ရေပန်းစား

March 10, 2019

ဖမ်းဆီးခံရပြီး ပြန်လွတ်လာသည့် အိန္ဒိယတိုက်လေယာဉ်မှူး၏ နှုတ်ခမ်းမွေးစတိုင်လ် ရေပန်းစား

ပါကစ္စတန်ဘက်က ပြန်လွှတ်လိုက်တဲ့ အိန္ဒိယ တိုက်လေယာဉ်မှူး အာဘင်နန်ဒန်ကို အားကျပြီး ဘန်ဂလောမြို့က အမျိုးသားတွေဟာ  အာဘင်နန်ဒန်စတိုင်လ် နှုတ်ခမ်းမွေး ထားနေကြပါတယ်။ အငြင်းပွား ကတ်ရ်ှမီးယားဒေသမှာ အမြောက်ပစ်ခတ်တာတွေ ဆက်ရှိနေပေမယ့် မတ်လ ၁ ရက်က ပါကစ္စတန် အစိုးရဟာ ဖမ်းဆီးထားတဲ့ အိန္ဒိယ တိုက်လေယာဉ်မှူး အာဘင်နန်ဒန်ကို ပြန်လွှတ်ပေးခဲ့ပါတယ်။ အာဘင်နန်ဒန်ရဲ့ MiG-21 တိုက်လေယာဉ်ဟာ ဖေဖော်ဝါရီ ၂၇ ရက်က ပါကစ္စတန် တိုက်လေယာဉ်နဲ့ ဝေဟင်တိုက်ပွဲ ဖြစ်ခဲ့ပြီး ပါကစ္စတန် ပိုက်နက်အတွင်း ပျက်ကျခဲ့ပါတယ်။ လေယာဉ်ပျက်ကျပြီး အာဘင်နန်ဒန် ရိုက်နှက်ခံရတဲ့ ဗွီဒီယိုဖိုင်တွေ ပါကစ္စတန် ရုပ်သံနဲ့ ဆိုရှယ်မီဒီယာမှာ ပျံ့နှံ့ပြီးနောက်  အိန္ဒိယပြည်သူတွေက သူ့ကို အလေးထားလာခဲ့ပါတယ်။ “တိုက်လေယာဉ်မှူး အာဘင်နန်ဒန်နဲ့ ကျနော်က မျက်နှာ်ချင်း  ဆင်တယ်လေ။ ဒါကြောင့်မို့ သူ့ကို သဘောကျပြီး သူထားတဲ့ နှုတ်ခမ်းမွေး ပုံစံထားတာပါ။” လို့ မိုဟာမက်ချန်ဆိုတဲ့ ဒေသခံ တဦးက ပြောပါတယ်။ “ကျနော်တို့က တိုက်လေယာဉ်မှူး အာဘင်နန်ဒန်ကို လေးစားတယ်။  ဒါကြောင့်မို့ သူ့လို နှုတ်ခမ်းမွေးပုံစံထားတာပါ။ ကျနော်တို့က ပါကစ္စတန် ပိုက်နက်ထဲ သွားလို့မရဘူးလေ။ ကျနော်တို့ သူရဲကောင်းကြီးက အဲဒီကိုသွားပြီး ပြန်လာတယ်။ ဒါကြောင့် ကျနော်တို့က သူ့ကို ဂုဏ်ပြုတဲ့အနေနဲ့ သူ့လို နှုတ်ခမ်းမွေးပုံစံ ထားကြတာပါ” လို့ နန်နက်ရှ် ဆံသဆိုင် ပိုင်ရှင်က ပြောခဲ့ပါတယ်။ တိုက်လေယာဉ်မှူး အာဘင်နန်ဒန်ဟာ အိန္ဒိယပြည်သူတွေအကြား သူရဲကောင်း တဦးအဖြစ်  ကျော်ကြားလာသလို သူရဲ့ နှုတ်ခန်းမွေးစတိုင်လ်ဟာလည်း အိန္ဒိယ အမျိုးသားတွေအကြား ရေပန်းစားနေပါတယ်။
2 years Ago

February 1, 2018

အကဖြင့်သင်ကြားသည့် တက္ကသိုလ်ပါမောက္ခ ဆရာမကြီးရုပ်သံ ရေပန်းစား

ထိုင်းနိုင်ငံမှ တက္ကသိုလ်ပါမောက္ခ ဆရာမကြီးတဦးရဲ့ ကျောင်းစာသင်ခန်းတွင်း အကနဲ့သင်ကြားတဲ့ ရုပ်သံဗွီဒီယိုဖိုင်ဟာ လတ်တလော အင်တာနက် စာမျက်နှာပေါ်မှာ ရေပန်းစားနေပါတယ်။ ဒီအဖြစ်အပျက်ဟာ ထိုင်းနိုင်ငံအရှေ့မြောက်ပိုင်း မဟာဆာရာခမ်တက္ကသိုလ် စာသင်ခန်းတခုအတွင်းမှာ ဖြစ်ခဲ့တာဖြစ်ပြီး ပါမောက္ခဆရာမကြီး အာဂျန် ယာနင်ဟာ စာရင်းကိုင်ပညာ ဘာသာရပ်ကို သင်ကြားတာ ဖြစ်ပါတယ်။ ဒါပေမယ့် တတန်းလုံးဟာ ပျင်းရိငြီးငွေ့နေကြပြီး ထိုင်းထိုင်းမှိုင်းမှိုင်း ဖြစ်နေကြချိန်မှာ ဆရာမကြီးက “ကကြစို့” လို့ ပြောလိုက်ကာ ထိုင်းပေါ့ပ်အဆိုတော် အုပ်စုတစုဖြစ်တဲ့ BNK48 အဖွဲ့ရဲ့ ခူခီဆီယန်ထိုင်း အမည်ရတဲ့ သီချင်းကို အမူအရာနဲ့ သရုပ်ပါပါ သီဆိုပြလိုက်တာပါ။ ဆရာမကြီးဟာ ကျောင်းမှာလည်း သူ့အတန်းထဲက ကျောင်းသူကျောင်းသားတွေကို စိတ်ဝင်စားမှု ပိုမိုလာအောင် စာသင်ကြားမှုကောင်းတဲ့ ဆရာထဲမှာ ပါဝင်တယ်လို့ ထိုင်းဘာသာနဲ့ ထုတ်ဝေတဲ့ ဒေးလီးနယူးစ်သတင်းမှာ ဖော်ပြပါတယ်။ ဒီရုပ်သံဗွီဒီယိုဖိုင်ကို ဇန်နဝါရီ ၂၉ ရက်နေ့ကတည်းက ဖေ့စ်ဘွတ်ခ် လူမှုကွန်ရက် စာမျက်နှာပေါ်မှာ တင်ထားခဲ့တာဖြစ်ပြီး လက်ရှိမှာ ဝင်ရောက်ကြည့်ရှုသူ တသန်းခွဲကျော်သွားခဲ့ပြီ ဖြစ်ပါတယ်။
3 years Ago
More News
Up