မြောက်ကိုရီးယားခေါင်းဆောင် ကင်ဂျုံအန်းဟာ အသစ်ဆောက်လုပ်ပြီးစီးတဲ့ ရေငုပ်သင်္ဘောကို ကြီးကြပ်စစ်ဆေးခဲ့ပြီး အဲဒီရေငုပ်သင်္ဘောရဲ့ နည်းဗျူဟာစွမ်းရည်နဲ့ လက်နက်စနစ်တွေကို ညွှန်ကြားခဲ့တယ်လို့ မြောက်ကိုရီးယားနိုင်ငံပိုင် ကေစီအန်အေ သတင်းဌာနက ဇူလိုင် ၂၃ ရက်မှာ ပြောပါတယ်။ ခေါင်းဆောင် ကင်ဂျုံအန်းရဲ့ အထူးကွပ်ကဲမှုအောက်မှာ ဆောက်လုပ်နေတဲ့ အဲဒီရေငုပ်သင်္ဘောဟာ ဂျပန်ပင်လယ်လို့ သိကြတဲ့ အရှေ့ပင်လယ်ပြင်မှာ ခုတ်မောင်းသွားမယ်လို့ ကေစီအန်အေ သတင်းဌာနက ဖော်ပြပါတယ်။ ရေငုပ်သင်္ဘောကို ကြည့်ရှုစစ်ဆေးနေတဲ့ ကင်ဂျုံအန်းရဲ့ ဓာတ်ပုံတွေကို ကေစီအန်အေ သတင်းဌာနက ဖော်ပြခဲ့ပေမယ့် ရေငုပ်သင်္ဘောမှာ ဘယ်လက်နက်စနစ် အမျိုးအစား တပ်ဆင်ဖို့ ညွှန်ကြားခဲ့တယ်ဆိုတာနဲ့ ဘယ်အချိန်က သွားကြည့်ခဲ့တယ်ဆိုတဲ့ အသေးစိတ် အချက်အလက်တွေကိုတော့ မပြောခဲ့ပါဘူး။ ကင်ဟာ ရေငုပ်သင်္ဘောကို သုံးရာမှာ ပိုဗျူဟာကျတဲ့ ခြေလှမ်းတွေ စွမ်းဆောင်နိုင်စေဖို့ သူနဲ့အတူ လိုက်ပါလာတဲ့ ကာကွယ်ရေးနဲ့ သိပ္ပံဆိုင်ရာ အရာရှိတွေကို တာဝန်ပေးခဲ့တယ်လို့ အစိုးရမီဒီယာက ကြေညာပါတယ်။

ယူရို ၉ ဘီလီယံ တန်ဖိုးရှိတဲ့ ပြင်သစ်နိုင်ငံရဲ့ နောက်ဆုံးပေါ် နျူစွမ်းအင်သုံး ရေငုပ်သင်္ဘောဖွင့်ပွဲ အခမ်းအနားကို  ဇူလိုင် ၁၂ ရက်နေ့က သမ္မတ မာခွန်း တက်ရောက် ခဲ့ပါတယ်။ ပြင်သစ်အစိုးရဟာ ရေတပ်အုပ်စုက ပြုလုပ်တဲ့ တန်ချိန် ၅,၀၀၀ ရှိတဲ့ ရေငုပ်သင်္ဘော  ၆ စီး မှာယူထားပြီး အဲဒီရေတပ်အုပ်စုမှာ ကာကွယ်ရေးကုမ္ပဏီ သဲလက်စ်က ရှယ်ယာ ၃၅ ရာခိုင်နငန်း ပါဝင်ပါတယ်။ အဲဒီအတွက် ပြင်သစ်ရေတပ်ဟာ “ဘာရာကူဒါ” အတန်းအစား  ပထမဆုံး ရေငုပ်သင်္ဘော ဆူဖန်ကို ၂၀၂၀ ပြည့်နှစ်မှာ ရေကြောင်းခရီး စမ်းသပ်မောင်းနှင်ဖို့ မျှော်မှန်းထားပြိး ကျန်သင်္ဘောတွေကတော့ သက်တမ်းရင့် “ရူဘီ” အတန်းအစား ရေငုပ်သင်္ဘောနေရာတွေမှာ အစားထိုးပြီး လာမယ့် ဆယ်စုနှစ်မှာ တာဝန်စထမ်းမှာ  ဖြစ်ပါတယ်။ နျူစွမ်းအင်သုံး ဆူဖန် ရေငုပ်သင်္ဘော တည်ဆောက်ရေးမှာ ပညာရှင် နဲ့  ကျွမ်းကျင်လုပ်ငန်း ၄၀၀ ခန့်အပါအ၀င် လူ ၁ သိန်းဝန်းကျင် ပါဝင်ခဲ့ပြီး ၁၂ နှစ်ကြာ တည်ဆောက်ခဲ့ရပါတယ်။ ဒါဟာ ရေငုပ်သင်္ဘောသက်သက် တည်ဆောက်တာ မဟုတ်ဘဲ ပြင်သစ်နိုင်ငံ လွတ်လပ်ရေး နဲ့ အချုပ်အခြာအာဏာကို တည်ဆောက်တာလို့ ရေငုပ်သင်္ဘောဖွင့်ပွဲ အခမ်းအနားမှာ သမ္မတ မာခွန်းက ပြောပါတယ်။