ပေါင်း ၇၅ သန်းတန် ကစားသမား ဗန်ဒိုက် လီဗာပူးအတွက် အနိုင်ဂိုး သွင်းယူ

January 6, 2018

ပေါင် ၇၅ သန်းတန် ကစားသမား ဗန်ဒိုက် လီဗာပူးအတွက် အနိုင်ဂိုး သွင်းယူ (ရုပ်သံ)

လီဗာပူးအသင်းကို စံချိန်တင် ပြောင်းရွှေ့ကြေး ပေါင် ၇၅ သန်းနဲ့ ပြောင်းရွှေ့လာခဲ့တဲ့ ဗန်ဒိုက်ဟာ ဒီနေ့မနက်အစောပိုင်းက ကစားခဲ့တဲ့ အက်ဖ်အေဖလားပွဲစဉ်မှာ သွင်းဂိုး ၁ ဂိုးသွင်းယူနိုင်ခဲ့ပါတယ်။ လီဗာပူးအသင်းနဲ့ အဲဗာတန်အသင်းတို့ ပွဲကစားချိန် ၈၃ မိနစ်ထိ ၁-၁ ဂိုးနဲ့ သရေကျနေတာဖြစ်ပြီး ပွဲချိန် ၈၄ မိနစ်မှာ ဗန်ဒိုက်က အနိုင်ဂိုးသွင်းယူပေးခဲ့တာဖြစ်ပါတယ်။ မာဆေးလ်ဆိုက်ဒ်ဒါဘီမှာ အဲဗာတန်ကို ကျော်ဖြတ်ပြီး နောက်တဆင့်ကို တက်ရောက်သွားခဲ့တာလည်း ဖြစ်ပါတယ်။ ပွဲအပြီးမှာ ဗန်ဒိုက်က ဂိုးသွင်းယူနိုင်ခဲ့တဲ့အတွက် ပျော်ရွှင်နေပါတယ်။ “အန်ဖီးလ်မှာ ကစားရဖို့က ကစားသမားတိုင်းရဲ့ ဆန္ဒလို့ထင်ပါတယ်။ ဒီဂိုးက ကျနော့်အတွက် အကောင်းဆုံး ကျေနပ်စေပါတယ်။ အသင်းဖော်တွေနဲ့ ကစားရတာလည်း စိတ်လှုပ်ရှားဖို့ အရမ်းကောင်းပါတယ်” လို့ ပြောပါတယ်။ ဗန်ဒိုက်ရဲ့ ခြေစွမ်းနဲ့ ပတ်သက်လို့လည်း ၇၅ သန်းဆိုတဲ့ တန်ကြေးနဲ့ ညီတဲ့ ခြေစွမ်းရှိ ကစားသမားဖြစ်တယ်လို့ ဘောလုံးကျွမ်းကျင်သူတွေက သုံးသပ်နေကြပါတယ်။ ဗန်ဒိုက်ကို ခေါ်ယူဖို့ ချဲလ်ဆီး၊ မန်ချက်စတာယူနိုက်တက်၊ မန်စီးတီးအသင်းတို့က ကြိုးပမ်းခဲ့ပေမယ့် လီဗာပူးအသင်းက မထင်မှတ်တဲ့ ပြောင်းရွှေ့ကြေးနဲ့ ခေါ်ယူခဲ့တာလည်း ဖြစ်ပါတယ်။
3 years Ago
Up