ရွေးကောက်ပွဲကော်မရှင်

July 13, 2019

မဲစာရင်း လုံးဝမမှားစေရန် ရွေးကောက်ပွဲကော်မရှင် ပြော

မဲပေးခွင့်ရရှိသူတိုင်း မဲပေးနိုင်ဖို့၊ မဲဆန္ဒရှင် စာရင်းတွေကို လုံးဝမမှားစေဖို့ မဲစာရင်းကောက်ယူကြမယ့် ကော်မရှင်အဖွဲ့ဝင်တွေ နဲ့ ပူပေါင်းဆောင်ရွက်မယ့် အဖွဲ့အစည်း အသီး သီးကို ရွေးကောက်ပွဲကော်မရှင် (UEC) ကနေ ပြောကြားလိုက်ပါတယ်။ ပြည်ထောင်စု ရွေးကောက်ပွဲကော်မရှင် နဲ့ ပဲခူးတိုင်းအတွင်းက နိုင်ငံရေးပါတီတွေ၊ ရွေးကောက်ပွဲဆိုင်ရာ ကဏ္ဍစုံက ပါဝင်ပါတ်သက်သူတွေ တွေ့ဆုံဆွေးနွေးပွဲကို ပဲခူးမြို့တော်ခန်းမ မှာ ဇူလိူင် ၁၂ ရက်နေ့က ကျင်းပပြုလုပ်ခဲ့ပါတယ်။ ဆွေးနွေးပွဲမှာ အသက် ၁၈ နှစ်ပြည့်ပြီးသူတိုင်း မဲပေးခွင့်ရရှိနိုင်ရေးအတွက် မဲစာရင်းကောက်ယူမှုနဲ့ ပတ်သက်ပြီး အဓိက ဆွေးနွေးခဲ့ကြတာပါ။ အဲဒီလို မဲစာရင်းကောက်ယူတဲ့နေရာမျိုးမှာ ရွေးကောက်ပွဲ ကော်မရှင် အဖွဲ့တွေချည်းပဲ ဆောင်ရွက်လို့ မရတာကြောင့် အားလုံးကနေ ပေါင်းစပ်ပြီး ကူညီပေးဖို့ ပြည်ထောင်စုရွေးကောက်ပွဲကော်မရှင်အဖွဲ့ဝင် ဦးထွန်းခင်က မေတ္တာရပ်ခံခဲ့ပါတယ်။ “၁၆ နှစ်ပြည် မည်သူ့ကိုမဆို ရွေးကောက်ပွဲမှာ ပါရမှာပါ။ နောက်ဆုံး ဒီနယ်တွေမှာလည်း ရှိတတ်ပါတယ်။ ရပ်ကျေးတွေက တာဝန်ယူရမှာပါ။ ပရဟိတကျောင်းတွေမှာလည်း ၁၈ နှစ်ပြည့်ပြီးသူတွေရှိကြမှာပါ။ သူတို့ကိုလည်း အခွင့်အရေးရအောင်လုပ်ပါ။ ဒီမိုကရေစီအောင်မြင်ဖိ်ု့အတွက် ဒီမဲပေးတဲ့ အခွင့်အလမ်းတွေကို ရဖို့လိုပါတယ်။ အဲဒီတော့ အားလုံးကို မေတ္တာရပ်ခံခြင်တာက မဲစာရင်းကိုတော့ လုံးဝမမှားပါစေနဲ့။” ပဲခူးတိုင်းဒေသကြီး ရွေးကာက်ပွဲကော်မရှင်အဖွဲ့ခွဲ ဥက္ကဋ္ဌ ဦးအောင်မြင့်က “အခုကောက်ယူမယ့်ပုံစံက အထွေထွေအုပ်ချုပ်ရေးဦးစီးဌာနရယ်၊ လ၀က ရယ်၊ ရွေးကောက်ပွဲကော်မရှင်အဖွဲ့ခွဲတွေရယ် ပူးပေါင်းပြီး ရပ်ကျေးတွေအထိ အဖွဲ့ငယ်လေးတွေ အဆင့်ဆင့်ဖွဲ့ပြီး အသက် ၁၈ နှစ်ပြည့်ပြည့် မပြည့်ပြည့် လူဦးရေးစာရင်းကို အိမ်ထောင်စုစာရင်း အလိုက် ကောက်ယူမှာပါ။ အဲဒီလို ကောက်ယူပြီး အတိအကျရပြီဆိုမှ မဲဆန္ဒရှင်စာရင်းကို ပြုစုမှာဖြစ်တယ်” လို့ ပြောပါတယ်။ “တက်လာတဲ့အစိုးရတိုင်းက အခုလို မဲဆန္ဒရင်စာရင်းတွေ ကောက်ယူတော့မယ်ဆိုရင် သူတို့ပါတီဝင်တွေကပါလိုက်ပြီး ကောက်ယူတာတွေ ရှိနေတာကိုတွေ့ရပါတယ်။ အဲဒီတော့ ကျနော်တို့လို ပါတီငယ်လေေးတွေကရော အတူလိုက်ပါ ကောက်ယူလို့ မရဘူလား” လို့ အလုပ်သမားလယ်သမားအင်အားစုပါတီရဲ့ဗဟိုဥက္ကဋ္ဌ ဦးမင်သူက ထောက်ပြဆွေးနွေးခဲ့ပါတယ်။ ရွေးကောက်ပွဲကော်မရှင်အဖွဲတွေဟာ ရွေးကောက်ပွဲကို တရားမျှတစွာ နဲ့ ဘက်မလိုက် ဘဲ ကျင်းပပေးရမှာဖြစ်တဲ့အတွက် ဘယ်ပါတီ၊ ဘယ်ပုဂ္ဂိုလ်ကိုမှ ဘက်မလိုက်ဘဲ တရားမျှတတဲ့ ရွးကောက်ပွဲကြီးဖြစ်အောင် ဆောင်ရွက်ပေးဖို့ UEC ကနေ အဖွဲ့ဝင်တွေကို မေတ္တရပ်ခံမှာကြားသွားပါတယ်။ အောင်စိုးမိုး
2 years Ago

