ရွှေကမ္ဘာလုံးဆု

February 19, 2019

အကယ်ဒမီ ရွှေကမ္ဘာလုံးဆုရ ထူးထူးခြားခြား အဖြူအမည်းရုပ်ရှင်ကား - Roma (နမူနာ)

ထူးထူးခြားခြား အဖြူအမည်း ရုပ်ရှင်ကားတကားဖြစ်တဲ့ Roma ရုပ်ရှင်ကားဟာ မကြာခင်မှာ ကျင်းပတော့မယ့် အော်စကာဆု ဆန်ကာတင်စာရင်းမှာ ပါဝင်နေပါတယ်။ မက္ကဆီကန်-အမေရိကန် ဒရာမာ အမျိုးအစား ရုပ်ရှင်ကားတကားဖြစ်တဲ့ ဒီကားဟာ ပြီးခဲ့တဲ့လက ကျင်းပခဲ့တဲ့ ၇၆ ကြိမ်မြောက် နာမည်ကြီး ရွှေကမ္ဘာလုံး ဆုပေးပွဲမှာ အကောင်းဆုံး ဒါရိုက်တာဆုနဲ့ အကောင်းဆုံး နိုင်ငံခြားဘာသာစကားပြော ရုပ်ရှင်ဇာတ်ကားဆုတွေ ရရှိထားပါတယ်။ စပိန်ဘာသာစကားပြော ရုပ်ရှင်ကားတကားဖြစ်တဲ့ ဒီကားကိုတော့ မက္ကဆီကန် ရုပ်ရှင်ဒါရိုက်တာ Alfonso Cuarón က ရိုက်ကူး ပုံဖော်ပေးထားတာ ဖြစ်ပါတယ်။ ၁၉၇၀-၇၁ ခုနှစ်ကာလ ဝန်းကျင်ကို အခြေတည် ရိုက်ကူးထားတဲ့ Roma ရုပ်ရှင်ကားဟာ မက္ကဆီကိုမှာ အလုပ်လုပ်ခဲ့တဲ့ အိမ်အကူတဦးနဲ့ သူအလုပ်လုပ်ရာ မိသားစုအကြောင်းကို ရိုက်ကူးထားတာဖြစ်ပြီး ဒါရိုက်တာ Alfonso Cuarón က ရုပ်ရှင်ကို သူကြီးပြင်းရာ မက္ကဆီကိုစီးတီးမြို့ အနီးဝန်းကျင် နေရာတခု နာမည်ကို ပေးထားတာဖြစ်ပါတယ်။ ဒီကားထဲမှာတော့ မက္ကဆီကန် သရုပ်ဆောင်မင်းသမီး ၂ ဦးဖြစ်ကြတဲ့ Yalitza Aparicio နဲ့ Marina de Tavira တို့က တခြားသရုပ်ဆောင်တွေနဲ့အတူ ခေါင်းဆောင် ပါဝင်ထားကြတာပါ။ IMDb မှာတော့ ဒီရုပ်ရှင်ကားဟာ Rating 7.9 အထိ ရရှိထားပြီး ပါဝင်တဲ့ သရုပ်ဆောင်မင်းသမီး ၂ ဦးလုံးရော ရုပ်ရှင်ကားပါ မကြာခင်ကျင်းပမယ့် အော်စကာဆု ဆန်ကာတင်စာရင်းမှာ ပါဝင်နေတာ ဖြစ်ပါတယ်။ ဒီကားထဲမှာ ပါဝင်တဲ့ ဇာတ်ဝင်ခန်း မြင်ကွင်းတွေ၊ ပြကွင်းပြကွက်တွေ၊ ပြောစကား ဒိုင်ယာလေ့ာခ်တွေဟာ အသက် ၁၇ နှစ်အောက် ကလေးငယ်တွေ ကြည့်ရှုဖို့ မသင့်တော်တာမို့ မိဘအုပ်ထိန်းသူ ခွင့်ပြုချက်နဲ့မှ ကြည့်ရှုသင့်တဲ့ Restricted R အဆင့် သတ်မှတ်ထားပါတယ်။ ထူးခြားတာက ဒီကားဟာ အွန်လိုင်းမီဒီယာ ကော်ပိုရေးရှင်းတခုဖြစ်တဲ့ Netflix က တင်ဆက်လိုက်တဲ့ ဇာတ်ကားတကားဖြစ်နေပြီး ဟောလိဝုဒ် ရုပ်ရှင်လောကအနေနဲ့ အွန်လိုင်းမီဒီယာဝန်ဆောင်မှု လုပ်ငန်းကို သူ့ရဲ့ ထိပ်တန်းဆုတဆုဖြစ်တဲ့ အော်စကာဆုကို ချီးမြှင့်မလားဆိုတာ စမ်းသပ်မယ့် သမိုင်းမှတ်တိုင်တခုလည်း ဖြစ်နေတာမို့ စောင့်ကြည့်ကြရမှာ ဖြစ်ပါတယ်။
3 years Ago

