အလယ်အလတ်အသင်းတွေရဲ့ နည်းပြရာထူးက မိမိနဲ့ မသက်ဆိုင်ဘူးလို့ နည်းပြ မော်ရင်ဟိုက ပြောကြားလိုက်ပါတယ်။ နယူးကာဆယ်အသင်း နည်းပြရာထူးနဲ့ ပတ်သက်ပြီး သတင်းတွေ ထွက်ပေါ်နေတဲ့အပေါ် မော်ရင်ဟိုက ပြောကြားလိုက်တာပါ။ နယူးကာဆယ်အသင်းဟာ နည်းပြ ဘင်နီတက်ဇ်နဲ့ လမ်းခွဲလိုက်တာကြောင့် နည်းပြရာထူး လစ်လပ်နေပြီး မော်ရင်ဟိုနဲ့ သတင်းထွက်ပေါ်ခဲ့တာ ဖြစ်ပါတယ်။ မိမိအနေနဲ့ ဆုဖလားတွေရယူဖို့ ရည်မှန်းချက်ရှိတဲ့ အသင်းတွေကိုပဲ ကိုင်တွယ်လိုပြီး အဆင့် ၇၊ ၈ နဲ့ ၉ လောက်မှာ ရပ်တည်နိုင်ရင်ပဲ အဆင်ပြေတဲ့ အသင်းတွေကို ကိုင်တွယ်ဖို့က မိမိအတွက် မဟုတ်ဘူးလို့ မော်ရင်ဟိုက ပြောပါတယ်။ မော်ရင်ဟိုဟာ မန်ယူနည်းပြရာထူးကနေ ထုတ်ပယ်ခံလိုက်ရပြီးနောက်ပိုင်း အသင်းလက်မဲ့ ဖြစ်နေပါတယ်။

နိုင်ငံ့လက်ရွေးစင် အသင်းတသင်းရဲ့ နည်းပြအဖြစ် တွေ့မြင်ရဖို့ရှိတယ်လို့ မော်ရင်ဟိုက ပြောကြားလိုက်ပါတယ်။ ပေါ်တူဂီနည်းပြ မော်ရင်ဟိုဟာ ပြီးခဲ့တဲ့ ဒီဇင်ဘာလက မန်ယူအသင်းနည်းပြ ရာထူးကနေ ထုတ်ပယ်ခံလိုက်ရပြီးနောက်ပိုင်း အသင်းလက်မဲ့ ဖြစ်နေတာပါ။ အခုနှစ်ဇွန်လမှာ အသင်းသစ်တသင်းကို ကိုင်တွယ်မယ်လို့ ဝန်ခံ ပြောကြားထားပေမယ့်လည်း လက်ရှိအချိန်အထိ ဘယ်အသင်းနဲ့မှ သဘောတူညီမှု ရယူနိုင်ခြင်း မရှိသေးပါဘူး။ လက်ရှိအချိန်မှာတော့ ကလပ်အသင်းတသင်းထက် နိုင်ငံ့လက်ရွေးစင် အသင်းတသင်း နည်းပြအဖြစ် တွေ့မြင်ရဖို့ ရှိနေတယ်လို့ မော်ရင်ဟိုက ဆိုပါတယ်။ အသက် ၅၆ နှစ်ရှိ မော်ရင်ဟိုဟာ လက်ရှိ BeIN SPORTS ရုပ်သံမှာ အားကစားသုံးသပ်သူ အဖြစ် လုပ်ကိုင်နေပါတယ်။