နေရပ်စွန့်ခွာသူများ

November 17, 2018

နိုင်ငံသားဖြစ်ခွင့်ပေးမှ ပြန်လာမည်ဟု နေရပ်စွန့်ခွာသူများပြော

ရခိုင်ပြည်နယ်ဘက်ကနေ ဘင်္ဂလားဒေ့ရ်ှနိုင်ငံဘက်ကို ထွက်ပြေးသွားတဲ့သူတွေက မြန်မာအစိုးရအနေနဲ့ သူတို့ကို NVC မဟုတ်ဘဲ နိုင်ငံသားဖြစ်ခွင့်ပေးမှသာ ရခိုင်ဘက်ကို ပြန်လာမယ်လို့ နေရပ်စွန့်ခွာသူတွေက နိုဝင်ဘာ ၁၇ ရက်နေ့မှာ ပြောပါတယ်။ မြန်မာ - ဘင်္ဂလားဒေ့ရှ် နှစ်နိုင်ငံသဘောတူညီအချက် နေရပ်စွန့်ခွာသွားသူတွေကို ပြန်လည်လက်ခံဖို့ နိုဝင်ဘာ ၁၅ ရက်နေ့ကစပြီး လက်ခံရေးလုပ်ငန်းတွေ မြန်မာဘက်က စတင်ခဲ့ပေမယ့် နေရပ်စွန့်ခွာသူတဦးမှ ပြန်မလာခဲ့ပါဘူး။ နေရပ်စွန့်ခွာသူတွေ ပြန်မလာတာကြောင့် နှစ်နိုင်ငံ နယ်စပ်မျဉ်းမှာ နေထိုင်တဲ့ သူတွေကို ပြန်မလာတဲ့ အခြေအနေနဲ့ပတ်သက်ပြီး ဒီဗွီဘီက သွားရောက်မေးမြန်းရာမှာ စွန့်ခွာသူတွေက ပြောခဲ့တာပါ။ “ကျနော်တို့ကလည်း မြန်မာနိုင်ငံသားတွေ ဒါကြောင့် နိုင်ငံသားဖြစ်ခွင့် အခွင့်အရေးရှိရမယ်။ NVC ကတ်ကို မလိုချင်ဘူး၊ လွတ်လပ်စွာ ပညာသင်ခွင့် သွားလာခွင့်ရှိရမယ်၊ နောက်ပြီး အပြစ်မရှိတဲ့သူတွေကို အကြမ်းဖက် လုပ်ဆောင်ခဲ့တဲ့သူတွေကိုလည်း အရေးယူပေးပါ၊ နိုင်ငံသားဖြစ်ခွင့်ပေးမှ ပြန်လာချင်ပါတယ်” လို့ အဖွဲ့ခေါင်းဆောင်က ဆိုပါတယ်။ နှစ်နိုင်ငံ နယ်စပ်မျဉ်းမှာတော့ နေရပ်စွန့်ခွာသူ ၅၀၀၀ ကျော်နေထိုင်ပါတယ်။ နေရပ်စွန့်ခွာသွားသူတွေထဲကမှ ပထအအသုတ်အနေနဲ့ အယောက် ၂၀၀၀ ကျော်ကို မြန်မာအစိုးရအနေနဲ့ ပြန်လည်လက်ခံမှာဖြစ်ပါတယ်။ ဒါပေ့မယ့် လတ်တလောမှာ ပြန်လာသူမရှိလို့ နေရပ်စွန့်ခွာထွက်ပြေးသူများ ပြန်လက်ခံရေးအစီအစဉ်ကို ရွှေ့ဆိုင်းထားတယ်လို့ သိရပါတယ်။ မြန်မာအစိုးရဘက်ကတော့ ပြန်လာမယ့်သူတွေအတွက် NVC ကို သတ်မှတ်ထားတဲ့ ဥပဒေအတိုင်းလျောက်ထားရမှာဖြစ်ပြီး သူတို့အတွက် လုံခြုံရေး စားဝတ်နေရေးနဲ့ ကျန်းမာရေးအပြင် နေထိုင်ဖို့ပါ စီစဉ်ထားပါတယ်။ ဘင်္ဂလားဒေ့ရ်ှဘက်ကလည်း နေရပ်ပြန်လိုသူတွေကို ကိုယ့်သဘောဆန္ဒအလျောက်သာ ပြန်လွှတ်မှာဖြစ်ပြီး အတင်းအကျပ် ပြန်မပို့ဘူးလို့ ပြောကြားထားပါတယ်။ ရခိုင်ပြည်နယ် မောင်တောဒေသမှာ ပြီးခဲ့တဲ့နှစ် သြဂုတ်လက ဖြစ်ပွားခဲ့တဲ့ အကြမ်းဖက်တိုက်ခိုက်မှုအတွင်း ဘင်္ဂါလီ ၆ သိန်းလောက် ဘင်္ဂလားဒေ့ရ်ှနိုင်ငံဘက် ထွက်ပြေးသွား ကြတယ်လို့ ကုလသမဂ္ဂက ခန့်မှန်းထုတ်ပြန်ထားပါတယ်။
3 years Ago

