နောက်ဆုံးအဆင့်

August 11, 2018

Myanmar Idol နောက်အဆုံးအဆင့် ပြိုင်ပွဲ မူလအစီအစဉ်အတိုင်း ပြုလုပ်မည်

ပရိသတ်တွေကြား အပြောများနေတဲ့ Myanmar Idol season 3 နောက်အဆုံးအဆင် ပြိုင်ပွဲနဲ့ ပတ်သက်ပြီး ဒီနေ့ စနေနေ့ ညနေပိုင်းမှာပဲ မူလစီစဉ်ထားတဲ့အတိုင်း ပြုလုပ်သွားမယ်လို့ ပွဲစီစဉ်သူတွေက မနေ့ညနေပိုင်းမှာ အထူးသတင်းစာရှင်းလင်းပွဲပြုလုပ်ပြီး ပြောကြားသွားပါတယ်။ နောက်ဆုံးအဆင့်ပြိုင်ပွဲကို ဖြိုးမြတ်အောင်နဲ့ ချမ်းမြေ့မောင်ချိုတို့ နှစ်ယောက် ယှဉ်ပြိုင်ရမှာဖြစ်ပြီး ချမ်းမြေ့မောင်ချို ကျန်းမာရေးမကောင်းလို့ ဆေးရုံတက်ပြီး ဆေးကုသမှုခံယူနေရတဲ့အတွက် သူ့ကို ပါဝင်လာဖို့ ပြိုင်ပွဲနောက်ဆုံးအချိန်ထိ စောင့်မျှော်သွားမယ်လို့ ဆိုပါတယ်။ အခုနောက်ဆုံးအဆင့်ပြိုင်ပွဲကို ချမ်းမြေ့မောင်ချို လာရောက်မယှဉ်ပြိုင်နိုင်ပါက ဖြိုးမြတ်အောင်က အနိုင်ရရှိသွားမယ်လို့လည်း သိရပါတယ်။ ဆေးရုံမှာ လက်ရှိရောက်ရှိနေတဲ့ ချမ်းမြေ့မောင်ချိုအနေနဲ့ ကျန်းမရေး ပြန်လည်ကောင်းမွန်စပြုနေပြီး အဆိုပိုင်းလေ့ကျင့်နိုင်ဖို့ သွားရောက်ကူညီပေးနေတယ်လို့လည်း မြန်မာအိုင်ဒေါ အဆိုပိုင်းဆရာတယောက်ဖြစ်တဲ့ ဥက္ကာဦးသာက သတင်းစာရှင်းလင်းပွဲမှာ ပြောပါတယ်။ နောက်ဆုံးအဆင့် ပြုလုပ်မယ့် ပြိုင်ပွဲမှာ myanmar idol top 11 ပြိုင်ပွဲဝင်အားလုံး ပါဝင်ဖျော်ဖြေမှာဖြစ်ပြီး ဖျော်ဖြေရေးအတွက် လေ့ကျင့်ပြင်ဆင်နေတဲ့ top 11 ပြိုင်ပွဲဝင်တွေကလည်း ချမ်းမြေ့မောင်ချိုကို ဆေးရုံမှာ သွားရောက်တွေ့ဆုံအားပေးခဲ့ကြကြောင်း မြန်မာအိုင်ဒေါက သတင်းထုတ်ပြန်ထားပါတယ်။
3 years Ago
Up