ဟောလိဝုဒ်ရုပ်ရှင်မင်းသားကြီး မော်ဂန်ဖရီးမန်းဟာ ရုပ်ရှင်ရိုက်ကွင်းနဲ့ မိတ်ဆက်အခမ်းအနားတွေမှာ သူနဲ့အတူအလုပ်လုပ်နေတဲ့ အမျိုးသမီးတွေကို  မဖွယ်မရာလုပ်တာနဲ့ စော်ကားတာတွေ လုပ်ခဲ့တယ်ဆိုပြီး အမျိုးသမီး ၈ ဦးလောက်က စွပ်စွဲလိုက်ပါတယ်။ ဒီသတင်းကို စီအန်အန်သတင်းဌာနက မေလ ၂၄ ရက်နေ့မှာ ဖော်ပြလိုက်တာပါ။ မော်ဂန်ဖရီးမန်းကို စွပ်စွဲထားတာတွေအတွက် လူ ၁၆ ဦးနဲ့ စကားပြောခဲ့ရာမှာ သူတို့ထဲက တချို့က ဖရီးမန်းဟာ သူ့ရုပ်ရှင်ထုတ်လုပ်ရေးကုမ္ပဏီမှာ မဖွယ်မရာလုပ်ခဲ့တယ်ဆိုပြီး ပြောထားတယ်လို့ သတင်းမှာ ဖော်ပြပါတယ်။ စီအန်အန်က တွေ့ဆုံစကားပြောခဲ့သူတွေထဲက ၈ ဦးဟာ ဖရီးမန်းရဲ့ မဖွယ်မရာလုပ်မှု သားကောင် ဖြစ်ခဲ့ရတယ်လို့ ပြောထားပြီး နောက် ၈ ဦးကတော့ မဖွယ်မရာလုပ်ခဲ့တာကို မျက်မြင်ကိုယ်တွေ့ သိရှိခဲ့တယ်လို့ ပြောထားပါတယ်။ ဒါ့ပြင် စီအန်အန်ကတွေ့ခဲ့တဲ့ သတင်းရင်းမြစ်တချို့ကတော့ ဖရီးမန်းဟာ လုပ်ငန်းခွင်မှာ ပညာရှင်ဆန်ဆန် နေထိုင်သူတယောက်လို့ ပြောထားပါတယ်။

နာမည်ကျော် စွယ်စုံရ ဟောလိဝုဒ်မင်းသားကြီး မော်ဂန်ဖရီးမန်းကို ဟောလိဝုဒ်အခြေစိုက်  Screen Actors Guild (SAG) အဖွဲ့အစည်းက တသက်တာအောင်မြင်မှုဆု ပေးအပ်လိုက်ပါတယ်။ အသက် ၈၀ အရွယ် နာမည်ကျော် လူမည်းသရုပ်ဆောင် မော်ဂန်ဖရီးမန်းဟာ ၂၀၀၅ ခုနှစ်က “Million Dollar Baby" ရုပ်ရှင်ကားနဲ့ ဇာတ်ပို့သရုပ်ဆောင် အော်စကာဆု ရရှိထားသူဖြစ်ပါတယ်။ မော်ဂန်ဖရီးမန်းဟာ သရုပ်ဆောင်သက်တမ်း နှစ် ၅၀ ကျော်ရှိပြီဖြစ်ပြီး ရုပ်ရှင်ကားပေါင်း ၁၀၀ ကျော် ရိုက်ကူးခဲ့သူလည်း ဖြစ်ပါတယ်။ သူဟာ National Geographic ရုပ်သံလိုင်းက ရိုက်ကူးထုတ်လွှင့်တဲ့ The Story of God  မှတ်တမ်းရုပ်ရှင်မှာလည်း ဘုရားသခင်ရဲ့နေရာမှာ အသံသရုပ်ဆောင်ခဲ့ပါတယ်။ နောက်ပြီး တောင်အာဖရိကနိုင်ငံရေးအကြောင်း ရိုက်ကူးထားတဲ့ အင်ဗက်တက်စ် (Invictus) ဇာတ်ကားမှာ သမ္မတ နယ်လ်ဆင်မင်ဒဲလားအဖြစ် သရုပ်ဆောင်ခဲ့သူလည်း ဖြစ်ပါတယ်။