မက္ကဆီကိုနိုင်ငံမှာ  ဒေါ်လာဘီလျံပေါင်းများစွာ နစ်နာစေတဲ့ လောင်စာခိုးယူမှုတွေကို ရပ်တန့်စေဖို့ မက္ကဆီကန် ရေတပ်ဟာ လောင်စာဆီခိုးမှု နှိမ်နှင်းရေး လုပ်ဆောင်နေပါတယ်။ ဖေဖေ်ာဝါရီလ ၁ ရက်နေ့က မက္ကဆီကန် ရေတပ်ရဟတ်ယာဉ်တွေဟာ လောင်စာပိုက်လိုင်းတွေ ကြားဖြတ်ခိုးယူခံရတဲ့ နေရာတွေကို ဝေဟင်ကနေ ရဟတ်ယာဉ်နဲ့ ကင်းလှည့်စောင့်ကြည့်ခဲ့ပါတယ်။ မက္ကဆီကန် သမ္မတ လိုပက်ဇ်-အိုဘရေဒိုက စစ်တပ်ကို အသုံးပြုပြီး လောင်စာဆီခိုးတဲ့ ပြဿနာကို နှိမ်န်ှင်းမယ်လို့ ဒီဇင်ဘာလကုန် သတင်းစာရှင်းလင်းပွဲမှာ ပြောခဲ့ပါတယ်။ မက္ကဆီကို ဒုစရိုက်ဂိုဏ်းတွေဟာ လောင်စာဆီခိုးပြီး  သူတို့ဝင်ငွေကို နှစ်ပေါင်းများစွာ ဖြည့်တင်းခဲ့ပါတယ်။ ဒီအတွက် မက္ကဆီကို ရေနံလုပ်ငန်းတွေ အထိနာပြီး နိုင်ငံတော်ရဲ့ အခွန်ဘဏ္ဍာငွေတွေ ယိုဖိတ်ခဲ့ပါတယ်။ မက္ကဆီကို ကာကွယ်ရေးဝန်ကြီးကလည်း အချက်အခြာကျတဲ့ လောင်စာပိုက်လိုင်းတွေမှာ စစ်ဘက်လုံခြုံရေးကို တိုးမြှင့်ချထားမယ်လို့ ပြီးခဲ့တဲ့ ဒီဇင်ဘာလက  ပြောခဲ့ပါတယ်။

ဗြိတိန်နိုင်ငံသား ပညာရှင်တဦးဖြစ်တဲ့ နစ်စပန်းဆားဟာ စွန့်ပစ်အမှိုက်တွေကနေ လောင်စာဆီ ထုတ်လုပ်နိုင်တဲ့စက်ကို တနိုင်တပိုင် တီထွင်ဖန်တီးနေပါတယ်။ သူဟာ “အိမ်တွင်းစွမ်းအင် အရင်းမြစ်များယူနစ်-HREU” ဆိုတဲ့ အဖွဲ့လေးကို တည်ထောင်ပြီး လူတွေ နေ့စဉ်နဲ့အမျှ စွန့်ပစ်ထားတဲ့ စားကြွင်းစားကျန်နဲ့ အမှိုက်သရိုက်တွေကို လောင်စာဆီအဖြစ် တီထွင်ထုတ်လုပ်နေတာပါ။ နစ်စပန်းဆားကတော့ စွန့်ပစ်အမှိုက်တွေဟာ တန်ဖိုးရှိတဲ့ လောင်စာဆီရင်းမြစ်တွေ ဖြစ်တယ်လို့ ပြောပါတယ်။ ဈေးဝယ်တဲ့အခါ အသုံးပြုတဲ့ ပလတ်စတစ်အိတ်တွေ၊ စက္ကူကော်ဖီခွက်တွေ၊ စားကြွင်းစားကျန်လို စွန့်ပစ်ပစ္စည်းတွေကို စပန်းဆားက သူတီထွင်ထားတဲ့ စက်ကလေးထဲ ထည့်ပြီးတဲ့နောက် ကိုယ့်ရဲ့နေအိမ်မှာပဲ ပြန်သုံးလို့ရတဲ့ လောင်စာဆီတွေအဖြစ် အသေးစား ထုတ်လုပ်နေတာ ဖြစ်ပါတယ်။