ရွှေည၀ါ

April 5, 2015

ပြည်တွင်းတွင် တရားဟောခွင့်ပိတ်ခံရသည့် ရွှေညဝါဆရာတော်၏ ပြည်ပတရားပွဲ

ပြည်တွင်းမှာ တရားဟောခွင့်ပိတ်ခံထားရတဲ့ ရွှေညဝါဆရာတော် ဦးပညာသီဟဟာ ဂျပန်နိုင်ငံတိုကျိုမြို့ အီတဘရှိမှာ နိဗ္ဗာန် ရောက်ကြောင်းတရားပွဲကို ဧပြီ ၅ ရက်နဲ့ ၆ ရက်နေ့တွေမှာ ဟောကြားနေပါတယ်။ လက်ရှိမြန်မာပြည်သူတွေဘ၀ကို ထင်ဟပ်ပြီး ဗုဒ္ဓဘာသာ အကိုးအကားနဲ့ ရွှေည၀ါဆရာတော် ဦးပညာသီဟက ဟောပြောခဲ့ပါတယ်။ ဂျပန်မှာ လက်ထောက်ဆရာတော် ဦးသူရိယနဲ့အတူ ဧပြီ ၁၁ ရက်အထိ သီတင်းသုံး နေထိုင်မှာ လည်း ဖြစ်ပါ တယ်။ တရားပွဲကို မြန်မာနိုင်ငံသား ၂၀၀ ကျော် လာရောက်နာယူခဲ့ကြပါတယ်။ ဗုဒ္ဓဘာသာ တရားတော်နဲ့ မသက်ဆိုင်တဲ့ အကြောင်းအရာတွေ ဟောပြောတဲ့အတွက် ရွှေည၀ါဆရာတော်ကို တရားဟောခြင်းလုံးဝခွင့်မပြုဖို့ နိုင်ငံတော် သံဃမဟာနာယကအဖွဲ့က မတ်လ ၂၅ ရက်မှာ ထုတ်ပြန်ခဲ့ပါတယ်။ ၂၀၁၂ ခုနှစ်ကလည်း အလားတူအမိန့်မျိုး ထုတ်ပြန်ခဲ့ဖူးပါတယ်။ သတင်းဓာတ်ပုံ (ဇော်ဇော်လှိုင်) [gallery ids="88472,88473,88474,88475,88476,88477"]
7 years Ago

April 2, 2015

ပိတ်ပင်ခံရသော်လည်း တရားဆက်ဟောမည်ဟု ရွှေည၀ါဆရာတော် မိန့်ကြား

တရားဟောပြောခွင့် ပိတ်ပင်ခံခဲ့ရပေမယ့် ဘယ်သူ့ဆီကိုမှ ခွင့်ပြုချက်မတင်ဘဲ ဆက်လက်တရားဟော သွားမယ်လို့ ရွှေည၀ါဆရာတော်က မိန့်ကြားလိုက်ပါတယ်။ တရားဟောခွင့်မရလည်း တရားနာလိုတဲ့ ပရိသတ်ရှိရင် ဘယ်သူ့ဆီကမှ ခွင့်ပြုမိန့် မတောင်းခံပဲ ဆက်လက်တရားဟောပြောသွားမယ်လို့ ဧပြီ ၁ ရက်နေ့က မှော်ဘီမြို့နယ် ရွှေည၀ါတောရ ကျောင်းတိုက် သတင်းစာရှင်းလင်းပွဲမှာ ရွှေည၀ါဆရာတော်က မိန့်ကြားခဲ့တာပါ။ တရားပွဲမှာ နိုင်ငံဆူပူမှုကို လံှု့ဆော်သွေးထိုးတဲ့ တရားဟောပြောခဲ့ရင် တရားပွဲပြီးရင် လာရောက်ဖမ်းဆီိးနိုင်ကြောင်း၊ ဒါပေမယ့် တရားဟောခွင့်ကို လာရောက်ပိတ်ပင်ရင် ဖွဲ့စည်းပုံအခြေခံဥပဒေပုဒ်မ ၃၅၄ အရ ပြန်လည်တရားစွဲဆိုနိုင်တယ်လို့ ဆရာတော်က ဆက်လက်မိန့်ကြားပါတယ်။ ဗုဒ္ဓဘာသာ တရားတော်နဲ့ မသက်ဆိုင်တဲ့ အကြောင်းအရာတွေ ဟောပြောတယ်ဆိုပြီး ရွှေည၀ါဆရာတော်ကို တရားဟောခြင်းလုံးဝခွင့်မပြုဖို့   နိုင်ငံတော် သံဃမဟာနာယကအဖွဲ့က မတ်လ ၂၅ ရက်နေ့မှာ  စာထုတ်ပြန်ခဲ့တာဖြစ်ပါတယ်။ ဆရာတော်ကတော့  လာမယ့် ဧပြီ ၁၂ ရက်နေ့ ရွှေပြည်သာမြို့နယ်မှာ ကျင်းပမယ့် တရားပွဲကို သွားရောက်ဟောပြောသွားမှာ ဖြစ်တယ်လို့ သိရပါတယ်။ သတင်း - ခိုင်ပန်းနု အပြည့်အစုံ ရုပ်သံကြည့်ရှုရန်
7 years Ago
Up