နော်စီဖိုးရာစိန်

May 26, 2016

တိုက်ပွဲနေ့တိုင်းရှိတဲ့အပေါ် ဗမာနိုင်ငံမှာ ငြိမ်းချမ်းရေးရှိတယ် ပြောလို့မရဘူး - နော်စီဖိုးရာစိန်

ကရင့်အမျိုးသားနှီးနှောဖလှယ်ပွဲ ကျင်းပတဲ့ ရည်ရွယ်ချက်၊ နှီးနှောဖလှယ်ပွဲတွင် ဆွေးနွေးသည့် အကြောင်းအရာများ၊ ၂၁ ရာစု ပင်လုံညီလာခံကိစ္စ၊ တတိုင်းပြည်လုံး ငြိမ်းချမ်းရေးကိစ္စ စတာတွေနဲ့ ပတ်သက်ပြီး ကရင်အမျိုးသားအစည်းအရုံး (ကေအန်ယူ) ဒု-ဥက္ကဋ္ဌ ပဒိုနော်စီဖိုးရာစိန်ကို ဒီဗွီဘီက တွေ့ဆုံမေးမြန်းထားပါတယ်။ မေး - ပထမဦးဆုံးအနေနဲ့ ကရင့်အမျိုးသား နှီးနှောဖလှယ်ပွဲ ကျင်းပရတဲ့ ရည်ရွယ်ချက်လေးကို ပြောပြပေးပါ။ ဖြေ - ကျင်းပရတဲ့ ရည်ရွယ်ချက်ကတော့ ကျမတို့ ရှေ့ဆက်သွားမယ့် နိုင်ငံရေးဆွေးနွေးပွဲ အတွက်ပေါ့ ကျမတို့ ပြင်ဆင်မှုဖြစ်တယ်။ ကျမတို့ ပြင်ဆင်မှုကတော့ ဒီကဏ္ဍငါးခုအပေါ်မှာ ကျမတို့ ပြင်ဆင်ပြီးတော့၊ ဒါကတော့ ကေအန်ယူတခုတည်း မဟုတ်ဘဲနဲ့ ကရင်အဖွဲ့အစည်းတွေလည်း ကျမတို့ ဖိတ်ပြီးတော့ ဆွေးနွေးတာဖြစ်တယ်။ မေး - တက်ရောက်ဆွေးနွေးတဲ့ အဖွဲ့အစည်းတွေကော ဘယ်ကအဖွဲ့အစည်းတွေ ဖိတ်ကြားထားလဲ။ ဘယ်လိုမျိုးလဲဆိုတာ ပြည်သူလူထုကို နည်းနည်းလေး ပြောပြပေးပါဦးခင်ဗျ။ ဖြေ - ကျမတို့ ဖိတ်ကြားတဲ့ အဖွဲ့အစည်းကတော့ ကရင်ပါတီ အဖွဲ့အစည်းဖြစ်တယ်။ ပြီးတော့ ကေယူပီစီပေါ့။ ကရင်မှာ သူတို့ဖွဲ့ထားတဲ့ ငြိမ်းချမ်းရေးကော်မတီအဖွဲ့။ ကျမတို့ ဖွဲ့ထားတာဖြစ်တယ်။ ဒီလူမှုအဖွဲ့အစည်းပေါ့။ လူမှုအဖွဲ့အစည်း ဖွဲ့စည်းထားတယ်။ Karen Peace Supporting Team ပေါ့ ကျမတို့ ဖိတ်ကြားတာဖြစ်တယ်။  တချို့တွေကတော့ လူမှုအဖွဲ့အစည်း လုပ်နေတဲ့ အဖွဲ့အစည်းတွေဖြစ်တယ်။ အမျိုးသမီးအဖွဲ့အစည်းတွေလည်း ပါတယ်။ လူငယ်အဖွဲ့အစည်းတွေလည်းပါတယ်။ မေး - အကောင်းဆုံးဆွေးနွေးချက်က ဘာတွေရလဲ။ ဖြေ - အကောင်းဆုံး ဆွေးနွေးချက်ကတော့ ဒီကဏ္ဍငါးခုစလုံးကတော့ အားလုံးက စိတ်ပါဝင်စားပြီးတော့ ဆွေးနွေးကြတာဖြစ်တယ်။ အဲဒီ ဆွေးနွေးချက်အပေါ်မှာလည်း စိတ်ဝင်စားမှုတွေကတော့ အရေးကြီးတဲ့ အချက်အလက်တွေ ရှိတဲ့အပေါ်မှာ အားလုံးကလည်း အကောင်းဆုံး ဆွေးနွေးချက်မှာ ရှိတယ်။ တခုကတော့ နိုင်ငံရေးဆွေးနွေးပွဲနဲ့ ပတ်သက်ပြီးတော့ လူတွေက ပိုပြီးတော့ စိတ်ဝင်စားတယ်။ ဆွေးနွေးမှုကို ပိုပြီးတော့ အားတက်သရောဖြစ်တယ်။ အရေးကြီးတာကတော့ ဒါကတော့ ထိထိရောက်ရောက် ရှိဖို့အတွက်ပေါ့။ နိုင်ငံရေး ရည်မှန်းချက် ရောက်ရှိနိုင်ဖို့အတွက် ကိုယ်စားလှယ်တွေ အဖွဲ့တွေ ပါဝင်တဲ့ အစုအဖွဲ့တွေအားလုံး တက်တက်ကြွကြွ ပါဝင်ပြီးတော့ ဆွေးနွေးကြတာရှိတယ်။ မေး - အခုလက်ရှိမှာဆိုရင် ကရင်ပြည်နယ်က ငြိမ်းချမ်းရေး ရရှိသလို ဖြစ်နေပြီပေါ့။ ငြိမ်းချမ်းရေးလမ်းကို