ဖေ့စ်ဘွတ်ခ်ပေါ်မှ သံသယကြောင့် ဇနီးကို သေနတ်ဖြင့်ပစ်သတ်ပြီး အဆုံးစီရင်သည့် အမျိုးသား

A d v e r t i s e m e n t With Us

September 28, 2016

ဖေ့စ်ဘွတ်ခ်ပေါ်မှ သံသယကြောင့် ဇနီးကို သေနတ်ဖြင့်ပစ်သတ်ပြီး အဆုံးစီရင်သည့် အမျိုးသား

ထိုင်းနိုင်ငံမှ အမျိုးသားတဦးဟာ ဖေ့စ်ဘွတ်ခ် လူမှုကွန်ရက်စာမျက်နှာပေါ်မှာ ဇနီးဖြစ်သူဟာ တခြားသော အမျိုးသားတွေနဲ့ ပတ်သက်စကားပြောဆိုနေတယ်ဆိုတဲ့ သံသယကြောင့် သေနတ်နဲ့ပစ်သတ်ခဲ့ပြီး သူ့ကိုယ်သူ အဆုံးစီရင်သွားခဲ့ပေမယ့် မအောင်မြင်ခဲ့ပါဘူး။ အခင်းဖြစ်တဲ့နေရာဆီ ရဲတွေရောက်ရှိသွားခဲ့ချိန်မှာ ဇနီးဖြစ်သူဟာ သေဆုံးနှင့်ခဲ့ပြီး ဖြစ်ပေမယ့် သူကတော့ ဦးခေါင်းကို ထိမှန်ထားတဲ့ သေနတ်ဒဏ်ရာနဲ့အတူ အသက်မသေသေးဘဲ ရှိနေခဲ့လို့ ဆေးရုံကို ပို့ဆောင်ထားခဲ့ရတာပါ။ ဒီအဖြစ်အပျက်ဟာ စက်တင်ဘာ ၂၇ ရက်နေ့က နာခွန်ဆီရိ သမ်မရက်တ်ခရိုင်ထဲမှာ ဖြစ်ခဲ့တာလို့ ထိုင်းအခြေစိုက် ဒေးလီးနယူးစ်သတင်းမှာ ဖော်ပြပါတယ်။ အသက် ၃၅ နှစ်အရွယ် ပွန်ချိုင်အမည်ရတဲ့ အဆိုပါအမျိုးသားဟာ အသက် ၃၃ နှစ်အရွယ် ဇနီးဖြစ်သူ ပီရာပွန် သန်မမ်မီကာခွန်နဲ့ စကားများခဲ့ကြတာဖြစ်ပြီး 11mm အမျိုးအစား သေနတ်နဲ့ ပစ်ခဲ့ကာ ဖုန်းကိုလည်း ပစ်ခဲ့တာပါ။ ရဲတွေရောက်ရှိချိန်မှာတော့ ဇနီးဖြစ်သူရဲ့ ရင်ဘတ်မှာ သေနတ်ဒဏ်ရာတချက်နဲ့အတူ ဧည့်ခန်း တီဗွီထားတဲ့စင်အနီးမှာ သေဆုံးနေခဲ့တာကို တွေ့ရတယ်လို့ ဆိုပါတယ်။ တတိယမြောက်ကျည်ဆန်ကို သူ့ရဲ့ဦးခေါင်းကိုချိန်ပြီး ပစ်ခဲ့ပေမယ့် မသေခဲ့ဘဲ ဒဏ်ရာတွေ ရရှိခဲ့တဲ့အတွက် ဆေးရုံပို့ဆောင်ထားခဲ့ရတာပါ။ ပွန်ချိုင်ဟာ ဒေသတွင်းမှာ ထင်ရှားတဲ့ ဆောက်လုပ်ရေးကန်ထရိုက်တာတဦးဖြစ်ပြီး ဇနီးဖြစ်သူကတော့ ဒေသတွင်းဈေးတခုမှာ အထည်ရောင်းချသူဖြစ်တယ်လို့ ဆိုပါတယ်။ နာခွန်ဆီရိ သမ်မရက်တ်ခရိုင်ဟာ ထိုင်းနိုင်ငံမှာ နေထိုင်တဲ့ လူဦးရေအချိုးအစားအရ လူသတ်လူသေမှု အမြင့်မားဆုံးနှုန်းရှိတဲ့ ခရိုင်တခုဖြစ်တယ်လို့ သတင်းမှာ ဖော်ပြပါတယ်။
4 years Ago
Up