November 6, 2018

ရွေးကောက်ပွဲကုန်ကျစရိတ် မတင်ပါက အရည်အချင်း ပျက်ယွင်းသူအဖြစ် ကြေညာခံရမည်

ပြီးခဲ့တဲ့ ကြားဖြတ်ရွေးကောက်ပွဲမှာ ဝင်ပြိုင်ခဲ့တဲ့ လွှတ်တော်ကိုယ်စားလှယ်လောင်းတွေ အနေနဲ့ ရွေးကောက်ပွဲ ကုန်ကျစရိတ်စာရင်း တင်သွင်းကြဖို့နဲ့ မတင်သွင်းပါက အရည်အချင်း ပျက်ယွင်းသူအဖြစ် ကြေညာခံရမယ်လို့ ပြည်ထောင်စု ရွေးကောက်ပွဲကော်မရှင်က အသိပေး နှိုးဆော်လိုက်ပါတယ်။ ရွေးကောက်ပွဲဝင် လွှတ်တော်ကိုယ်စားလှယ်လောင်း အားလုံးဟာ သက်ဆိုင်ရာ လွှတ်တော်ရွေးကောက်ပွဲ နည်းဥပဒေ ၇၇ အရ တိုင်းဒေသကြီး သို့မဟုတ် ပြည်နယ်ရွေးကောက်ပွဲ ကော်မရှင် အဖွဲ့ခွဲက ရွေးကောက်တင်မြှောက်ခံရသူ လွှတ်တော်ကိုယ်စားလှယ်ရဲ့ အမည်ကို ကြေညာတဲ့ရက်မှ ရက်ပေါင်း ၃၀ အတွင်း ၎င်းတို့ အမည်စာရင်း တင်သွင်းခဲ့ကြတဲ့ ရွေးကောက်ပွဲ ကော်မရှင်အဖွဲ့ခွဲ အသီးသီးသို့ ရွေးကောက်ပွဲ ကုန်ကျစရိတ် စာရင်းပုံစံ ၂၀ နဲ့ တင်သွင်းကြရမယ်လို့ ဆိုပါတယ်။ ကုန်ကျစရိတ်စာရင်း မတင်သွင်းပါက သက်ဆိုင်ရာ ရွေးကောက်ပွဲ နည်းဥပဒေ ၈၄ အရ အရည်အချင်း ပျက်ယွင်းသူအဖြစ် သတ်မှတ်ကြေညာခြင်း ခံရမှာဖြစ်လို့ သတ်မှတ်ရက်အတွင်း အမြန်ဆုံးတင်သွင်းကြဖို့ ကော်မရှင်က နိုဝင်ဘာ ၅ ရက်နေ့စွဲနဲ့ အသိပေးနှိုးဆော်စာ ထုတ်ပြန်ထားပါတယ်။ နိုဝင်ဘာ ၃ ရက်နေ့က ကျင်းပပြီးစီးသွားတဲ့ ကြားဖြတ်ရွေးကောက်ပွဲမှာ နိုင်ငံရေးပါတီ ၂၄ ပါတီက ကိုယ်စားလှယ်လောင်း ၆၂ ဦးနဲ့ တသီးပုဂ္ဂလ ကိုယ်စားလှယ်လောင်း ၇ ဦး စုစုပေါင်း ၆၉ ဦး ဝင်ရောက်ယှဉ်ပြိုင်ခဲ့တာ ဖြစ်ပါတယ်။
3 years Ago
More News
Up