လျှောက်နေပြီပေါ့နော်။ ကျန်တဲ့ တိုင်းရင်းသားဒေသ ဥပမာ ရှမ်းပြည်နယ်ပေါ့နော်။ ပလောင်တို့၊ ရှမ်းတို့၊ ကချင်တို့ တိုက်ပွဲဖြစ်နေဆဲပေါ့နော်၊ ဒီအပေါ် ဘယ်လိုမြင်မိပါလဲ။ ဖြေ - ကျမတို့အမြင်ကတော့ ကရင်ပြည်နယ်က ငြိမ်းချမ်းရေး ရရှိပြီလို့တော့ ပြောလို့မရဘူး။ ဒါပေမယ့် ပြောလို့ရတာ တခုကတော့ တိုက်ပွဲတွေမဖြစ်၊ တိုက်ပွဲတွေ လျော့နည်းတယ်လို့တော့ ပြောလို့ရတယ်ပေါ့။ ပြည့်ပြည့်စုံစုံ ငြိမ်းချမ်းရေးရပြီလို့တော့ ပြောလို့မရဘူးပေါ့။ ဘာဖြစ်လို့လဲဆိုတော့ ကျမတို့ ငြိမ်းချမ်းရေးရတာကတော့ အကွက်အကွက်နဲ့ ရတာ မဖြစ်နိုင်ဘူးပေါ့။ ငြိမ်းချမ်းရေးဆိုတာ တနိုင်ငံလုံးက ငြိမ်းချမ်းရေးရမှပဲ ငြိမ်းချမ်းရေးရတယ်လို့ပဲ ပြောလို့ရတယ်ပေါ့။ တနိုင်ငံလုံးမှာ ငြိမ်းချမ်းရေးမရသေးတာက တိုက်ပွဲတွေ ဆက်ဖြစ်နေတယ်။ တိုက်ပွဲတွေ နေ့တိုင်းပဲရှိတဲ့ အပေါ်မှာက ဗမာနိုင်ငံမှာ ငြိမ်းချမ်းရေးရှိတယ်လို့ ပြောလို့မရဘူး။ မေး - ဟုတ်ကဲ့၊ ဒါကတော့ ငြိမ်းချမ်းရေး လမ်းစတခုလို့ ပြောလို့ရတယ်ပေါ့နော်။ ငြိမ်းချမ်းရေးလမ်းစတခု ပြောနိုင်သော်လည်း အခုတက်လာတဲ့အစိုးရက ငြိမ်းချမ်းရေးအစိုးရ၊ ဒီမိုကရေစီအစိုးရ ဆိုတော့လေ။ မြန်မာတနိုင်ငံလုံးမှာ ငြိမ်းချမ်းရေး အပြည့်အ၀ ရရှိဖို့ပေါ့နော်။ ဘာအတားအဆီးတွေ ဖြစ်နေလဲပေါ့။ ဖြေ - ဒါကတော့ တကယ်ကြည့်မယ်ဆိုရင် တက်လာတဲ့ အစိုးရကတော့ ပြည်သူရွေးထားတဲ့အစိုးရ ဖြစ်တယ်။ ဒီမိုကရေစီ အစိုးရလည်းဖြစ်တယ်။ ဒါပေမယ့် ဒီအစိုးရကတော့ ၂၀၀၈ ဖွဲ့စည်းပုံဥပဒေအောက်မှာပဲ သွားနေတဲ့ အခါမှာက စစ်ရဲ့အာဏာအောက်ထဲမှာ ရှိသေးတယ်။ အတားအဆီးကတော့ စစ်အာဏာမှာ အတားအဆီး ရှိနေသေးတယ်။ အခက်အခဲတခု ဖြစ်တာပေါ့လေ။ ဘာဖြစ်လို့လဲဆိုတော့ စစ်အာဏာကတော့ နိုင်ငံရေးအပေါ်မှာရှိတယ်၊ အုပ်ချုပ်ရေးအပေါ်မှာ ရှိတယ်။ နိုင်ငံရေးအပေါ်မှာ စစ်အာဏာရှိတာကတော့ ဒီလွှတ်တော်မှာလည်း တပ်မတော်က ၂၅ ရာခိုင်နှုန်း အထက်လွှတ်တော်၊ အောက်လွှတ်တော် ပါပြီးတဲ့အခါမှာ နိုင်ငံရေးဆုံးဖြတ်ချက် ချတဲ့အခါမှာ အခက်အခဲတခုရှိတယ်။ အုပ်ချုပ်ရေးနဲ့ ကြည့်မယ်ဆိုရင် အရေးကြီးတဲ့ Administration သုံးခုပေါ့လေ။ တပ်မတော်က ကိုင်ထားတဲ့ အပေါ်မှာကတော့ ဒါက အုပ်ချုပ်ရေးပိုင်း ကြည့်မယ်ဆိုရင် စစ်တပ်လက်အောက်မှာပဲ ရှိနေသေးတဲ့အပေါ်မှာ ဒါက အတားအဆီးဖြစ်တယ်။ တခုကတော့ ပြန်ကြည့်မယ်ဆိုရင် ဒီ ငြိမ်းချမ်းရေးသွားမယ့် လုပ်ငန်းစဉ်ကိုလည်း ကျမတို့ စိုးရိမ်မှုတော့ ရှိတာပေါ့။ စစ်တပ်ကတော့ လက်ရှိတက်လာတဲ့ အစိုးရသစ်ကို လက်တွဲမယ်ဆိုရင် မျှော်မှန်းနေတဲ့ အလားအလာတော့ ရှိနိုင်တယ်။ ဒါပေမယ့် စစ်တပ်က ဘယ်လောက် တက်လာတဲ့အစိုးရသစ်ကို ပါဝင်ပူးပေါင်းနိုင်မလဲဆိုတာ အဲဒါကတော့ ကြည့်ရဦးမယ်ပေါ့။ မေး - ဟုတ်ကဲ့၊ ကရင့်နှီးနှောဖလှယ်ပွဲကတော့ ငါးရက်တာ ကြာသွားပြီပေါ့။ အခုရလာတဲ့ ရလဒ်ကိုပေါ့နော် ဘယ်နေရာမှာ အသုံးချမလဲပေါ့။ ဘယ်လိုမျိုးနေရာကို သွားပြီးတော့ ငြိမ်းချမ်းရေးအတွက် ဆွေးနွေးမလဲပေါ့။ ဖြေ - ရလာတဲ့ ရလဒ်တွေကတော့ ပြည်သူလူထုကို ချပြရမယ့် အဆင့်တဆင့်တော့ ရှိသေးတယ်။ ပြည်သူလူထုတွေကတော့ အားလုံးပေါ့လေ၊ ကရင်တမျိုးသားလုံး ပါဝင်နိုင်တဲ့ ကဏ္ဍအသီးသီးပေါ့လေ။ သူတို့ပါဝင်နိုင်ပြီးတော့ သူတို့လည်း အသိပေးဖို့၊ ညှိနှိုင်းဖို့ လိုအပ်တဲ့ အဆင့်တဆင့်ရှိတယ်။ အားလုံးအဆင့်တွေ ပြီးတဲ့အခါမှာတော့ လာမယ့် နိုင်ငံရေးဆွေးနွေးပွဲကို ရောက်ရှိတဲ့အခါမှာ ဒါကို အသုံးပြုပြီးတော့ ဆွေးနွေးတဲ့ နိုင်ငံရေးဆွေးနွေးပွဲ အထောက်အကူတခုဖြစ်တယ်။ မေး - အဲဒီ အထောက်အကူတခုကော ကရင်ပြည်သူအတွက် ဘယ်လောက်ထိ အထောက်အကူ အကျုိးရှိမလဲ။ ဖြေ - အကျိုးရှိတာကတော့ ပထမအဆင့်ကတော့ ပါဝင်တဲ့ ခေါင်းဆောင်တွေက သူတို့ရဲ့အကြံဉာဏ်၊ သူတို့ရဲ့ပါဝင်မှု၊ သူတို့ရဲ့ ရှိနေတဲ့ အချက်အလက်တွေလည်း ပေးထားတာ ဖြစ်ပြီ။ နောက်တဆင့်ကတော့ ပြည်သူလူထုနဲ့ တဆင့်ပြီးတဆင့်ပေါ့ အဲဒါ ကျမတို့ သွားမယ်။ ညှိနှိုင်းတဲ့အဆင့်ရှိတယ်။ ညှိနှိုင်းတဲ့အဆင့် ရောက်ရင်တော့ ပါဝင်မှုကတော့ သူတို့ကိုယ်တိုင် ပါဝင်တဲ့အတွက်ကြောင့် အဲဒါကတော့ အားလုံးအတွက်ပဲ ဖြစ်နိုင်တယ်။ မေး - ၂၁ ရာစု ပင်လုံညီလာခံကိုရော ဘယ်လိုအမြင်သဘောထား ရှိလဲခင်ဗျ။ ဖြေ - ကျမအမြင်ကတော့ တက်လာမယ့် အစိုးရသစ်ရဲ့ ဆက်လက်ပြီးတော့ ငြိမ်းချမ်းရေး ရှေ့လုပ်ငန်းစဉ်ကို သူက ချပြီးတော့ သွားရမယ့် အစီအစဉ်ဖြစ်တယ်။ မေး - ဟုတ်ကဲ့ ဘာကြောင့်ပါလဲ။ ဖြေ - အဲဒါကတော့ ပထမအချက်ကတော့ အရင်က သွားမယ့်အစိုးရရဲ့ လုပ်ငန်းစဉ်တွေကို ဘယ်လို ဆက်လက်ပြီးတော့ ဖော်ဆောင်ရမယ့် အစားပေါ့လေ။ အစိုးရအသစ်နဲ့ပဲ ငြိမ်းချမ်းရေးလုပ်ငန်းစဉ်ကို ဖော်နိုင်ဖို့အတွက်က သူတို့ အစည်းအဝေး ကျင်းပတဲ့ ညီလာခံတခုဖြစ်တယ်။ နောက်တခုကတော့ အဲဒါကလည်း အားလုံးပါဝင်နိုင်ဖို့အတွက် လက်မှတ်ထိုးတဲ့အဖွဲ့တွေလည်း ပါမယ်၊ လက်မှတ်မထိုးတဲ့ အဖွဲ့တွေလည်း ပါမယ်။ Space တခု ဖန်တီးလုပ်ဆောင်တဲ့ အရာတခု ဖြစ်တယ်ပေါ့လေ။ မေး - ဒီ ပင်လုံညီလာခံဆိုတော့ နှစ်ကြိမ်မြောက် ပင်လုံညီလာခံပေါ့နော်။ ပြီးခဲ့တဲ့ တကြိမ်မြောက် ပင်လုံညီလာခံကိုတော့ ၂၁ ရာစုတောင် ရောက်သွားပြီပေါ့နော်။ ဒီပင်လုံညီလာခံကို လက်ရှိအစိုးရ အောင်မြင်စွာ ကျင်းပနိုင်မယ်လို့ထင်လား။ ဖြေ - အဲဒါကတော့ အားလုံးပါဝင်လာမယ်ဆိုရင်တော့ ကျင်းပနိုင်တာရှိမယ်။ ဒါပေမယ့် တခါတည်းတော့ မဖြစ်နိုင်သေးဘူး။ ဒါက အဆင့်ဆင့်တော့ ကျင်းပရမှာဖြစ်တယ်။ ဘာဖြစ်လို့လဲဆိုတော့ အဲဒီညီလာခံကလည်း ဟိုအရင်က