ရေကာတာစီမံကိန်း

January 8, 2019

ရေကာတာစီမံကိန်းတွေနဲ့ သူတို့သောက

“နှစ်ပေါင်းသောင်းချီသိန်းချီပြီး စီးဆင်းလာခဲ့တဲ့ မြစ်ကြီးသံလွင်ကို လွတ်လွတ်လပ်လပ် စီးစေချင်ပါတယ်။ ကျမတို့အတွက်တော့ အသက်သွေးကြောပါပဲ” “စီမံကိန်းတွေရှိလာရင် ကျမတို့ဒေသခံတွေ ပထမဆုံး ခံစားရတာက ကောင်းကျိုးထက် ဆိုးကျိုးပဲလေ။ ကိုယ့်ဒေသမှာ ငြိမ်းချမ်းတာကိုပဲ လိုလားပါတယ်” အခုဖော်ပြခဲ့တာတွေက ရေကာတာ စီမံကိန်းတွေနဲ့ ပတ်သက်ပြီး စိုးရိမ်ပူပန်နေတဲ့ ဒေသခံအမျိုးသမီး (၂) ဦးရဲ့အသံပါ။ မြန်မာနိုင်ငံမှာ ဧရာဝတီမြစ်၊ သံလွင်မြစ်၊ စစ်တောင်းမြစ်၊ ချင်းတွင်းမြစ်ဆိုပြီး အဓိက မြစ်ကြီး (၄) သွယ် စီးဆင်းနေရာမှာ သံလွင်မြစ်ပေါ်မှာ တည်ဆောက်ဖို့ စီစဉ်နေတဲ့ ရေကာတာစီမံကိန်းတွေက ဒေသခံတွေကို စိုးရိမ်မှုတွေ ပိုစေခဲ့ပါတယ်။ တဖက်က ဧရာဝတီမြစ် စုဆုံရာစတင်တဲ့နေရာ၊ တနည်းအားဖြင့် ကချင်ပြည်နယ်ရှိ မြစ်ဆုံနေရာမှာ တည်ဆောက်ဖို့ စီစဉ်နေတဲ့ မြစ်ဆုံရေကာတာ စီမံကိန်းကို သဘောမတူကြောင်း ပြည်သူတွေက ပြင်းပြင်းထန်ထန် ကန့်ကွက်တာနဲ့ တွေ့ကြုံနေရဆဲပါ။ သမ္မတဟောင်း ဦးသိန်းစိန်လက်ထက်မှာ ဒီမြစ်ဆုံရေကာတာ စီမံကိန်းကို သူ့သက်တမ်းအတွင်း ရပ်နားထားခဲ့ပါတယ်။ လက်ရှိ ပြည်သူက ရွေးချယ်ခဲ့တဲ့ NLD အစိုးရ လက်ထက်မှာတော့ တရုတ်ဘက်က ဒီစီမံကိန်းကို ပြန်စချင်တဲ့ အရိပ်အယောင်တွေ ပြသလာသလို စာချုပ်မှာ ဘယ်လို အချက်အလက်တွေ ပါဝင်တယ်၊ ဘယ်လိုသဘောတူညီချက်တွေ ပါဝင်တယ်ဆိုတာ မြန်မာပြည်သူတွေ သိခွင့်မရသေးပါဘူး။ ဧရာဝတီမြစ်လိုပဲ ပြည်သူတွေအတွက် ရေကြောင်းသွားလာရေး၊ စိုက်ပျိုးရေးတို့အတွက် သံလွင်မြစ်ဟာလည်း အသုံးဝင်တဲ့ မြစ်ကြီးတစင်း ဖြစ်ပါတယ်။ သံလွင်မြစ်ကို အမှီသဟဲပြုပြီး နေထိုင်လုပ်ကိုင် စားသောက်နေရတဲ့ မြို့တွေ၊ ကျေးရွာတွေ အများအပြား ရှိပါတယ်။ ဒါကြောင့် သံလွင်မြစ်ပေါ်မှာ ရေကာတာတွေ တည်ဆောက်မယ်ဆိုရင် ဒေသခံ ပြည်သူတွေရဲ့ လူမှုဘဝကို ထိခိုက်လာစေမှာ အသေအချာပါ။ တကယ်တော့ သံလွင်မြစ်ဟာ ရှမ်းပြည်နယ်၊ ကရင်ပြည်နယ်၊ ကယားပြည်နယ်၊ မွန်ပြည်နယ်တို့ကို ဖြတ်သန်းစီးဆင်းနေတဲ့ မြစ်ကြီးတစင်းဖြစ်ပါတယ်။ ကရင်ပြည်နယ်၊ ဘားအံဒေသခံ “မနန်းမိုးသောက်ပန်း” ဟာ “သံလွင်မြစ် ထိန်းသိမ်းကာကွယ်ရေးကွန်ရက်” (Save the Salween Network) ကို ထူထောင်သူတွေထဲမှာ တဦးအပါအဝင်ပါ။ ဒီကွန်ရက်ကို ၂၀၁၅ ခုနှစ်၊ ဇွန် ၁၅ ရက်နေ့က ထိုင်းနိုင်ငံ၊ ချင်းမိုင်မြို့မှာ စတင်ဖွဲ့စည်းခဲ့တာ ဖြစ်ပါတယ်။ အရှေ့တောင်အာရှဒေသမှာ ဆည်တွေတည်ဆောက်ခြင်း မခံရသေးတဲ့ မြစ်တစင်းဖြစ်တဲ့ သံလွင်မြစ်ဟာ မဲခေါင်မြစ်ပြီးရင် ဒုတိယအရှည်ဆုံးမြစ်လည်း ဖြစ်ပါတယ်။ မြန်မာနိုင်ငံအတွင်းက သံလွင်မြစ်ရဲ့ ရေဝေရေလဲ ဒေသဟာ ၄၂ ရာခိုင်နှုန်းအထိ ရှိပြီး မွန်ပြည်နယ် မော်လမြိုင်မြို့အနီး မုတ္တမပင်လယ်ကွေ့မှာ ဘင်္ဂလားပင်လယ်အော်ထဲကို စီးဝင်တာပါ။ တရုတ်နိုင်ငံအတွင်း ဟိမဝန္တာတောင်တန်းတွေကနေ မုတ္တမပင်လယ်ကွေ့အထိ သံလွင်မြစ်ဝှမ်းတလျှောက် မှီတင်းနေထိုင်ကြသူ တိုင်းရင်းသား လူမျိုးစုများစွာအတွက် အရေးပါတဲ့ မြစ်ကြီးတစင်းပါပဲ။ အကြီးစားရေကာတာစီမံကိန်းတွေရဲ့ သဘောတူစာချုပ်တွေမှာ ဘယ်လိုအချက်တွေ ပါဝင်သလဲဆိုတာ ပြည်သူတွေကို ချပြရမယ်၊ ပြည်သူတွေမှာ သိခွင့်ရှိတယ်လို့ မနန်းမိုးသောက်ပန်းက ပြောပါတယ်။ “ရှမ်းပြည်နယ် အရှေ့ပိုင်းက ဒေသခံတွေက မိုင်းတုံရေကာတာ အကောင်အထည်ဖော်မှာကို စိတ်ပူနေကြတယ်လေ။ အထူးသဖြင့် ကွန်ဟိန်းက ဒေသခံတွေပေါ့။ နယ်မြေအနေအထားအရ ဆိုရင်လည်း တပ်မတော်နဲ့ တိုင်းရင်းသား လက်နက်ကိုင်တွေကြား တိုက်ပွဲတွေဖြစ်နေတဲ့အတွက် ပြည်သူတွေရဲ့ ငြိမ်းချမ်းရေးကို ထိခိုက်လာမလားပေါ့လေ” လို့ ဆက်ပြောပါတယ်။ ရှမ်းပြည်နယ်ထဲက ဌာနေတိုင်းရင်းသားတွေဟာ ရိုးရာဓလေ့ထုံးတမ်းတွေနဲ့ တဖက်တလမ်းကလည်း သဘာဝပတ်ဝန်းကျင် ထိန်းသိမ်းရေးကို လုပ်ဆောင်နေကြပါတယ်။ အရင်အစိုးရလက်ထက်မှာ တရုတ်၊ ထိုင်းနဲ့ မြန်မာကုမ္ပဏီတွေ ဖြစ်ကြတဲ့ China’s Three Gorges Corporation၊ ထိုင်းနိုင်ငံက The Electricity Generating Authority of Thailand နဲ့ မြန်မာနိုင်ငံက International Group of Entrepreneurs