November 16, 2018

နေရပ်စွန့်ခွာသူများ ပြန်လည်လက်ခံရေးကိစ္စ အမေရိကန်၊ ယူကေနှင့် အီးယူ ဖိအားပေးနေ

နေရပ်စွန့်ခွာသူတွေ ပြန်လည်လက်ခံရေး ဆောင်ရွက်နေမှုအပေါ်မှာ အမေရိကန်၊ ယူကေနဲ့ အီးယူ ဥရောပသမဂ္ဂနိုင်ငံတွေက ဖိအားပေးနေတယ်လို့ မြန်မာနိုင်ငံခြားရေးဝန်ကြီးဌာန အမြဲတမ်းအတွင်းဝန်က ပြောပါတယ်။ နိုဝင်ဘာ ၁၅ ရက် ညနေပိုင်းက နေပြည်တော်၊ နိုင်ငံခြားရေးဝန်ကြီးဌာနရုံးမှာ ကျင်းပတဲ့ သတင်းစာရှင်းလင်းပွဲမှာ သတင်းထောက်တွေ မေးမြန်းမှုအပေါ် ပြောဆိုခဲ့တာပါ။ အမြဲတမ်းအတွင်းဝန် ဦးမြင့်သူက “အမေရိကန်၊ အီးယူ၊ ယူကေတို့က သူတို့နိုင်ငံရဲ့ ရပ်တည်ချက်နဲ့ ဖိအားပေးနေတဲ့ အနေအထား ဖြစ်ပါတယ်။ ကျနော်တို့ ပြောချင်တာက ဒီအလုပ် လုပ်လာတာ ဇန်နဝါရီတည်းက စပြီးလုပ်လာပါတယ်။ ကော်မတီတွေဖွဲ့တယ်၊ အသေးစိတ် လိုအပ်တဲ့ပြင်ဆင်မှုတွေ လုပ်တယ်။ ကျနော်တို့ အခုဆိုရင် ၁၀ လ ကျော်သွားပါပြီ။ ဒါပေမယ့် သူတို့ အခုထိ အဆင်သင့်မဖြစ်သေးဘူးလို့ ပြောနေတာ၊ သူတို့က ဘာစံချိန်စံညွှန်းတွေနဲ့ တိုင်းပြီးတော့ ပြောနေတာလဲ။ ကျနော်တို့လိုပဲ ကျနော်တို့ဒေသတွင်းမှာ အလားတူကိစ္စရပ်တွေ ဖြစ်ခဲ့တာတွေ ရှိပါတယ်။ ကျနေ်ာတို့အနေနဲ့ တတ်နိုင်သလောက် ဆောင်ရွက်သွားပါ့မယ်။ ကုလသမဂ္ဂ မျက်နှာစာမှာလည်း ကျနော်တို့နဲ့ ခင်မင်ရင်းနှီးတဲ့ နိုင်ငံတွေ၊ နောက် ကျနော်တို့နဲ့ သဘောထားတူညီတဲ့ နိုင်ငံတွေနဲ့ ပူးပေါင်းဆောင်ရွက်သွားမှာ ဖြစ်ပါတယ်။" ဒ့ါအပြင် ကုလသမဂ္ဂ အေဂျင်စီတွေဖြစ်တဲ့ UNDP