖြစ်လာခဲ့တယ်လို့ ဂျပန် ပညာရေးဝန်ကြီးက ပြောလိုက်ပါတယ်။ ပြီးခဲ့တဲ့ ၂၀၁၆-၁၇ ခုနှစ်၊ မတ်လအထိ ကျောင်းသားကလေးငယ်ဦးရေ ၂၅၀ လောက်ဟာ ကိုယ့်ကိုယ်ကိုယ် သတ်သေခဲ့ကြပြီး မူလတန်းကနေ အထက်တန်းအရွယ်တွေအထိ ပါဝင်တယ်လို့ ဆိုပါတယ်။ ဒီအရေအတွက်ဟာ ပြီးခဲ့တဲ့နှစ်ကထက် ၅ ဆ ပိုမိုများပြားလာခဲ့တာဖြစ်ပြီး ၁၉၈၆ ခုနှစ်က စတင်ရေတွက်မယ်ဆိုရင် ဒါက အမြင့်ဆုံးနှုန်း ဖြစ်လာနေခဲ့တာပါ။ ခုလိုသတ်သေရတဲ့ အကြောင်းရင်းတွေထဲမှာ သူတို့ရဲ့ မိသားစုတွင်းပြဿနာတွေနဲ့ အနာဂတ်အတွက် စိုးရိမ်ပူပန်မှုတွေ၊ အုပ်စုဖွဲ့ အနိုင်ကျင့်ခံရတာတွေ ပါဝင်တယ်လို့ ဘီဘီစီသတင်းတပုဒ်မှာ နိုဝင်ဘာ ၅ ရက်နေ့က ဖော်ပြပါတယ်။ ဒါပေမယ့် ခုလက်ရှိ သေဆုံးခဲ့သူ အရေအတွက်ထဲက ၁၄၀ ကတော့ သေဆုံးချိန်မှာ ဘာမှတ်တမ်းမှ ချန်မထားခဲ့တဲ့အတွက် ဘာကြောင့် ခုလိုသတ်သေရတယ်ဆိုတဲ့ အကြောင်းရင်းကို မသိနိုင်ဘူးလို့ စာသင်ကျောင်း တာဝန်ရှိသူတွေက ဆိုပါတယ်။ ကိုယ့်ကိုယ်ကိုယ် သေကြောင်းကြံစည်ကြတဲ့ အသက်အရွယ်ဟာ အထက်တန်းကျောင်းအရွယ် မတိုင်ခင် အများဆုံးဖြစ်ကြပြီး ဂျပန်နိုင်ငံမှာ အထက်တန်းဆင့်ပညာရေးကို အသက် ၁၈ နှစ်အထိ သင်ကြားကြရတယ်လို့ သတင်းမှာ ဖော်ပြပါတယ်။ ဂျပန်အစိုးရအဖွဲ့ရုံးရဲ့ ထုတ်ပြန်ချက်တခုမှာတော့ ခုလို သေကြောင်းကြံစည်ကြတာဟာ နှစ်စဉ် ကျောင်းဖွင့်တဲ့ စက်တင်ဘာ ၁ ရက်နေ့မှာ အဖြစ်များတယ်လို့ ဆိုပါတယ်။ ပြီးခဲ့တဲ့ ၂၀၁၅ ခုနှစ်တုန်းကလည်း ဂျပန်နိုင်ငံဟာ ကမ္ဘာပေါ်မှာ ကိုယ့်ကိုယ်ကိုယ် သေကြောင်းကြံစည်မှု အများဆုံးနိုင်ငံစာရင်းမှာ ထိပ်ဆုံးက ရပ်တည်ခဲ့ပါတယ်။
2 years Ago

November 5, 2018

သား/သမီး ၃ ဦးအား ပေါင်းသတ်ဆေးရည်တိုက်ပြီး ကိုယ့်ကိုယ်ကိုယ် သေကြောင်းကြံ

မိုင်းဖြတ်မြို့နယ်မှာ သား/သမီး ၃ ဦးအား ပေါင်းသတ်ဆေးရည် တိုက်ပြီး ကိုယ့်ကိုယ်ကိုယ် တူမီးသေနတ်နဲ့ သေကြောင်း ကြံစည်မှုဖြစ်ပွားခဲ့တယ်လို့ ပြည်ထဲရေးသတင်းမှာ ဖော်ပြပါတယ်။ နိုဝင်ဘာလ ၄ ရက်နေ့ မနက်အစောပိုင်းက မိုင်းဖြတ်မြို့နယ်၊ နမ့်ဟွေယွန်း ကျေးရွာနေ လီပိုး (၃၉) နှစ်ဟာ ဇနီးဖြစ်သူ အိမ်ပေါ်ကနေ ဆင်းသွားတာကြောင့် စိတ်ညစ်ပြီး နေအိမ်မှာ သားဖြစ်သူ ၂ နှစ်ကနေ ၆ နှစ်အရွယ် သား ၂ ဦးနဲ့ သမီး ၁ ဦးတို့ကို Pato တံဆိပ်ပါ ထိုင်းနိုင်ငံထုတ် ပေါင်းသတ်ဆေးရည် တိုက်ကျွေးပြီးနောက် ကိုယ့်ကိုယ်ကိုယ် တူမီးသေနတ်နဲ့ ပါးစပ်အတွင်းထည့်ပြီး သေကြောင်းကြံစည်ခဲ့တာလို့ ဆိုပါတယ်။ သေနတ်ဒဏ်ရာ (စိုးရိမ်ရ) ရရှိခဲ့တဲ့ လီပိုးနဲ့  မူးဝေအော့အန် (မစိုးရိမ်ရ) ဒဏ်ရာတွေ ရရှိခဲ့တဲ့ သားသမီး ၃ ဦးအား မိုင်းဖြတ်ဆေးရုံကို ပုိ့ဆောင်ကုသခဲ့ပြီး လီပိုးကတော့  ည ၈ နာရီအချိန် ဆေးရုံမှာ သေဆုံးသွားကြောင်း သိရပါတယ်။ လီပိုးအား မိုင်းဖြတ်မြို့မ ရဲစခန်း ရာဇသတ်ကြီးပုဒ်မ ၃၀၇/၃၀၉ (လူသတ်ရန်ကြံစည်မှု/ မိမိ ကိုယ်ကိုသေကြောင်းကြံစည်မှု) နဲ့ အမှုဖွင့်ထားတယ်လို့ သတင်းမှာ ဖော်ပြထားပါတယ်။
2 years Ago
More News
Up