ရောက်ရှိ

January 21, 2018

မြောက်ကိုရီးယား အားကစား ကြီးကြပ်ရေးအဖွဲ့ တောင်ကိုရီးယားသို့ ရောက်ရှိ

တောင်ကိုရီးယားမှာကျင်းပမယ့် အိုလံပစ်အားကစားပွဲကို ဝင်ရောက်ယှဉ်ပြိုင်မယ့် မြောက်ကိုရီးယားအားကစားအဖွဲ့ရဲ့ ကြည့်ကြပ်ရေးအဖွဲ့ဟာ ဇန်နဝါရီ ၂၁ ရက်က တောင်ကိုရီးယားနိုင်ငံကို ရောက်ရှိသွားပြီဖြစ်ပါတယ်။ မြောက်ကိုရီးယား အားကစားအဖွဲ့ရဲ့ ကြည့်ကြပ်ရေးအဖွဲ့ဟာ ဆိုးလ်မြို့တော်ကို ဇန်နဝါရီလ ၂၁ ရက် အစောပိုင်းမှာ ရောက်ရှိပြီး၊ အိုလံပစ်ပွဲကျင်းပမယ့် ဂန်နန်းမြို့ကို သွားမယ့် မီးရထားပေါ်ကို တက်ရောက်သွားပြီလို့ တောင်ကိုရီးယားနိုင်ငံ တောင်နဲ့မြောက်ကိုရီးယား ပေါင်စည်းရေးဝန်ကြီးဌာနက ကိုရီးယားနှစ်နိုင်ငံကြား ဆက်ဆံရေးနဲ့ ပတ်သက်တဲ့ တာဝန်ရှိသူတဦးကပြောကြားပါတယ်။ မြောက်ကိုရီးယား ကြည့်ကြပ်ရေးအဖွဲ့ကို ဟွန်ဆောင်ဝိုး ဆိုသူက ဦးဆောင်လာတာ ဖြစ်ပါတယ်။ သူဟာ မြောက်ကိုရီးယားမှာ နာမည်ကြီးတဲ့ အမျိုးသမီးတေးဂီတအဖွဲ့ဖြစ်တဲ့  မိုရန်ဘွန်း အဖွဲ့ရဲ့ ဒါရိုက်တာလည်းဖြစ်ပါတယ်။ မူလက မြောက်ကိုရီးယားကိုယ်စားလှယ်အဖွဲ့ဝင် ၇ ဦဟာ ဇန်နဝါရီလ ၂၀ ရက်မှာ တောင်ကိုရီးယားကို လာရောက်ဖို့ စီစဉ်ထားပေမယ့် တစုံတရာအကြောင်းပြချက်မရှိဘဲ အဲဒီအစီအစဉ်ကို ပယ်ဖျက်ခဲ့တာလည်းဖြစ်ပါတယ်။ အဲဒီဖြစ်ရပ်ကြောင့် ဆောင်းရာသီအိုလံပစ်ပွဲမှာ မြောက်ကိုရီးယားပါဝင်မယ့်ကိစ္စနဲ့ ပတ်သက်ပြီး သံသယဖြစ်ခဲ့ရပါတယ်။ တောင်ကိုရီးယားမှာ ဖေဖော်ဝါရီ ၉ ရက်ကနေ ၂၅ ၇က်အထိ ကျင်းပမယ့် ပြုံးချမ်းဆောင်းရာသီ အားကစားပွဲမှာ မြောက်ကိုရီးယားအားကစားသမား ၂၂ ဦးဝင်ရောက်ယှဉ်ပြိုင်မှာဖြစ်ပါတယ်။ သူတို့ဟာ အာစားနည်း ၃ ခုမှာ ပြိုင်ပွဲ ၅ ပွဲကို ဝင်ရောက်ယှဉ်ပြိုင်မှာဖြစ်တယ်လို့ အပြည်ပြည်ဆိုင်ရာ အိုလံပစ်ကော်မတီက ပြေကြားထားပါတယ်။
4 years Ago

