ရေပိုလွှဲ

September 2, 2018

မြန်မာတနိုင်ငံလုံးတွင် ဆည် ၅၇ ခု ရေပြည့်၍ ရေပိုလွှဲ ရေကျော်နေ

စက်တင်ဘာ ၂ ရက်နေ့မှာ တနိုင်ငံလုံးက ဆည်တွေထဲက ဆည်ပေါင်း ၅၇ မှာ ရေပြည့်ပြီး ရေပိုလွှဲက ရေကျော်နေတယ်လို့ ဆည်မြောင်းနဲ့ ရေအသုံးချမှု စီမံခန့်ခွဲရေး ဦးစီးဌာနက ထုတ်ပြန်ပါတယ်။ မနေ့က ဆည်ပေါင်း ၆ဝ မှာရေပြည့်ရေကျော်ခဲ့ပြီး ဒီနေ့မှာတော့ ၃ ခု လျော့သွားတာပါ။ ရေကျော်တဲ့ ရေမှတ်အမြင့် ဒသမ ၁ ပေကနေ ၄ ဒသမ ၉ ပေအထိ ဆည်တွေမှာ ရေကျော်နေတာပါ။ ပဲခူးတိုင်း ရဲနွယ်ရေလှောင်တမံက ၄ ဒသမ ၉ ပေအထိ ရေကျော်နေတာဖြစ်ပြီး အများဆုံးလည်း ဖြစ်ပါတယ်။ ပဲခူးတိုင်း ဖြူးချောင်းရေလှောင်တမံက ၄ ဒသမ ၅၅ ပေရေကျော်ပြီး ဒုတိယ အများဆုံး ဖြစ်ပါတယ်။ ပြီးတော့ မကွေးတိုင်း ကြီးအုံကြီးဝရေလှောင်တမံက ၂ ဒသမ ၈ ပေ၊ ပဲခူးတိုင်း ဝဲကြီးရေလှောင်တမံက ၂ ဒသမ ၉ ပေ ရေကျော်နေပါတယ်။ ပဲခူးတိုင်း ကိုဒူကွဲရေလှောင်တမံအပါအဝင် ပဲခူးတိုင်းထဲက ရေလှောင်တမံ ၅ ခုဟာ ရေ ၁ ပေခွဲနဲ့အထက် ကျော်နေကြပါတယ်။ နောက်ထပ် ကရင်ပြည်နယ်က ရေဘုတ်ရေလှောင်တမံ၊ စစ်ကိုင်းတိုင်းက ရာဇဂြိုဟ် ရေလှောင်တမံ၊ မကွေးတိုင်းက မုန်းချောင်းရေလှောင်တမံ၊ ရခိုင်ပြည်နယ်က ကြက်တက်ရေလှောင်တမံနဲ့ ရှောက်ချောင်း ရေလှောင်တမံ၊ ရန်ကုန်တိုင်းက မဟူရာ (ငမိုးရိပ်) ရေကူ ရေလှောင်တမံ၊  ရှမ်းပြည်နယ် မြောက်ပိုင်းက မုံးရင် ရေလှောင်တမံ၊ ဧရာဝတီတိုင်းက နန်ကသူ ရေလှောင်တမံ တို့မှာလည်း ရေ ၁ ပေခွဲနဲ့အထက် ကျော်နေကြပါတယ်။
3 years Ago
Up