မပြီးဆုံးသေးတဲ့ ပင်လုံညီလာခံကို မပြီးဆုံးသေးတဲ့ ကတိက၀တ်တချို့ ရှိတယ်။ အဲဒါ အရေးကြီးတယ်။ အထူးသဖြင့်ပေါ့ ဖက်ဒရယ်ပြည်ထောင်စု တည်ဆောက်ဖို့အတွက် တတတ်တအား ပါဝင်နိုင်ဖို့အတွက် တန်းတူရည်တူ ရှိတဲ့အတွက် အဲအချက်တွေရှိတဲ့ဟာပေါ်မှာလည်း အခြေခံပြီးတော့ ဆက်လက်သွားဖို့အတွက်ပဲဖြစ်မယ်လို့ ဒီလိုပဲမြင်တယ်ပေါ့။ မေး - ဟုတ်ကဲ့ ပင်လုံညီလာခံဆိုတာကတော့ တကယ့်ကြီးမားတဲ့ ပင်လုံစာချုပ်ပေါ့နော်။ အခုလက်ရှိဆိုရင်လည်း တိုင်းရင်းသားနယ်မြေထဲမှာလည်း တိုက်ပွဲတချို့ ရှိနေသေးတယ်။ တခြားတိုင်းရင်းသားတွေလည်း လက်မှတ်မထိုးနိုင်သေးဘူးပေါ့နော်။ ပင်လုံညီလာခံရဲ့ အတားအဆီး ဘာတွေဖြစ်လာနိုင်မလဲပေါ့။ ဖြေ - အတားအဆီးတခုကတော့ စစ်တပ်ရဲ့ တိုက်ပွဲတွေ ဖြစ်တဲ့အပေါ်မှာပေါ့နော်။ နိုင်ငံတခုလုံးမှာ အပစ်အခတ်ရပ်စဲရေး မရှိတဲ့အတွက်ကြောင့် အဲဒါကတော့ အတားအဆီးတခု ဖြစ်တယ်ပေါ့။ မေး - ဒီနေရာကနေပြီးတော့ ပြည်တွင်းမှာရှိတဲ့ ကရင်တိုင်းရင်းသားတွေရောပေါ့။ အခြားတိုင်းရင်းသားတွေကိုရောပေါ့၊ နိုင်ငံခြားမှာရှိတဲ့ ကရင်ပြည်သူတွေကိုရော အခြားပြည်သူတွေကိုရော ဒီနေရာကနေ ဘာပြောချင်လဲပေါ့။ ဖြေ - ကျမပြောချင်တာကတော့ ကျမတို့သွားရမယ့်၊ ရှေ့သွားရမှာ အများကြီး လိုအပ်သေးတယ်။ အခုလောလောဆယ်မှာလည်း ကျမတို့ နိုင်ငံရေးဆွေးနွေးပွဲ ဘာမှ မစသေးဘူး။ ကျမတို့လည်း တနိုင်ငံလုံး ပစ်ခတ်ရပ်စဲရေး လက်မှတ်ထိုးထားတဲ့အဖွဲ့တွေ ရှိပေမယ့်လည်း လက်မှတ်ထိုးဖို့ အခွင့်မရှိတဲ့ အဖွဲ့တွေလည်း ရှိသေးတယ်။ ပြီးတော့ နောက်တချက်မှာလည်း ဗမာပြည်မှာ တိုက်ပွဲတွေ ဆက်လက်ဖြစ်နေတယ်၊ မြောက်ပိုင်းမှာ ဖြစ်နေတဲ့အတွက်ကြောင့် ဒါကိုတော့ ကျမတို့က ဆက်လက်ပြီးတော့ ဆွေးနွေးပွဲကို အများကြီးသွားရမှာဖြစ်တယ်။ သွားရမယ့် အချိန်ကာလတုန်းကလည်း ကျမတို့ တိုင်းရင်းသားတွေပဲဖြစ်ဖြစ်၊ ကရင်အမျိုးသားတွေကပဲ ၀ိုင်းဝန်းပြီးတော့ ပံ့ပိုးဖို့ လိုအပ်တယ်။ ကျမတို့ သူတို့ကိုလည်း ပါဝင်ဖို့အတွက် ကျမတို့ ဖိတ်ခေါ်တယ်။ ပါဝင်နိုင်ဖို့အတွက်လည်း ကျမတို့ ကြိုဆိုပါတယ်လို့ ပြောချင်တယ်။ မေး - ဆရာမကြီးတို့ကတော့ ကေအန်ယူ ဗဟိုဌာနချုပ်အနေနဲ့ နေတယ်ပေါ့နော်။ အပြင်ကတက်လာတဲ့ ပါတီတချို့ရယ်၊ တက်လာတဲ့ ကရင်အမျိုးသမီး တချို့ရယ် ပြောတာပေါ့နော်။ အန်စီအေထဲမှာ အမျိုးသမီးတွေ များများပါဝင်ဖို့ တိုက်တွန်းတာ ကျနော်ကြားရတယ်ပေါ့နော်။ အဲဒီအပေါ်ကော ဆရာမ ဘယ်လိုမြင်သလဲ။ ဖြေ - အဲဒါက အရေးကြီးတယ်ပေါ့။ ကြည့်မယ်ဆိုရင် အမျိုးသမီးတွေရဲ့ အန်စီအေထဲမှာ တောင်းဆိုထားတာတွေရှိတယ်။ အန်စီအေထဲမှာတော့ မပါဘူးပေါ့။ အမျိုးသမီးတွေ ပါဝင်မှုက အများကြီး လိုပါသေးတယ်။ နှစ်ဘက်စလုံး အစိုးရဘက်ကပဲဖြစ်ဖြစ်၊ တိုင်းရင်းသားဘက်ကပဲဖြစ်ဖြစ်၊ ကေအန်ယူထဲမှာပဲဖြစ်ဖြစ် အမျိုးသမီးပါဝင်ဖို့အတွက် အထူးသဖြင့်ပေါ့၊ ဒီ ငြိမ်းချမ်းရေးလုပ်ငန်းစဉ်ကို အမျိုးသမီးပါဝင်ဖို့အတွက် အရေးကြီးတယ်လို့ ကျမပြောချင်ပါတယ်။ မေး - နောက်ဆုံးအနေနဲ့ ကျနော်မေးတဲ့အထဲမှာ မပါဘဲနဲ့ သီးခြား ဘာဖြေကြားချင်တာရှိလဲပေါ့။ ဖြေ - ကျမပြောချင်တာကတော့ အခုအခြေအနေမှာ အခုတက်လာမယ့် အစိုးရသစ်နဲ့ ကျမတို့ နိုင်ငံရေး ဆက်လက်သွားရမယ့် အခြေအနေ အခုအချိန်မှာ အရေးကြီးတဲ့အချိန်ဖြစ်တယ်။ အဲဒါကတော့ ပြည်သူလူထုတွေ၊ ကရင်တမျိုးသားလုံးတင်သာ မကဘဲနဲ့ ပြည်သူလူထုတွေ အားလုံးကတော့ ကျမတို့ မျှော်မှန်းထားတဲ့ နိုင်ငံရေးရဲ့ ရည်မှန်းချက်ကတော့ ရောက်နိုင်ဖို့အတွက် အားလုံးက ပါဝင်ဖို့ လိုအပ်တယ်။ ဘာဖြစ်လို့လဲဆိုတော့ အခုအစိုးရကလည်း ကျမတို့သွားတဲ့လမ်းကတော့ အစိုးရချထားတဲ့ ပေါ်လစီနဲ့ ကျမတို့ တိုင်းရင်းသား လက်နက်ကိုင် အဖွဲ့အစည်းရဲ့ လိုချင်တဲ့ နိုင်ငံရေးပန်းတိုင်ကတော့ အတူတူပဲဖြစ်နေတယ်။ တထပ်တည်းဖြစ်တယ်။ ပြီးတော့လည်း တိုင်းရင်းသားပါတီတွေကလည်း သူတို့လည်း နိုင်ငံရေးပန်းတိုင်ကလည်း တခုတည်းပဲ ရှိတဲ့အပေါ်မှာ ဒီပန်းတိုင်ကို အထူးသဖြင့် ဒီပန်းတိုင်က ဒီမိုကရက်တစ် ဖက်ဒရယ်ပြည်ထောင်စု တည်ဆောက်ဖို့ အတွက်ကတော့ အဲဒါ ကျမတို့ နိုင်ငံရေးပန်းတိုင်ဖြစ်တယ်။ အဲဒါကြောင့် ဒီပန်းတိုင်ကို ရောက်နိုင်ဖို့အတွက်က ပြည်သူလူထုတွေလည်း ၀ိုင်းဝန်းကူညီဖို့လိုတယ်။ ပြည်သူလူထုကိုလည်း ထောက်ခံဖို့လိုတယ်။ အခု ကျမတို့သွားနေတဲ့ တိုင်းရင်းသား လက်နက်ကိုင် အဖွဲ့အစည်းတွေ အားလုံးလည်း နိုင်ငံရေးပန်းတိုင် ရောက်ရှိဖို့အတွက်၊ ပြီးတော့ အစိုးရသစ်ရဲ့ ချထားတဲ့ တနိုင်ငံလုံး ပြုပြင်ပြောင်းလဲနိုင်ဖို့အတွက်ပေါ့၊ ဒီမိုကရေစီနိုင်ငံ ဖြစ်နိုင်ဖို့အတွက် ဖက်ဒရယ်ပြည်ထောင်စု တည်ဆောက်နိုင်ဖို့အတွက်က အားလုံး ၀ိုင်းဝန်းပြီးတော့ လုပ်ဆောင်မယ်ဆိုရင်တော့ ဒါ ကျမတို့ သွားလို့ရနိုင်ပါတယ်။ ဆက်သွယ်မေးမြန်းသူ - စောဖိုးစီ
5 years Ago

July 22, 2015

တပြည်လုံး အပစ်ရပ်စာချုပ် အချောသတ်ဖို့ ရန်ကုန်မှာ ဆွေးနွေးကြပြီ

ရရှိထားပြီးဖြစ်တဲ့ တပြည်လုံး ပစ်ခတ်တိုက်ခိုက်မှု ရပ်စဲရေး သဘောတူညီချက် (မူကြမ်း) ကို အချောသတ်ဖို့ ဦးအောင်မင်း ဦးဆောင်တဲ့ အစိုးရကိုယ်စားလှယ်အဖွဲ့ (ယူပီဒဗလျူစီ) နဲ့ နော်စီဖိုးရာစိန် ဦးဆောင်တဲ့ တိုင်းရင်းသားလက်နက်ကိုင် တပ်ဖွဲ့တွေရဲ့ အဆင့်မြင့် ကိုယ်စားလှယ်အဖွဲ့ (အက်စ်ဒီ) တို့ ရန်ကုန်မှာ ဒီမနက် စတင် ညှိနှိုင်းဆွေးနွေးကြပါတယ်။ ပြည်ထောင်စုငြိမ်းချမ်းရေး ဖော်ဆောင်ရေး လုပ်ငန်းကော်မတီ (ယူပီဒဗလျူစီ) နဲ့ တိုင်းရင်းသား လက်နက်ကိုင် အဖွဲ့အစည်းများ၏ တနိုင်ငံလုံး အပစ်အခတ်ရပ်စဲရေးဆိုင်ရာ အဆင့်မြင့် ညှိနှိုင်းရေး ကိုယ်စားလှယ်အဖွဲ့ (အက်စ်ဒီ) တို့ဟာ ကမာရွတ်မြို့နယ်ရှိ မြန်မာနိုင်ငံ ငြိမ်းချမ်းရေးစင်တာမှာ ဆွေးနွေးကြတာဖြစ်ပြီး ၃ ရက်ဆက်တိုက် ဆွေးနွေးကြမှာဖြစ်ပါတယ်။ ဆွေးနွေးပွဲပထမဆုံးနေ့မှာ မူကြမ်းကို အချောသတ်နိုင်ရေး ဆွေးနွေးကြမှာဖြစ်ပြီး မနက်ဖြန်မှာ လက်မှတ်ရေးထိုးမယ့်သူများ သတ်မှတ်မှု၊ သန်ဘက်ခါမှာ အသိသက်သေအဖြစ် တက်ရောက်သူများ သတ်မှတ်မှုတို့ကို ဆွေးနွေးကြဖို့ စီစဉ်ထားတယ်လို့ သတင်းရယူနေတဲ့ ဒီဗွီဘီသတင်းထောက် ကိုမျိုးဇော်လင်းက ပြောပါတယ်။ ဆွေးနွေးပွဲမှာ အစိုးရဘက်က ကိုယ်စားလှယ် ပြည့်ပြည့်စုံစုံ တက်ရောက်ပြီး အဆင့်မြင့်ကိုယ်စားလှယ် အဖွဲ့ဘက်က ဗိုလ်ချုပ်ဂွမ်မော် တက်ရောက်တာ မတွေ့ရဘူးလို့ သူကပြောပါတယ်။ ဆွေးနွေးပွဲဖွင့်ပွဲမှာ အစိုးရဘက်က ၀န်ကြီး ဦးအောင်မင်းနဲ့ တိုင်းရင်းသားဘက်က အဆင့်မြင့်ကိုယ်စားလှယ်အဖွဲ့ခေါင်းဆောင် နော်စီဖိုးရာစိန်တို့က အဖွင့်မိန့်ခွန်း ပြောကြား ကြပါ တယ်။ ဒီမိန့်ခွန်းမှာ နော်စီဖိုးရာစိန်က တပြည်လုံး ပစ်ခတ်တိုက်ခိုက်မှု ရပ်စဲရေးမှာ နိုင်ငံရေး အာမခံချက်ဟာ အင်မတန် အရေးကြီးတယ်ဆိုတာကို အခိုင်အမာ ထည့်သွင်းပြောဆိုပါတယ်။ နော်စီဖိုးရာစိန်က “မြန်မာနိုင်ငံရဲ့ ငြိမ်းချမ်းရေးကို တည်ဆောက်ရန်အတွက် တပြည်လုံး ပစ်ခတ်တိုက်ခိုက်မှု ရပ်စဲဖို့ဟာ အရေးကြီးတဲ့ အဆင့်တခုဖြစ်သလို ကျမတို့ တိုင်းရင်းသားတွေ အားလုံးအတွက် နိုင်ငံရေးအာမခံချက်ရှိတဲ့ အန်စီအေ (တပြည်လုံးအပစ်အခတ်ရပ်စဲရေး သဘောတူစာချုပ်) တခုဖြစ်ဖို့ကလည်း အင်မတန်အရေးကြီးပါတယ်” လို့  ပြောဆိုခဲ့ပါတယ်။ ပြည်နယ်အဆင့် အပစ်အခတ်ရပ်စဲရေး သဘောတူညီခဲ့တဲ့ ၃ နှစ်တာကာလအတွင်း တိုးတက်မှုရှိတာကို ပြောဆိုသလို ကချင်ပြည်နယ်တွင်း စစ်ပွဲတွေ ဆက်တိုက်ဖြစ်နေတာကိုလည်း သူက ပြောဆိုပါတယ်။ ဒါ့အပြင် လတ်တလော ကချင်ပြည်နယ်၊ ရှမ်းပြည်နယ်နဲ့ ကရင်ပြည်နယ်တွေမှာ တိုက်ပွဲတွေ ဆက်တိုက်ဖြစ်ပွားနေတာကို စိုးရိမ်တယ်လို့ ပြောဆိုခဲ့ပါတယ်။ နော်စီဖိုးရာစိန်က “ဒီတကြိမ် ဆွေးနွေးပွဲနဲ့ပတ်သက်ပြီး တတိုင်းပြည်လုံး အတိုင်းအတာနဲ့ ခိုင်မာတဲ့ ပစ်ခတ်တိုက်ခိုက်မှု ရပ်စဲရေးစာချုပ်ကို အပြီးသတ် ရေးဆွဲနိုင်ဖို့ဖြစ်တယ်။ အဲဒါကြောင့်မို့လည်း တိုင်းရင်းသား လက်နက်ကိုင် အဖွဲ့အစည်းအားလုံး ပါဝင်နိုင်ရေးဟာ အရေးကြီးပါတယ်” လို့ ပြောပါတယ်။ ၀န်ကြီး ဦးအောင်မင်းက အဖွင့်မိန့်ခွန်းမှာ အန်စီအေ မူကြမ်းကို ပြင်ဆင်ဖြည့်စွက်လိုတဲ့ အချက်တချို့ရဲ့ နောက်ကွယ်က တိုင်းရင်းသားတွေရဲ့ စိုးရိမ်မှုတွေကိုလည်း နားလည်ပါကြောင်း ပြောပါတယ်။ ဦးအောင်မင်းက “ဒါတွေကို လျော့ကျစေဖုို့ ကျနော်တို့ဘက်က ထပ်မံရှင်းပြဖုို့လည်း ဆန္ဒရှိပါတယ်။ တချို့အချက်တွေကလည်း ထိဖို့တို့ဖို့ ပြင်ဆင်ဖုို့ အခက်အခဲများစွာ ရှိပါတယ်။ ဒါပေမယ့် အန်စီအေစာချုပ် စာချောဖို့အတွက် လိုအပ်တာတွေကို ပြင်ဆင်သွားဖို့ ကျနော်တို့ ဆောင်ရွက်သွားနိုင်ပါတယ်။ “နံပါတ် (၂) ကတော့ လက်မှတ်ရေးထိုးရာမှာ အားလုံးပါဝင်ရေးလို့ ဆိုတဲ့ အဆိုပြုချက် ဖြစ်ပါတယ်။ အစိုးရအနေနဲ့ အန်စီစီတီနဲ့ စဆွေးနွေးကတည်းက အစိုးရဘက်က ဘယ်အဖွဲ့တွေနဲ့ ပထမဦးဆုံး လက်မှတ်ထိုးမယ်ဆိုတဲ့ ဒီမူဝါဒကို ပြောခဲ့ပါတယ်။ အခုလည်း ဒီအခြေခံအပေါ်မှာ ရပ်တည်ပြီး ပါဝင်သင့်တဲ့ အဖွဲ့တွေ ပါဝင်နိုင်တဲ့ နည်းလမ်းကို ဆွေးနွေး ညှိနှိုင်းပါမယ်။ ငြိမ်းချမ်းရေးဖြစ်စဉ်မှာ နိုင်ငံရေး ဆွေးနွေးပွဲတွေကို တံခါးပေါက်ဖွင့်ထားပြီး ဖြစ်ပါတယ်။ နိုင်ငံရေး ဆွေးနွေးပွဲတွေမှာ အင်အားစုအားလုံး ပါဝင်လာနိုင်အောင် ကြိုးစားသွားမှာ ဖြစ်ပါတယ်။” လို့ ပြောပါတယ်။ အစိုးရအနေနဲ့ ရွေးကောက်ပွဲပြင်ဆင်ဖို့ စက်တင်ဘာလဆန်းပိုင်းကစလို့ အလုပ်များမှာဖြစ်ပြီး ဒီမတိုင်ခင် ခိုင်မာတဲ့ သဘောတူညီချက်တခု ရရှိဖို့ အရေးကြီးကြောင်းနဲ့ မရနိုင်ခဲ့ရင် အခုလို အဖွဲ့စုံစုံလင်လင် ထပ်မံညှိဖို့ဆိုတာ နောက်တက်လာမယ့် အစိုးရပေါ်သာ မူတည်မှာဖြစ်ပြီး အဲဒီအခါ Process က အသစ်ဖြစ်သွားလိမ့်မယ့်အကြောင်း သတိပေးပြောဆိုပါတယ်။ ပြီးခဲ့တဲ့ မတ်လ ၃၁ ရက်နေ့က ယူပီဒဗလျူစီနဲ့ အန်စီစီတီတို့အကြား ရရှိခဲ့တဲ့ မူကြမ်းအဆင့် သဘောတူညီချက်ကို သက်ဆိုင်ရာ ထိပ်သီးခေါင်းဆောင်တွေထံ တင်ပြရာမှာ    ဖြည့်စွက်ပြင်ဆင်ချက် ၁၅ ချက်နဲ့ မူကြမ်းကို အတည်ပြုခဲ့ပြီး ဆက်ဆွေးနွေးဖို့ အဆင့်မြင့်ကိုယ်စားလှယ်အဖွဲ့ (အက်စ်ဒီ) ကို ဖွဲ့စည်းတာဝန်ပေးခဲ့ပါတယ်။
6 years Ago

အပစ်ရပ်စာချုပ် အချောသတ်ဆွေးနွေးပွဲ ရန်ကုန်မှာ စတင်

အစိုးရနဲ့ တိုင်းရင်းသားလက်နက်ကိုင် အင်အားစုတွေဘက်က အဆင့်မြင့် ကိုယ်စားလှယ်တွေဟာ တနိုင်ငံလုံး ပစ်ခတ်တိုက်ခိုက်မှု ရပ်စဲရေး သဘောတူညီချက် (မူကြမ်း) ကို အပြီးသတ် အချောသတ်အဆင့် ရေးဆွဲနိုင်ရေးအတွက် ဇူလိုင် ၂၂ ရက်နေ့ ရန်ကုန်မှာ ပထမဆုံးအကြိမ် ဆွေးနွေးကြတော့မှာ ဖြစ်ပါတယ်။ ပြည်ထောင်စုငြိမ်းချမ်းရေး ဖော်ဆောင်ရေး လုပ်ငန်းကော်မတီ (Union Peace-making Work Committee) နဲ့ တိုင်းရင်းသားလက်နက်ကိုင် အဖွဲ့အစည်းများ၏ တနိုင်ငံလုံး အပစ်အခတ်ရပ်စဲရေးဆိုင်ရာ အဆင့်မြင့် ညှိနှိုင်းရေး ကိုယ်စားလှယ်အဖွဲ့ (SD) တို့ဟာ ကမာရွတ်မြို့နယ်ရှိ မြန်မာနိုင်ငံငြိမ်းချမ်းရေး ပြန်လည်ထူထောင်ရေးလုပ်ငန်း ဗဟိုဌာန (Myanmar Peace Center) မှာ ဆွေးနွေးကြမှာဖြစ်ပါတယ်။ မနက် ၁၀ နာရီကနေ ညနေ ၄ နာရီထိ ကျင်းပဖို့ စီစဉ်ထားတဲ့ ဆွေးနွေးပွဲဟာ ဘယ်နှစ်ရက် ကြာမြင့်မယ်ဆိုတာတော့ မသိရှိရသေးပါဘူး။ ဒီတွေ့ဆုံပွဲမှာ ယူပီဒဗလျူစီနဲ့ တိုင်းရင်းသားလက်နက်ကိုင် အဖွဲ့တွေရဲ့ တနိုင်ငံလုံး အပစ်အခတ်ရပ်စဲရေးဆိုင်ရာ ညှိနှိုင်းရေးအဖွဲ့ (အန်စီစီတီ) တို့ မတ်လကုန်ပိုင်းက သဘောတူခဲ့တဲ့ အန်စီအေ (မူကြမ်း) အပေါ် ပြင်ဆင်ဖြည့်စွက်ချက်တွေကို ညှိနှိုင်းပြီး အပြီးသတ် မူချောရအောင် ဆွေးနွေးမှာဖြစ်ပါတယ်။ ပြီးခဲ့တဲ့ မတ်လ ၃၁ ရက်နေ့က ယူပီဒဗလျူစီနဲ့ အန်စီစီတီတို့အကြား ရရှိခဲ့တဲ့ (မူကြမ်းအဆင့်) သဘောတူညီချက်ကို သက်ဆိုင်ရာ ထိပ်သီးခေါင်းဆောင်တွေထံ တင်ပြဖို့ သဘောတူထားတာဖြစ်ပြီး အစိုးရဘက်ကတော့ မပြင်ဆင် မဖြည့်စွက်ဘူးလို့ အစောပိုင်းကတည်းက ပြောဆိုထားပါတယ်။ အန်စီစီတီအဖွဲ့က ကရင်အမျိုးသားအစည်းအရုံး ဌာနချုပ် လော်ခီးလာမှာ ကျင်းပခဲ့တဲ့ တိုင်းရင်းသားလက်နက်ကိုင် အဖွဲ့အစည်းတွေရဲ့ ထိပ်သီးခေါင်းဆောင်များ အစည်းအဝေးမှာ တင်ပြခဲ့ရာမှာ ထိပ်သီးခေါင်းဆောင် အစည်းအဝေးက ဖြည့်စွက်ပြင်ဆင်ချက် ၁၅ ချက်နဲ့ မူကြမ်းကို အတည်ပြုခဲ့ပါတယ်။ ဒါ့အပြင် အတည်ပြုမူကြမ်းကို အစိုးရဘက်က ကိုယ်စားလှယ်တွေနဲ့ ဆွေးနွေးဖို့အတွက် ကရင်အမျိုးသားအစည်းအရုံး ဒု-ဥက္ကဋ္ဌ နော်စီဖိုးရာစိန် ဦးဆောင်တဲ့ အဖွဲ့ဝင် ၁၅ ဦးပါ တိုင်းရင်းသားလက်နက်ကိုင် အဖွဲ့အစည်းများ၏ တနိုင်ငံလုံး အပစ်အခတ်ရပ်စဲရေးဆိုင်ရာ အဆင့်မြင့် ညှိနှိုင်းရေး ကိုယ်စားလှယ်အဖွဲ့ (SD) ကို ဖွဲ့စည်းတာဝန်ပေးအပ်ခဲ့တာ ဖြစ်ပါတယ်။ ဆွေးနွေးဘက် ၂ ဘက်စလုံးကတော့ တနိုင်ငံလုံး အပစ်အခတ်ရပ်စဲရေး သဘောတူစာချုပ်ကို ဆောလျင်စွာ ရေးထိုးလိုကြောင်း အသီးသီး ထုတ်ပြောထားကြပါတယ်။ တနိုင်ငံလုံး အပစ်အခတ်ရပ်စဲရေးစာချုပ်နဲ့ ပတ်သက်လို့ ယူပီဒဗလျူစီနဲ့ အန်စီစီတီတို့ အဓိကဆွေးနွေးပွဲကြီး ၇ ကြိမ် ဆွေးနွေးခဲ့ကြပါတယ်။ လက်ရှိသမ္မတ ဦးသိန်းစိန် လက်ထက်မှာ တနိုင်ငံလုံး အပစ်အခတ်ရပ်စဲရေးကနေ တဆင့် နိုင်ငံရေးဆွေးနွေးပွဲတွေကို သွားရောက်ဖို့ သဘောတူညီခဲ့ပြီး လက်နက်ကိုင်အဖွဲ့အစည်း အကုန်နီးပါးနဲ့ ပြည်နယ်အဆင့် ပြည်ထောင်စုအဆင့် အပစ်ရပ် လက်မှတ်ထိုးခဲ့ပါတယ်။ အစိုးရသက်တမ်းကာလအတွင်း တိုက်ပွဲဖြစ်ပွားမှုနှုန်း လျော့ကျပြီး ဒေသအတော်များများက ဒေသခံတွေအဖို့ စစ်ဘက်ဘေးရန် လျော့ကျသွားပေမယ့် ကချင်ပြည်နယ်၊ ရှမ်းပြည်နယ်နဲ့ ကရင်ပြည်နယ်တွေမှာ တိုက်ပွဲကြီးငယ် ဖြစ်ပွားမှုတွေဟာ တနှစ်မှ ရပ်နားခြင်း မရှိသေးပါဘူး။ တနိုင်ငံလုံး အပစ်အခတ်ရပ်စဲရေး လက်မှတ်ရေးထိုးပြီး ရက်ပေါင်း ၆၀ အတွင်း နိုင်ငံရေးမူဘောင်ရေးဆွဲပြီး နိုင်ငံရေးဆွေးနွေးပွဲတွေ စတင်မယ်လို့ လက်ရှိအစိုးရက ကတိပြုထားပါတယ်။
6 years Ago
More News
Up