January 14, 2018

မိုင်တထောင် တကိုယ်တော်စက်ဘီးစီးသူ ဖြူးမြို့နယ်သို့ ရောက်ရှိ

နိုင်ငံတော်အတိုင်ပင်ခံ ဒေါ်အောင်ဆန်းစုကြည် လုပ်ဆောင်နေတဲ့ ငြိမ်းချမ်းရေးလုပ်ငန်းနဲ့ အကြိမ် ၇၀ မြောက်လွတ်လပ်ရေနေ့ကို ဂုဏ်ပြုတဲ့အနေနဲ့ မိုင်တထောင် တကိုယ်တော် စက်ဘီးနင်းသူဟာ ဖြူးမြို့နယ်ကို ဇန်န၀ါရီလ ၁၄ ရက်နေ့ မွန်းလွဲ ၂ နာရီ လောက်က ရောက်ရှိလာခဲ့ပါတယ်။ “နှစ် ၇၀ မြောက်လွတ်လပ်ရေးကို ဂုဏ်ပြုတဲ့အနေနဲ့ စီးဘီးနင်းပြီးတော့ အားကစားနဲ့ နိုင်ငံတော်ကို ဂုဏ်ပြုတာဖြစ်ပါတယ်။နိုင်ငံတော်အတိုင်ပင်ခံရဲ့ ငြိမ်းချမ်းရေးကိုထောက်ခံတယ်၊ တပ်မတော်သားဖြစ်တဲ့အတွက် နိုင်ငံရဲ့လွတ်လပ်ရေးကို ဂုဏ်ပြုတာပါ။ နိုင်ငံတော်အတိုင်ပင်ခံ လုပ်နေတဲ့ ငြိမ်းချမ်းရေးက တစ်နိုင်ငံလုံးနဲ့ သက်ဆိုင်တယ်။ တိုင်းရင်းသားပေါင်းစုံလူမျိုးပေါင်းစုံ ငြိမ်းရေးရရှိဖို့အတွက်ဖြစ်တယ်။ ငြိမ်းချမ်းရေးအဖြေရှာဖို့ စားပွဲဝိုင်းစနစ်ကို လိုအပ်တယ်။ အဲ့ဒါကို ထောက်ခံအားပေးတယ်" လို့ တကိုယ်တော်စက်ဘီးစီးနင်းသူ ဦးကြည်ဝင်းက ဒီဗွီဘီကို ပြောပါတယ်။ လမ်းမှာ အခက်ခဲကြုံရပုံကိုလည်း သူက “လမ်းမှာသွားရတာ အခက်အခဲလေးတွေ ရှိ တယ်။ လက်ပတန်းဘက်မှာဆို အရက်သမားတွေ လိုက်နှောင့်ယှက်တာရှိတယ်၊ ဆိုင်ကယ်သမားတွေက ပိုက်ဆံလိုက်တောင်းတာ ရှိတယ်။ ကျနော်နားလည်းပေးပါတယ်” လို့ ပြောပါတယ်။ ဦးကြည်ဝင်းဟာ ဇန်န၀ါရီလ ၂ ရက်နေ့မှာ ဟင်္သာတမြို့မှ စတင်ထွက်ခွာခဲ့ပြီး ဇန်န၀ါရီလ ၁၃ ရက်နေ့မှာ တောင်ငူမြို့မှာ ညအိပ်ရပ်နားခဲ့ပြီး ၁၄ ရက်နေ့ မနက် ၈ နာရီလောက်က တောင်ငူမြို့မှ စတင်ထွက်ခွာခဲ့တာပါ။ သူဟာ တနေ့ကို မိုင် ၁၀၀ စက်ဘီးစီးသွားမှာဖြစ်ပြီး ဟင်္သာတ၊ ပြည်၊ မကွေး၊ ကျောက်ပန်းတောင်း၊ မန္တလေး၊ နေပြည်တော်၊ ရန်ကုန် တပတ်မိုင် ၁၀၀၀ စက်ဘီးစီးသွားမှာပါ။ အခုအကြိမ်အပါအ၀င် သူဟာခြောက်ကြိမ်မြောက်ဖြစ်ပြီး ၂၀၁၃ ခုနှစ်ကလည်း SEA GAME အတွက် မိုင်သုံးထောင် စက်ဘီးစီခဲ့ဖူးတယ်လို့ သိရပြီး သူ့ရဲစက်ဘီးစီးသက်ဟာ နှစ် ၂၀ ကျော်ပြီလို့ သိရပါတယ်။ သတင်း - ကျော်အောင်( ကညွတ်ကွင်း)
4 years Ago
More News
Up