တို့နဲ့ အစိုးရရဲ့ လျှပ်စစ်စွမ်းအား ဝန်ကြီးဌာနတို့ကြား သဘောတူညီခဲ့တာ ဖြစ်ပါတယ်။ တကယ်လို့ မိုင်းတုံရေကာတာစီမံကိန်းကို အကောင်အထည်ဖော်ဖြစ်ခဲ့ရင် ရရှိလာတဲ့ လျှပ်စစ်စွမ်းအား ၉၀ ရာခိုင်နှုန်းကျော်ကို ထိုင်းနဲ့ တရုတ်နိုင်ငံကိုပဲ ရောင်းချသွားမှာလို့ သိရပါတယ်။ ကွန်ဟိန်းဒေသခံ “မနန်းမြလေး” ကတော့ အရင်အစိုးရ လက်ထက်ကတည်းက အကောင်အထည်ဖော် လည်ပတ်နေတဲ့ “ကျိုင်းတောင်း ရေအားလျှပ်စစ်စီမံကိန်း” နဲ့ ပတ်သက်ပြီး စိတ်ပူနေတာပါ။ ဒီစီမံကိန်းဟာ ရှမ်းပြည်နယ်၊ မိုးနဲမြို့နယ်အတွင်းမှာ တည်ရှိပါတယ်။ ၁ နှစ်မှာ လျှပ်စစ်ဓာတ်အား ၆၅ မဂ္ဂါဝပ် ထုတ်လုပ်နေပြီး စိုးရိမ်မိတဲ့အချက်ကို မနန်းမြလေးက အခုလို ပြောပါတယ်။ “တကယ်လို့များ အကြောင်းတခုခုကြောင့် ဆည်ကျိုးသွားခဲ့ရင် ဆည်အောက်က ဆက်စပ်နေတဲ့ မြို့နယ် (၁၆) မြို့နယ်မှာ ရေလွှမ်းသွားနိုင်ပါတယ်။ ရေလွှမ်းနိုင်တဲ့ ဧရိယာကလည်း နည်းနည်းနောနော မဟုတ်ပါဘူး။ စင်ကာပူနိုင်ငံရဲ့ ဧရိယာနီးပါးလောက် ရှိတယ်။ လင်းခေးခရိုင်ထဲက မြို့နယ်တွေမှာ ရေကြီးနိုင်တယ်။ တိုင်းရင်းသားတွေရဲ့ အသက်မွေးဝမ်းကျောင်းတွေ ထိခိုက်နိုင်တယ်” ဒါ့အပြင် ကမ္ဘာပေါ်မှာ ရှားရှားပါးပါး လှပတဲ့ရေတံခွန်တခုဖြစ်တဲ့ “တာထီရေတံခွန်” ရဲ့ အလှအပ ထိခိုက်နေတာကို သူမက ထောက်ပြပါတယ်။ တာထီရေတံခွန်ဟာ သံလွင်မြစ်နဲ့ နန့်ပန်ချောင်း ဆုံရာနေရာမှာ တည်ရှိပါတယ်။ တချိန်တည်းမှာပဲ ကရင်ပြည်နယ် လှိုင်းဘွဲနဲ့ ဖာပွန်မြို့နယ်ကြား သံလွင်မြစ်ပေါ်မှာ ရေကာတာတည်ဆောက်ဖို့ ထိုင်းနဲ့ မြန်မာ အစိုးရချင်း သဘောတူထားတာ ရှိနေပြန်ပါတယ်။ “ဟတ်ကြီးရေကာတာ” တည်ဆောက်မှာကို ဒေသခံ ကရင်လူမျိုးတွေက သဘောမတူကြပါဘူး။ သံလွင်မြစ်ကြောင်းတလျှောက် ဟတ်ကြီး၊ ရွာသစ်၊ နောင်ဖား၊ တာဆန်း (သို့) မိုင်းတုံ၊ ကွန်းလုံ ရေကာတာတွေ တည်ဆောက်ဖို့ စီစဉ်နေတာလည်း ဖြစ်ပါတယ်။ ရှမ်းပြည်နယ်ထဲက ရှမ်း၊ လီဆူး၊ လားဟူ၊ ပလောင်၊ ကရင်ပြည်နယ်ထဲက ကရင်လူမျိုးတွေရဲ့ အသက်မွေးဝမ်းကျောင်းမှုတွေကို ဒီစီမံကိန်းတွေက ထိခိုက်လာနိုင်ပါတယ်။ စစ်မှန်တဲ့ ငြိမ်းချမ်းရေး မရသေးသရွေ့၊ စစ်မှန်တဲ့ မူဝါဒတွေ မရှိသေးသရွေ့ ကရင်ပြည်နယ်နဲ့ ကရင်လူမျိုးတွေ နေထိုင်တဲ့ ဒေသတွေမှာ အကြီးစားရေကာတာ စီမံကိန်းတွေ မဆောက်လုပ်ဖို့လည်း “ကရင် မြစ်ချောင်းများကွန်ရက်” က တောင်းဆိုထားပါတယ်။ ဟတ်ကြီးရေကာတာ တည်ဆောက်တာနဲ့ ပတ်သက်ပြီး ဒေသခံတွေရဲ့ သဘောဆန္ဒ မရယူတာ၊ ဘိုးဘွားစဉ်ဆက် လုပ်ကိုင်စားသောက်နေခဲ့တဲ့ မြေယာတွေ လျော်ကြေးမရဘဲ ဆုံးရှုံးခံရတာတွေ ရှိနေတယ်လို့လည်း ထောက်ပြပါတယ်။ မိသားစုတခုမှာ အမျိုးသမီးတွေဟာ သူတို့ရဲ့ မိသားစုအတွင်း ရေစီမံခန့်ခွဲမှုတွေ ပြုလုပ်ရသူတွေဖြစ်လို့ ဒေသတွင်းမှာ ရေကာတာ စီမံကိန်းကြီးတွေ တည်ဆောက်လာရင် အမျိုးသမီးတွေရဲ့ နေ့စဉ်ဘဝတွေကို သက်ရောက်မှု ရှိလာနိုင်တယ်လို့ မနန်းမိုးသောက်ပန်းက ပြောပါတယ်။ “ငါးဖမ်းတဲ့လုပ်ငန်းမှာ ငါးအရနည်းသွားရင် ငါးရွေးတဲ့ အမျိုးသမီးတွေကိုလည်း ထိခိုက်စေမှာပေါ့။ ပြီးတော့ ကိုင်းသီးနှံ စိုက်ပျိုးတဲ့သူတွေလည်း ရှိတယ်၊ မြေပဲ၊ ရုံးပတီ၊ ခရမ်းချဉ်သီး စတာတွေ စိုက်ကြတာပေါ့…၊ ကိုင်းစိုက်တာကရတဲ့ ငွေကြေးလေးနဲ့ သားသမီးတွေကို ကျောင်းထားပေးကြတာတွေ ရှိတယ်လေ။ တကယ်လို့ စီမံကိန်းတွေ လုပ်လာခဲ့ရင် ကိုင်းသီးနှံစိုက်ပျိုးတဲ့ လုပ်ငန်းတွေကို ထိခိုက်လာစေနိုင်သလို သူတို့ရဲ့ လူမှုဘဝ ရပ်တည်မှုအပေါ်လည်း ထိခိုက်မှုတွေ ရှိလာမှာပဲ” လို့ ဆက်ပြောပါတယ်။ “မနန်းမြလေး” က သူမရဲ့ဆန္ဒကို အခုလို ပြောပြလာပါတယ်။ “ကျမကတော့ လူထုကို ထိခိုက်မှုမရှိတဲ့ စီမံကိန်းတွေပဲ လုပ်စေချင်တယ်။ လူထုနဲ့ သဘာဝပတ်ဝန်းကျင်ကို ထိခိုက်မှုများပြားအောင် မလုပ်ဖို့လည်း ကျမတို့က တိုက်တွန်း တောင်းဆိုချင်တယ်။ အဲဒီအစား ရှိနေပြီးဖြစ်တဲ့ သဘာဝအရင်းအမြစ် မကုန်ဆုံးဘဲ ဝင်ငွေရစေနိုင်တဲ့ လူထုအခြေပြု ခရီးသွားလုပ်ငန်းတွေပဲ လုပ်စေချင်ပါတယ်” “မနန်းမိုးသောက်ပန်း” ကလည်း သူမရဲ့ ဆန္ဒကို အခုလို တွေးတွေးဆဆ ပြောပြပါတယ်။ “ရေကာတာစီမံကိန်းတွေက ကျမတို့ အမျိုးသမီးတွေအတွက် ဘဝ မလုံခြုံမှုတွေ၊ အသက်အိုးအိမ်၊ အသက်မွေးဝမ်းကျောင်းတွေကို ထိခိုက်မှုတွေပဲ သေချာပေါက် ကြုံတွေ့ခံစားရစေမှာပါ။ ဒါကြောင့်မို့ ကောင်းမွန်ခိုင်မာတဲ့…၊ လူထုအတွက် ရပ်တည်တဲ့…၊ ဗဟိုချုပ်ကိုင်မှုကင်းတဲ့ မူဝါဒကောင်းတွေ ပေါ်ထွက်လာပါစေလို့ပဲ ကျမ ဆန္ဒပြုပါတယ်” တကယ်တော့ သံလွင်မြစ်ပေါ်မှာ ဆောက်လုပ်မယ့် ရေကာတာစီမံကိန်းများဟာ တိုင်းရင်းသား ပြည်သူလူထုအတွက် ကောင်းကျိုးထက် ဆိုးကျိုးတွေ ဖြစ်စေနိုင်တယ်၊ မိမိတို့ တိုင်းပြည်ရဲ့ အကျိုး အလွန်နည်းပါးလွန်းတယ်၊ ပြီးတော့ သဘာဝဝန်းကျင်နဲ့ လူမှုအသိုက်အဝန်း အတွက်လည်း ထိခိုက်စေမယ့် သက်ရောက်မှုတွေ ရှိလာနေတယ်ဆိုတဲ့အကြောင်း ဒေသခံ အမျိုးသမီးတွေရဲ့ ပင့်သက်မော ရင်ဖွင့်စကားတွေကို ပြည်သူကရွေးချယ်ခဲ့တဲ့ ပြည်သူ့အစိုးရ သိမြင်ခံစား လုပ်ဆောင်ပေးနိုင်ဖို့ တင်ပြလိုက်ရပါတယ်။         ။ သွေး (စစ်ကိုင်း) (hiburma.net ဝက်ဘ်ဆိုက်မှ ပြန်လည်ဖော်ပြသည်။)
3 years Ago

August 9, 2018

နမ္မတူမြစ်ပေါ်ရှိ ရေကာတာစီမံကိန်း ရပ်တန့်ပေးရန် သီပေါလူမှုအဖွဲ့များ တောင်းဆို

နမ္မတူမြစ်(ခေါ်) မြစ်ငယ်မြစ်ပေါ်မှာ ရေကာတာတည်ဆောက်နေတာကို ရပ်တန့်ပေးဖို့ ရှမ်းပြည်နယ်၊ သီပေါမြို့ နယ် လူမှုအခြေပြုအဖွဲ့  ၁၁ ဖွဲ့ကပူးတွဲ တောင်းဆိုလိုက်ပါတယ်။ မြစ်ငယ်မြစ်ပေါ် တည်ဆောက်နေတဲ့ အထက်ရဲရွာ ရေကာတာစီမံကိန်းဟာ တ၀က်လောက် ပြီးစီးနေပြီး ရေကာတာကြောင့် သဘာဝဂေဟစနစ်တွေ ထိခိုက်ပျက်စီးမယ့်အပြင် ကျေးရွာတွေ ရေနစ်မြုပ် ပျက်စီးမယ့် အန္တရာယ်ရှိနိုင်တာကြောင့် ကန့်ကွက်တာလို့ ထုတ်ပြန်ထားပါတယ်။ အထက်ရဲရွာ ရေကာတာတည်ဆောက်မှုကြောင့် သီပေါမြို့နယ် တာလုံ(အရှေ့) ကျေးရွာနဲ့ တာလုံ(အနောက်)ကျေးရွာနှစ်ရွာ ရေအောက်ရောက်နိုင်တာကြောင့် ရွှေ့ပြောင်းပေးဖို့ တာဝန်ရှိသူတွေက လွန်ခဲ့တဲ့ နှစ်တွေကတည်းက အသိပေးထားပါတယ်။ ဒါပေမယ့်  ဒေသခံတွေကတော့ ဘိုးဘွား စဉ်ဆက်ကတည်းက နေလာတဲ့ ရွာဖြစ်လို့ မပြောင်းရွှေ့ချင်ကြဘူးလို့ တာလုံရွာသူ နန်းငယ်ငယ်က ပြောပါတယ်။ “အဲဒီရေကာတာပြီးရင် ကျမတို့ ရွာက နစ်မြုပ်သွားမှာ ဖြစ်တယ်။ ရေကာတာက အခုဆိုရင် ၂ဝ၂ဝ- ၂ဝ၂၁ ခုနှစ်လောက် ကျမတို့ ပြောင်းရွှေ့မှာဖြစ်တယ်။ အဲဒါကြောင့်မို့ ကျမတို့ကန့်ကွက်တယ်။ ဘယ်နေရာပြောင်းခိုင်းလဲဆိုတော့ မရှိသေးဘူး။ ကျမတို့လည်း မပြောင်းချင်ဘူးပေါ့နော်။ ရှေ့ကတည်းက နေထိုင်လာတဲ့နေရာမှာပဲနေချင်တယ်။ ကျမတို့ ဆုံးရှုံးမှုတွေကလည်း အများကြီးပဲ။ ကျမတို့က ပညာတတ်တွေလည်း မဟုတ်ဘူး။ ကျမတို့က ခြံတွေပဲ လုပ်ကိုင်စားသောက်နေကြရတာ။ ကျမတို့ အဖိုးမဖြတ်နိုင်ဘူး။ ” ရေကာတာကြောင့် တာလုံကျေးရွာမှာ လူဦးရေ ၆၈၃၊ ကဗ္ဗလာဥယျာဉ်ခြံမြေ ၁၈၄ ဧက၊ လယ်မြေ ၁၇၄ ဧကအပြင် တောင်ယာစိုက်ခင်းတွေ၊ စေတီပုထိုးနဲ့ ဘုန်းကြီးကျောင်းတွေ၊ စာသင်ကျောင်းတွေ ရေအောက်နစ်မြှုပ်သွားနိုင်တယ်လို့လည်း ကြေညာချက်မှာ ဖော်ပြပါတယ်။ ဒါ့အပြင် ပြီးခဲ့တဲ့ ဖေဖော်ဝါရီလတုန်းက တည်ဆောက်နေဆဲ အထက်ရဲရွာ ရေကာတာ ဆောက်လုပ်ရေးလုပ်ငန်း အားနည်းချက်တွေကြောင့်  မြေပြိုမှုတွေဖြစ်ပေါ်ခဲ့တယ်လို့လည်း ထောက်ပြထားပါတယ်။ အထက်ရဲရွာရေအားလျှပ်စစ်စီမံကိန်းကို နိုင်ငံတော်အစိုးရဲ့ ရင်းနှီးမြှုပ်နှံမှုနဲ့ လျှပ်စစ်နှင့် စွမ်းအင်ဝန်ကြီးဌာန၊ ရေအားလျှပ်စစ်အကောင်အထည်ဖော်ရေးဦးစီးဌာန၊ အမှတ်(၃) တည်ဆောက်ရေးက ဆောင်ရွက်နေတဲ့  စီမံကိန်းဖြစ်ပါတယ်။ ဒီစီမံကိန်း နည်းပညာပိုင်းနဲ့  စီမံကိန်းလုပ်ငန်းတွေ အကောင်အထည်ဖော်နိုင်ရေး ဆွစ်ဇာလန်နိုင်ငံရှိ ကုမ္ပဏီတခုက လုပ်ဆောင်ပေးနေတာဖြစ်ပါတယ်။ လျှပ်စစ်ဓာတ်အား ကီလိုဝပ် ၁၄ဝ၉ ထွက်ရှိမယ့် ဒီအထက်ရဲရွာ ရေကာတာစီမံကိန်းကို ၂ဝ၁ဝ ပြည့်နှစ်က စတင်ဆောင်ရွက်ခဲ့တာဖြစ်ပြီး ၂ဝ၂ဝ-၂ဝ၂၁ခုနှစ်လောက်မှာ စီမံကိန်း ပြီးစီးဖို့ လျာထားပါတယ်။ ဒီစီမံကိန်းစတင်ကတည်း ဒေသခံတွေက အကြိမ်ကြိမ် ကန့်ကွက်မှုတွေ ရှိနေသလို အခုချိန်ထိလည်း ကန့်ကွက်မှုတွေ ဆက်ပြီးလုပ်ဆောင်နေပါတယ်။ သီပေါလူမှုအဖွဲ့အစည်းတွေအနေနဲ့ကတော့ လျှပ်စစ်ဓာတ်အားရရှိဖို့ အတွက် ရေကာတာ စီမံကိန်းနဲ့မလုပ်ဘဲ တခြားနည်းလမ်းတခုနဲ့ နိုင်ငံတော်အစိုးရက လုပ်ဆောင်ဖို့လည်း တိုက်တွန်းထားပါတယ်။
3 years Ago
Up