လေဆိပ်

July 28, 2019

၂ နှစ်ကလေးငယ် လေဆိပ် အထုပ်အပိုးစစ်သည့် စက်ထဲ မတော်တဆရောက်ရှိ (ရုပ်သံ)

အမေရိကန်နိုင်ငံ အတ္တလန္တာ လေဆိပ်က ပစ္စည်းတွေကို စစ်ဆေးတဲ့ စက်ထဲကို ကလေးငယ်တဦး မတော်တဆ ရောက်ရှိသွားခဲ့ရပါတယ်။ ဒီဖြစ်ရပ်ဟာ ဇူလိုင် ၂၂ ရက်မှာ ဖြစ်ပွားခဲ့တာဖြစ်ပြီး ဒီအခိုက်အတန့်ကို လေဆိပ်က လုံခြုံရေး ကင်မရာတွေထဲမှာလည်း အမိအရ မှတ်တမ်းတင်နိုင်ခဲ့ပါတယ်။ အသက် ၂ နှစ်သာရှိသေးတဲ့ ကလေးငယ်လေးဟာ သွားနေတဲ့စက်ထဲကို ကိုယ်တိုင် တက်ရောက်သွားခဲ့တာဖြစ်ပြီး စက်ရဲ့ပြေးလမ်းပေါ် ရောက်ရှိသွားတဲ့အချိန်မှာ ပြန်ဆင်းဖို့ ကြိုးစားခဲ့ပေမယ့် စက်ကသွားနေတဲ့အရှိန်ရယ်၊ ပြေးလမ်းပေါ်က အထုတ်အပိုးတွေရယ်ကြောင့် ပြန်ဆင်းလို့ မရတော့ဘဲ စက်အတွင်းပိုင်းအထိ ရောက်ရှိသွားခဲ့ရတာပဲဖြစ်ပါတယ်။ ဒီဖြစ်ရပ်ဟာ ငါးမိနစ်နီးပါးကြာမြင့်ခဲ့ပြီး အပြင်ကိုရောက်လာပြီးတဲ့အချိန်မှာမှ သူ့ကိုလေဆိပ် check in ဌာနရဲ့ဝန်ထမ်းတွေက အလျင်အမြန် ဖယ်ထုတ်နိုင်ခဲ့တာပဲ ဖြစ်ပါတယ်။ ဒီဖြစ်စဉ်တခုလုံးကို လေဆိပ်ကနေ ထုတ်ပြန်လိုက်တဲ့ ဗွီဒီယိုဖိုင်မှာ ရှင်းလင်းစွာ မြင်တွေ့ခဲ့ရပြီး ကလေးလေး စက်ပေါ်တက်သွားတဲ့အချိန်မှာ မိခင်ဖြစ်သူကအနားမှာ ရှိမနေခဲ့ဘူးလို့လည်း သိရပါတယ်။ ဒီဖြစ်ရပ်ကြောင့် ကလေးငယ်လေးရဲ့ ခန္ဓာကိုယ်မှာ ပွန်းပဲခြင်းအပါအဝင် အသေးစားဒဏ်ရာ အနည်းငယ် ရရှိခဲ့တယ်လို့လည်း အတ္တလန္တာ ရဲတပ်ဖွဲ့က ထုတ်ပြန်ထားပါတယ်။
2 years Ago

July 27, 2019

ဟောင်ကောင်ကို လွတ်လပ်ခွင့်ပေးရန် လူ ၁၀၀၀ ကျော် လေဆိပ်တွင် ဆန္ဒပြ

ဟောင်ကောင်လေဆိပ်မှာ ဒီမိုကရေစီရရှိရေး နဲ့ ဟောင်ကောင်ကို လွတ်လပ်ခွင့်ပေးဖို့ ဇူလိုင် ၂၆ ရက်နေ့က လူ ၁၀၀၀ ကျော် ဆန္ဒပြတောင်းဆိုခဲ့ပါတယ်။ လေဆိပ်အာဏာပိုင်တွေက ဒီလိုဆန္ဒပြတာကြောင့် လေဆိပ်လုပ်ငန်းဆောင်တာတွေ မထိခိုက်ဘူးလို့ ပြောပေမယ့် ခရီးသည်တွေကို စောစောကြိုလာဖို့ အကြံပြုခဲ့ပါတယ်။ လေဆိပ်ဝန်ထမ်း တဦးက “ဟောင်ကောင်ဟာ အရင်က ဟောင်ကောင်လို မဟုတ်တော့တာကို ပြည်သူတွေကို သိစေလိုပြီး တရားခံလွှဲပြောင်းရေး ဥပဒေကြမ်းကို မဖြစ်မြောက်စေလိုဘူး” လို့ ပြောပါတယ်။ ဆန္ဒပြသူတွေကို ရဲတပ်ဖွဲ့ဆက်ဆံပုံဟာ မလုပ်အပ်တဲ့ ကိစ္စဖြစ်တယ်လို့လည်း သူက ပြောပါတယ်။ ဇူလိုင် ၂၇ ရက်နေ့မှာလည်း ဆန္ဒပြပွဲတွေ ပိုမိုပြုလုပ်မယ်လို့ သိရပြီး ဇူလိုင် ၂၁ ရက်နေ့က ရထားပေါ် လိုက်လာကြတဲ့ ဆန္ဒပြသူတွေကို လက်နက်ကိုင်လူအုပ်က တိုက်ခိုက်ခဲ့တာကြောင့် ၄၅ ယောက် ဒဏ်ရာရခဲ့ပါတယ်။ အဲဒီလူအုပ်ထဲက တချို့ဟာ ဟောင်ကောင်လူဆိုးဂိုဏ်းဝင်တွေ ပါတယ်လို့ ရဲသတင်းရင်းမြစ်တွေက ဖော်ပြပါတယ်။ အစိုးရဆန့်ကျင်ရေး ဆန္ဒပြသူတွေ တိုက်ခိုက်ခံခဲ့ရလို့ ဆန္ဒပြချီတက်ပွဲကို ခွင့်ပြုမှာ မဟုတ်ဘူးလို့ ဟောင်ကောင်ရဲတပ်ဖွဲ့က ပြောကြားထားပါတယ်။
2 years Ago
More News
Up