မော်လူး

June 15, 2019

ဒုတိယကမ္ဘာစစ်အတွင်း ကျဆုံးခဲ့သည့် ဂျပန်စစ်သည်အရိုးများ မော်လူးတွင် တွေ့ရှိ

စစ်ကိုင်းတိုင်းဒေသကြီး မော်လူးမြို့အနီးမှာ ဒုတိယက္ဘာစစ်အတွင်း ကျဆုံးခဲ့တဲ့ ဂျပန်စစ်သည် အရိုးများတွေ့ရှိခဲ့တယ်လို့ ပြန်ကြားရေး သတင်းမှာ ဖော်ပြပါတယ်။ ဒုတိယက္ဘာစစ်အတွင်း မြန်မာနိုင်ငံမှာ ကျဆုံးခဲ့တဲ့ ဂျပန်စစ်သည်တွေရဲ့ ရုပ်ကြွင်းတွေ ရှာဖွေနေတဲ့ ဂျပန်နိုင်ငံသား Mr. Imoto  ဟာ ဇွန် ၁၄ ရက်နေ့က စစ်ကိုင်းတိုင်း မော်လူးမြို့နယ် ဦးရဲတင့်ရဲ့ နေအိမ်ခြံဝင်းအတွင်းမှ ဂျပန်စစ်သည်တဦးရဲ့ ရုပ်ကြွင်းအား ရှာဖွေတွေ့ရှိခဲ့တာပါ။ ဒုတိယက္ဘာစစ်အတွင်းက အင်္ဂလိပ်တပ်တွေ မော်လူးမြို့အနီးရှိ ဘုရားလေးတောင်ကုန်းမှာ White City အဖြစ် တပ်စွဲထားခဲ့စဉ်က ဂျပန်တပ်တွေနဲ့ ပြင်းထန်စွာ တိုက်ပွဲဖြစ်ပွားခဲ့ပြီး ဂျပန်စစ်သည်အချို့ ကျဆုံးခဲ့တယ်လို့ ဆိုပါတယ်။ ဂျပန်နိုင်ငံသား Mr. Imoto ဟာ ဂျပန်စစ်သည်တွေရဲ့ ကျန်ရစ်သူ မိသားစုများကိုယ်စား ရုပ်ကြွင်းတွေ ရှာဖွေရာက တွေ့ရှိခဲ့တာဖြစ်ပါတယ်။  ဂျပန်နိုင်ငံမှ ကျန်ရစ်သူမိသားစုတွေအနေနဲ့ ရိုးရာအတိုင်း ရုပ်ကြွင်းတွေကို ကန်တော့နိုင်ဖို့ ကိုယ်ချင်းစာစိတ်နဲ့ ရှာဖွေပေးနေတာဖြစ်ကြောင်း၊ ရုပ်ကြွင်းရှာဖွေတွေ့ရှိတဲ့ နေရာအား စမ်းသပ်တူးဖော်မှုသာ ပြုလုပ်ထားပြီး နှစ်နိုင်ငံအစိုးရများ ညှိနှိုင်းမှုနဲ့ ဂျပန်နိုင်ငံ ပြန်သယ်ဆောင်နိုင်ရေး ဆက်လက်ဆောင်ရွက်သွားမယ်လို့ သိရပါတယ်။
2 years Ago

May 6, 2018

မော်လူးတွင် အမျိုးသားတဦး ကိုယ့်လည်ပင်းကိုယ် ဓားဖြင့်လှီး၍ သတ်သေ

  စစ်ကိုင်းတိုင်းဒေသကြီး၊ ကသာခရိုင်၊ အင်းတော်မြို့နယ်၊ မော်လူးစံပြကျေးရွာ မြမာလာရပ်ကွက်မှာ မေလ ၅ ရက်နေ့ ညပိုင်းက အမျိုးသားတဦး ကိုယ်လည်ပင်းကိုယ် ဓားနဲ့လှီးပြီး သတ်သေမှု ဖြစ်ပွားခဲ့တယ်လို့ မော်လူးနယ်မြေရဲစခန်းက ရဲအုပ်မင်းနိုင်က ပြောပါတယ်။ သန်းနိုင်ဦး ဆိုသူဟာ နေအိမ်အနောက်ဘက် မီးဖိုနဲ့ သူ့အိပ်ခန်းဘေး မြေကြီးပေါ်မှာ ပက်လက်လန်လဲကျသေဆုံးနေပြီး လည်ပင်းမှာ အရိုးအသွား ၁ ပေကျော်ခန့်ရှိ ဓားမ ၁ ချောင်း နစ်မြုပ်နေပြီး စစ်ဆေးရာ အရှည် ၄ လက်မလောက် လည်ပင်းပြတ်ရှဒဏ်ရာနဲ့ သေဆုံးနေတာကို တွေ့ရှိရတယ်လို့ ရဲအုပ်မင်းနိုင်က ပြောပါတယ်။ မော်လူးကျေးရွာအုပ်စု အုပ်ချုပ်ရေးမှူး ဦးစိုးမြင့်က “သူက အရက်ကြောင်ကြောင်နေတာလို့ ပြောတယ်။ သူ့အိမ် အနောက်ဖေးမှာ တယောက်အိပ်တဲလေးရှိတယ်။ အရက်ကြောင်ကြောင်ပြီး ငုတ်အပေါ်မှာ ထိုင်ပြီးသူ့လည်ပင်းကို ဓားနဲ့လှီးတာပါ။ အဲဒီနားမှာ ရုန်းရင်းဆန်ခတ်ဖြစ်တဲ့ လဏ္ခာမတွေ့ရပါဘူး။ ညာဘက်လက်နဲ့ ဓားကိုင်ပြီး လည်ပင်းကိုလှီးတာပါ” လို့ဆိုပါတယ်။ သေဆုံးသူ သန်းနိုင်ဦးမှာ ဇနီးနဲ့ သားသမီး ၅  ရှိပြီး ရုပ်အလောင်းကို မော်လူး မေတ္တာအားမာန် ပရဟိတအသင်းမှ မော်လူးပြည်သူ့ဆေးရုံကို ပို့ဆောင်ထားတယ်လို့ သိရပါတယ်။ မော်လူးနယ်မြေရဲစခန်းက သန်းနိုင်ဦး(ခ)မောင်နိုင် သေဆုံးမှုကို ဓမ္မတာအတိုင်း သေဆုံးခြင်း ဟုတ်မဟုတ် စစ်ဆေးပေးနိုင်ဖို့ သေမှုသေခင်း အမှတ်စဉ်(၂/၂၀၁၈) နဲ့ အမှုဖွင့် ဆောင်ရွက်နေတယ်လို့ သိရပါတယ်။ ကိုကိုလင်း(အင်းတော်)
3 years Ago
Up