နဲ့ UNHCR တို့နဲ့လည်း ပူးပေါင်းဆောင်ရွက်နေပြီ ဖြစ်ပါတယ်လို့ နိုင်ငံခြားရေးဝန်ကြီးဌာန အမြဲတမ်းအတွင်းဝန်က ပြောပါတယ်။ ဘင်္ဂလားဒေ့ရ်ှနိုင်ငံရောက် နေရပ်စွန့်ခွာသူတွေ နိုဝင်ဘာ ၁၅ ရက်က ပထမအသုတ်အဖြစ်  ပြန်လည်လက်ခံဖို့ မြန်မာဘက်က အဆင်သင့်ပြင်ဆင်ပြီး ပြည်ထောင်စုဝန်ကြီး ဒေါက်တာ ဝင်းမြတ်အေး ကိုယ်တိုင် မောင်တော တောင်ပြိုလက်ဝဲစခန်းမှာ သွားရောက် စောင့်ဆိုင်းနေပေမယ့် မနေ့ညနေပိုင်းအထိ တဦးတယောက်မှ ပြန်လည်ရောက်လာတာ မရှိသေးပါဘူး။ အဲ့ဒီလူတွေ ပြန်လာမယ်ဆိုရင်လည်း သတ်မှတ်ထားတဲ့ ကျေးရွာတွေမှာ နေထိုင်နိုင်ဖို့နဲ့ လုံခြုံရေးနဲ့ စားဝတ်နေရေးအတွက် စီမံဆောင်ရွက်ပေးထားပြီး ဖြစ်တယ်လို့လည်း ဆိုပါတယ်။ “ပြန်လည်လက်ခံဖို့ သဘောတူထားတဲ့အတွက် ကျနော်တို့ဘက်ကတော့ အသင့်စောင့်နေမှာ ဖြစ်ပါတယ်။ သူတို့ဘက်ကလာတဲ့အပေါ် မူတည်ပြီး ကျနော်တို့ စိစစ် လက်ခံသွားမှာ ဖြစ်ပါတယ်။ UNHCR က ဂျနီဗာမှာ သတင်းထုတ်ပြန်ချက် တတိယအပိုဒ်မှာတော့ မြန်မာနိုင်ငံနဲ့ လက်မှတ်ရေးထိုးတဲ့ MoU နဲ့အညီ ဆက်လက်ပူးပေါင်း ဆောင်ရွက်သွားမယ်လို့ ပြောထားပါတယ်” လို့ ဦးမြင့်သူက ပြောပါတယ်။ နေရပ်စွန့်ခွာသူတွေကို သွေးထိုးလှုံ့ဆော်မှုတွေလည်း ရှိနေပေမယ့် ပြန်လာဖို့အတွက်ကတော့ သူတို့ရဲ့ သဘောဆန္ဒသာ အဓိကဖြစ်ပြီး ဆန္ဒအလျှောက် ပြန်လာတဲ့သူတွေ အားလုံးကို စိစစ်လက်ခံသွားမယ်လို့ မြန်မာနိုင်ငံခြားရေးဌာန တာဝန်ရှိသူတွေက ရှင်းလင်း ပြောသွားပါတယ်။
3 years Ago
More News
Up