December 7, 2018

နာမည်ကြီး Crazy Rich Asians ရုပ်ရှင်မှ သရုပ်ဆောင်မင်းသမီး ရွှေကမ္ဘာလုံးဆု ဆန်ကာတင် စာရင်းဝင်

နာမည်ကြီး ဟောလိဝုဒ်ရုပ်ရှင်ကားတကားဖြစ်တဲ့ Crazy Rich Asians ရုပ်ရှင်ကားထဲမှာ ပါဝင်သရုပ်ဆောင်ခဲ့တဲ့ မင်းသမီး ကွန်းစတန့်စ်ဝူဟာ အခုနှစ်ရဲ့ ရွှေကမ္ဘာလုံးဆု လျာထားတဲ့ စာရင်းမှာ ဆန်ကာတင်အဖြစ် ရွေးချယ်ခံထားရပါတယ်။ ခုလိုရွေးချယ်ခံရမှုဟာ အာရှ အမျိုးသမီးသရုပ်ဆောင်တယောက် အနေနဲ့ ဒီဆန်ကာတင်စာရင်းမှာ နှစ်ပေါင်း ၄၄ နှစ်အကြာမှ ပထမဆုံး စာရင်းဝင်ခဲ့တာ ဖြစ်တယ်လို့ ဆိုပါတယ်။ ဝူကတော့ ခုလိုရွေးချယ်ခံရတဲ့အပေါ် သူ့အနေနဲ့ မျှော်လင့်မထားခဲ့ဘဲ “လန့်သွားရုံတင်မကဘဲ ကျမ အံ့အားသင့် ပျော်ရွှင်ခဲ့ရတယ်” လို့ ပြောပါတယ်။ သူ ပါဝင်သရုပ်ဆောင်ခဲ့တဲ့ ဒီ Crazy Rich Asians ရုပ်ရှင်ကားဟာလည်း အကောင်းဆုံး ဂီတဇာတ်မြူး အမျိုးအစား ရုပ်ရှင်ကားဆု ရရှိနိုင်ဖို့ ရွှေကမ္ဘာလုံးဆု ဆန်ကာတင်စာရင်း ဝင်နေခဲ့တာပါ။ နှစ်ပေါင်း ၂၅ နှစ်အတွင်းမှာ ထူးထူးခြားခြား အာရှသရုပ်ဆောင်တွေချည်း ပါဝင်သရုပ်ဆောင်ထားတဲ့ ဒီရုပ်ရှင်ကားကို ပြီးခဲ့တဲ့ သြဂုတ်လက ရုံတင်ပြသခဲ့ပြီး ဝင်ငွေ အမေရိကန်ဒေါ်လာ ၂၃၈ သန်းနီးပါး ရရှိခဲ့ကာ အောင်မြင်မှုရရှိခဲ့တဲ့ ဇာတ်ကားတကား ဖြစ်ခဲ့ပါတယ်။ ဒီကားရဲ့ ဒါရိုက်တာ ဂျွန်အမ်ချူကတော့ တွစ်တာ အင်တာနက်စာမျက်နှာပေါ်မှာ ခုလို ဆန်ကာတင် ၂ ဆု စာရင်းဝင်တဲ့အပေါ် “သူ့သက်တမ်းတလျှောက် ဂုဏ်အယူရဆုံး” လို့ ရေးသားထားခဲ့တာပါ။ ဝူအနေနဲ့ အကောင်းဆုံး အမျိုးသမီးသရုပ်ဆောင် ရွှေကမ္ဘာလုံးဆုရရှိဖို့ တခြား သရုပ်ဆောင်မင်းသမီး ၄ ဦးနဲ့ ယှဉ်ပြိုင်ရမှာ ဖြစ်ပါတယ်။ Crazy Rich Asians ရုပ်ရှင်ကားကတော့ အမေရိကန်မှာ ကြီးပြင်းတဲ့ အာရှသူ မိန်းကလေးတယောက်ဟာ စင်ကာပူနိုင်ငံက ကျိကျိတက်ချမ်းသာတဲ့ ချစ်သူကောင်လေးနဲ့ တွေ့ဆုံချိန်မှာ မတူညီတဲ့ နောက်ခံအခြေအနေချင်း၊ ယဉ်ကျေးမှုချင်း ထိပ်တိုက်တွေ့ကြရတဲ့ အကြောင်းတွေကို ပုံဖော်ရိုက်ကူးထားတာ ဖြစ်ပါတယ်။
3 years Ago
Up