ရှေ့နေဦးကိုနီ

February 15, 2019

ရှေ့နေဦးကိုနီ ပစ်သတ်ခံရမှု ယနေ့အမိန့်ချမည်

အမျိုးသားဒီမိုကရေစီအဖွဲ့ချုပ်ပါတီရဲ့ ဥပဒေအကြံပေး ဦးကိုနီကို မင်္ဂလာဒုံလေဆိပ်မှာ သေနတ်နဲ့ အနီးကပ်ပစ်သတ်ခဲ့တဲ့ ကြည်လင်းပါ လေးဦးကို ဒီနေ့ ဖေဖော်ဝါရီ ၁၅ရက်မှာ အင်းစိန် မြောက်ပိုင်းခရိုင်တရားရုံးက အပြီးသတ် အမိန့် ချမှတ်မှာပါ။ ရှေ့နေဦးကိုနီဟာ ပြီးခဲ့တဲ့ ၂၀၁၇ ခုနှစ် ဇန်နဝါရီလက ပြည်ပကနေ ပြန်လာချိန် ရန်ကုန်လေဆိပ် လူမြင်ကွင်းမှာ သေနတ်နဲ့ အနီးကပ် လုပ်ကြံသတ်ဖြတ်ခံခဲ့ရတာပါ။ ဒီအမှုဟာ ရုံးချိန်းပေါင်း ၁၀၀ကျော်၊ စစ်ဆေးချိန် ၂နှစ်ကျော်ကြာမြင့်ခဲ့သလို လူအများ စိတ်ဝင်စားတဲ့ အမှုလည်း ဖြစ်ပါတယ်။ ဒီအမှုမှာ သေနတ်သမားကြည်လင်းအပါအဝင် လေးဦးကို စွဲချက်တင်ထားတာဖြစ်ပြီး အဓိက ကွင်းဆက်တရားခံလို့ ယူဆထားကြတဲ့ အောင်ဝင်းခိုင်ကတော့ လွတ်မြောက်နေတာကြောင့် တရားရုံးက ဝရမ်းပြေးအဖြစ် ကြေညာထားပါတယ်။ ကြည်လင်း၊ အောင်ဝင်းဇော်နဲ့ ဇေယျာဖြိုးတို့ကို  ပြစ်မှုထင်ရှားရင်သေဒဏ်အထိ ချမှတ်နိုင်တဲ့ ပုဒ်မနဲ့ ရန်ကုန်မြောက်ပိုင်းခရိုင်တရားရုံးမှာ စွဲချက်တင်စစ်ဆေးနေတာပါ။ ဒီနေ့ရုံးချိန်းမှာတော့ ပြည်တွင်း ပြည်ပ သတင်းမီဒီယာသမားတွေ၊ အမျိုးသာရေး တက်ကြွလှုပ်ရှားသူတွေ အပါအ၀င် လူအများအပြား လာရောက် စောင့်ကြည့်နေကြ ပါတယ်။ အမိန့်မချခင် တရားရုံးပတ်ဝန်းကျင်မှာတော့ အရင်နေ့တွေကထက် လုံခြုံရေး အင်အား ပိုမိုချထားပါတယ်။ မနေ့ကတော့ ကြည်လင်းတို့ကို ပြစ်ဒဏ်ကနေ လျော့ပေါ့ပေးဖို့  တကိုယ်တော် ဆုတောင်းဆန္ဒထုတ်ဖော်တာတွေလည်း ပြုလုပ်ခဲ့ပါသေးတယ်။
3 years Ago

February 9, 2018

ရှေ့နေဦးကိုနီ လုပ်ကြံခံရမှုဖြင့် ဖမ်းဆီးထားသူများကို စတင်စွဲချက်တင်

အမျိုးသားဒီမိုကရေစီအဖွဲ့ချုပ် ဥပဒေအကြံပေး ဦးကိုနီကို ရန်ကုန်အပြည်ပြည်ဆိုင်ရာ လေဆိပ်မှာ သေနတ်နဲ့ လုပ်ကြံခဲ့တဲ့ ကြည်လင်းနဲ့ ဒီအမှုမှာ ပါဝင်တယ်လို့ စွပ်စွဲခံရထားရတဲ့ ဇေယျာဖြိုး၊ အောင်ဝင်းဇော် အောင်ဝင်းထွန်းတို့ကို ဒီကနေ့ စွဲချက်တင် အမိန့်ချခဲ့ပါတယ်။ ကြည်လင်းကို ဦးကိုနီကို သတ်မှုအတွက် ရာဇသတ်ကြီး ပုဒ်မ ၃၀၂ ၁(ခ) /၃၄၊ ဦးနေဝင်းကို သတ်မှုအတွက် ပုဒ်မ ၃၀၂(၂) လက်နက်ဥပဒေပုဒ်မ ၁၉(ဃ) ၁၉(စ) နဲ့ စွဲချက်တင်ခဲ့ပါတယ်။ အောင်ဝင်းဇော်ကိုတော့  ပုဒ်မ ၃၀၂(၁) ခ/၃၄ လက်နက်ဥပဒေပုဒ်မ ၁၉(ဃ) ၁၉(စ)၊ ဇေယျာဖြိုးကိုတော့  ပုဒ်မ ၃၀၂(၁)ခ /၃၄ နဲ့ စွဲချက်တင်ပြီး အောင်ဝင်းထွန်းကို  ရာဇသတ်ကြီးပုဒ်မ ၂၁၂ နဲ့ စွဲချက်တင်ခဲ့ပါတယ်။ ဇေယျာဖြိုး၊ အောင်ဝင်းဇော်၊ အောင်ဝင်းထွန်းတို့ ရှေ့နေတွေကတော့ တရားရုံးမှာ လာရောက် သက်သေထွက်ဆိုခဲ့တဲ့ လိုပြသက်သေ ၇၂ ဦးစလုံးက သူတို့ ပါဝင်ကြောင်း မထွက်ဆိုနိုင်လို့ ပြန်လွှတ်ပေးဖို့ တရားသူကြီးကို ပြီးခဲ့တဲ့အပတ် ရုံးချိန်းက တင်ပြထားပါတယ်။ ဒါ့အပြင် အထက်တရားရုံးကို ထပ်တက်မယ်လို့လည်း တရားခံတွေဘက်က ရှေ့နေက ပြောပါတယ်။
4 years Ago
Up