ပျော်ဘွယ်မြို့နယ်

August 15, 2018

ပျော်ဘွယ်မြို့နယ်၌ ကလေးငယ် ၁ ဦး ခွေးများ ဝိုင်းကိုက်ခံရ၍ ဒဏ်ရာအပြင်းအထန်ရ သေဆုံး

မန္တလေးတိုင်းဒေသကြီး၊ ပျော်ဘွယ်မြို့နယ်မှာ ကလေးတယောက်ကို ခွေးတွေ ဝိုင်းကိုက်ခံရပြီးနောက် သေဆုံးသွားတယ်လို့ ပြည်ထဲရေးသတင်းမှာ ဖော်ပြပါတယ်။ မနေ့မနက် ၉ နာရီခွဲက ပျော်ဘွယ်မြို့နယ်၊ ဒီးဒုတ်ကုန်းရွာနေ အသက် ၄ နှစ်အရွယ် မဖူးဝေအောင်ဟာ အိမ်အပြင်ဘက်ကို ထွက်သွားရာမှာ အိမ်အနီးဓမ္မာရုံနားက ခွေးလေခွေးလွင့် ၅ ကောင်က ဝိုင်းကိုက်တာ ခံခဲ့ရပါတယ်။ ဒါကြောင့် ကလေးငယ်ရဲ့ ခေါင်းတခုလုံး စုတ်ပြဲပြီး ခန္ဓာကိုယ်မှာလည်း စိုးရိမ်စရာ ဒဏ်ရာတွေရလို့ ၁၀ နာရီ ၄၅ မိနစ်အချိန်မှာ ယင်းတော်တိုက်နယ်ဆေးရုံကို တင်ပို့ခဲ့ရတယ်လို့ သတင်းမှာ ဖော်ပြပါတယ်။ ဒါပေမယ့် ရောက်ပြီး မိနစ် ၂၀ လောက်အကြာမှာ သေဆုံးသွားခဲ့လို့ ပျော်ဘွယ်မြို့မ ရဲစခန်းမှာ သေမှုသေခင်းဖွင့် စစ်ဆေးနေတယ်လို့ သိရပါတယ်။ ဓာတ်ပုံ - လရောင်
3 years Ago

April 15, 2018

ပျော်ဘွယ်မြို့နယ် ဘုန်းတော်ကြီးကျောင်းတွင် သင်္ကြန်တွင်း သီလယူသူများ အစာဆိပ်သင့်

မန္တလေးတိုင်း၊ ပျော်ဘွယ်မြို့နယ်၊ ကျောက်စာရွာနဲ့ ရှမ်းစုအရှေ့ရွာတို့မှာ သင်္ကြန်တွင်း သီလယူလာသူတွေကို ကျွေးတဲ့ အစားအစာ စားကြပြီးနောက် လူ ၇၀ လောက် အစာဆိပ်သင့်ခဲ့တယ်လို့ ဒေသခံတွေက ပြောပါတယ်။ လွှတ်တော်ကိုယ်စားလှယ်ဦးတင်စိုးက “ကျောက်စာရွာဦးကျောင်းမှာ ဧပြီလ ၁၄ ရက်နေ့က အစာဆိပ်သင့်တာ ဖြစ်ခဲ့တယ်။ သင်္ကြန်တွင်း သီလလာယူတဲ့သူ ၇၀ လောက်ဖြစ်တယ်။ အော့အန်တယ်။ မူးဝေကြတယ်။ ပျော်ဘွယ်ကျန်းမာရေး ဦးစီးဌာနက ဝန်ထမ်း ၈ ယောက်လောက် ရွာကိုလာကုသပေးတယ်။ ဒီနေ့တော့ သက်သာကုန်ပြီ။ ဆေးရုံတက်ရတဲ့သူတွေကတော့ ရမည်းသင်းဆေးရုံနဲ့နီးတော့ အဲမှာပဲတက်တယ်။ အခုတော့သက်သာကုန်ပြီပေါ့” လို့ ပြောပါတယ်။ ရှမ်းစုအရှေ့ရွာနေသူ ဦးကျော်က “မင်္ဂလာရာမ ရွာဦးကျောင်းမှာ မနေ့က ဖြစ်ခဲ့တာပါ။ သီလလာယူတဲ့သူ ၃၀၀ လောက်ထဲက ၇၀ လောက်ဖြစ်တယ်။ ဒီနေ့မနက် ဆေးရုံက ဆင်းလာကြပြီ။ ကလေး ၆ ယောက်လောက်ပဲ ယင်းတော်တိုက်နယ်ဆေးရုံမှာ ကျန်တော့တယ်။ မုန့်ဟင်းခါးနဲ့ တို့ဖူး ရောစားလိုက်ကြတော့ အော့အန်ကြတယ်” လို့ပြောပါတယ်။ ‎ကျောက်စာရွာက ရမည်းသင်းမြို့နယ် အစပ်မှာရှိတာမို့ အစာဆိပ်ဖြစ်သူတွေကို ရမည်းသင်းဆေးရုံကို ပို့ကြပြီး ရှမ်းစုအရှေ့ရွာကတော့ ယင်းတော်ဆေးရုံနဲ့ ပျော်ဘွယ်ဆေးရုံကို ပို့ကြပါတယ်။ ရွာ ၂ ရွာလုံး မုန့်ဟင်းခါးစားမိတာက ဖြစ်တယ်လို့ သိရပါတယ်။ သတင်း-မောင်မောင်လင်း(ဝမ်းတွင်း)
4 years Ago
Up