ရွှေ့ပြောင်းလာသူ

July 6, 2019

ရွှေ့ပြောင်းလာသူ ထိန်းသိမ်းရေးစခန်းများကို ကောင်းမွန်စွာကိုယ်တွယ်ဟု သမ္မတထရမ့်ပြော

ရွှေ့ပြောင်းလာသူ ထိန်းသိမ်းရေး စခန်းတွေကို ကောင်းကောင်းမွန်မွန် ကိုင်တွယ်နေတယ်လို့ အမေရိကန်သမ္မတ ဒေါ်နယ်ထရမ့်က ဇူလိုင် ၅ ရက်နေ့မှာ ကာကွယ်ပြောလိုက်ပါတယ်။ အမေရိကန်-မက္ကဆီကို နယ်စပ်က ထိန်းသိမ်းရေးစခန်းတွေဟာ လူနေမှု အခြေအနေတွေ ဆိုးရွားနေတယ်ဆိုပြိး ဒီမိုကရက်တွေနဲ့ တက်ကြွလှုပ်ရှားသူတွေက ဝေဖန်ပြီးနောက်မှာ သမ္မတ ထရမ့်က ထိန်းသိမ်းရေးစခန်းတွေဟာ သန့်ရှင်းကောင်းမွန်တယ်လို့ သတင်းထောက်တွေကို  ပြောပါတယ်။ တက္ကဆက်ပြည်နယ် ရီယိုဂရန်ဒေး ဗယ်လီက ထိန်းသိမ်းရေးစခန်းတွေမှာ ရှိသင့်တဲ့ လူဦးရေထက်  နှစ်ဆများနေတဲ့ ဓာတ်ပုံတွေကို အမိမြေလုံခြုံရေးဌာန စုံစမ်းရေးမှူးချုပ်က ဇူလိုင်လ ၂ ရက်နေ့မှာ ထုတ်ပြန်ခဲ့ပါတယ်။ အဲဒါနဲ့ ပတ်သက်ပြီး သမ္မတ ထရမ့်က တရားမ၀င်လာရင်တော့ လူပြည့်ကျပ်မှာပဲလို့ ပြန်ဖြေခဲ့ပါတယ်။ အဲဒီနောက် သမ္မတ ထရမ့်က နယ်စပ်ကင်းလှည့်အဖွဲ့ကို ဆရာဝန်တွေ၊ သူနာပြုတွေနဲ့ သန့်ရှင်းရေး ၀န်ထမ်းတွေလို သင်တန်းပေးထားတာ မဟုတ်ဘဲ  သူတို့ဟာ သူတို့ရဲ့အဓိကအလုပ်ကို လုပ်နေတာလို့ ပြောပါတယ်။
3 years Ago

July 4, 2019

မက္ကဆီကို အမျိုးသားလုံခြုံရေးအစောင့်တပ်ဖွဲ့က ရွှေ့ပြောင်းသူများကို စောင့်ကြည့်ဖမ်းဆီး

မက္ကဆီကို အမျိုးသားလုံခြုံရေးအစောင့်တပ်ဖွဲ့ဟာ ဇူလိုင် ၃ ရက်က ဂွါတီမာလာနိုင်ငံနဲ့ နယ်စပ်ဖြစ်တဲ့ ဆူချီအာတီမြစ်တလျောက် နေရာယူထားပြီး တရားမဝင် ရွှေ့ပြောင်း ဒုက္ခသည်တွေကို စောင့်ကြည့် ဖမ်းဆီးနေပါတယ်။ အမေရိကန်နဲ့ သဘောတူညီချက်အရ မက္ကဆီကိုဟာ ဗဟိုအမေရိက ရွှေ့ပြောင်းဒုက္ခသည်တွေ နယ်စပ်ဖြတ်ကျော်ပြီး သူ့နိုင်ငံထဲ စီးဝင်လာတာတွေကို ဟန့်တားထိန်းချုပ်ဖို့ ကြိုးစားနေတာပါ။ ဆင်းရဲနွမ်းပါးမှုနဲ့ ပဋိပက္ခတွေကြောင့် မိခင်နိုင်ငံကနေ ထွက်ပြေးလာကြတဲ့ ဗဟိုအမေရိက ဒုက္ခသည်တွေဟာ မက္ကဆီကိုနိုင်ငံကနေတဆင့် အမေရိကန်နိုင်ငံထဲကိုဝင်ဖို့ ကြိုးစားနေကြတာပါ။ ဒါ့ကြောင့် မက္ကဆီကိုအနေနဲ့ အဲဒီဒုက္ခသည်တွေစီးဝင်မှုကို ထိန်းချုပ်မယ်ဆိုရင် မက္ကဆီကို ပို့ကုန်တွေအပေါ် အခွန်စည်းကြပ်တာတွေ ဖြေလျော့ပေးမယ်လို့ အမေရိကန်သမ္မတ ဒေါ်နယ်ထရမ့်နဲ့ သဘောတူထားပါတယ်။ အမျိုးသားလုံခြုံရေး အစောင့်တပ်ဖွဲ့ အရာရှိတွေဟာ ဇူလိုင် ၃ ရက်နေ့က ဆူချီအာတီမြစ်ကနေ တရားမဝင် နယ်စပ်ဖြတ်ကျော်လာတဲ့ ဘင်္ဂလားဒေ့ရှ် ဒုက္ခသည် အယောက် ၂၀ နဲ့ ဗဟိုအမေရိက ဒုက္ခသည် အယောက် ၁၀၀ တို့ကို ထိန်းသိမ်းခဲ့တယ်လို့ ဒေသခံ မီဒီယာတွေက ဖော်ပြပါတယ်။ လက်ရှိမှာတော့ အဲဒီဒုက္ခသည်တွေကို ပြည်ဝင်ခွင့်အတွက် စစ်ဆေးနေတယ်လို့ ရိုက်တာသတင်းဌာနက ပြောပါတယ်။ ပုံမှန်အားဖြင့် မက္ကဆီကို အစိုးရဟာ အမေရိကန်ကိုသွားမယ့် အထောက်အထားမဲ့ ပြည်ပနိုင်ငံသားတွေကို ဟန့်တားဖို့ လုံခြုံရေးတပ်ဖွဲ့တွေကို တာဝန်ပေးလေ့ မရှိပါဘူး။ ဒါ့ကြောင့် မက္ကဆီကိုဟာ အမေရိကန်သမ္မတ ထရမ့်ရဲ့အလိုအတိုင်း လိုက်လျော လွန်းတယ်လို့ ဝေဖန်နေကြပါတယ်။
3 years Ago
Up