ဒေါ်အောင်ဆန်းစုကြည်နှင့် အန်အယ်လ်ဒီခေါင်းဆောင်များ ဆွေးနွေး

December 18, 2018

ဒေါ်အောင်ဆန်းစုကြည်နှင့် အာဆီယံအတွင်းရေးမှူးချုပ် ရခိုင်အရေးဆွေးနွေး

နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ဟာ မြန်မာနိုင်ငံမှာရောက်ရှိနေတဲ့  အာဆီယံအတွင်းရေးမှူးချုပ် လင်ကျောက်ဟွိုင်နဲ့ ဒီကနေ့ မနက်က နေပြည်တော်မှာ တွေ့ဆုံပြီး ရခိုင်ပြည်နယ် အရေးကိစ္စတွေ တွေ့ဆုံဆွေးနွေးခဲ့ပါတယ်။ တွေ့ဆုံရာမှာ နေရပ်စွန့်ခွာသူတွေ ပြန်လည်လက်ခံရေးအတွက် မြန်မာနိုင်ငံက ပြင်ဆင် ထားရှိတဲ့ အစီအစဉ်တွေ၊ နေရပ်စွန့်ခွာသူတွေကို ပြန်လည် လက်ခံရေးလုပ်ငန်းစဉ် အထောက်အကူ ဖြစ်စေဖို့ ဘေးအန္တရာယ်စီမံခန့်ခွဲမှုနဲ့ ပတ်သက်တဲ့ အာဆီယံလူသားချင်း စာနာထောက်ထားမှု အကူအညီများညှိနှိုင်းရေးဌာန (AHA Centre)က လိုအပ်ချက် ဆန်းစစ်ဖော်ထုတ်ရေးအဖွဲ့ စေလွှတ်ရေးကိစ္စတွေ ဆွေးနွေးခဲ့ပါတယ်။ ဒ့ါအပြင် သဘာဝဘေးအန္တရာယ်တုံ့ပြန်ရေးဆိုင်ရာ လူ့စွမ်းအားအရင်းအမြစ် ဖွံ့ဖြိုးရေး အစီအစဉ်တွေ မြန်မာပြည်မှာ ဖွင့်လှစ်ဖို့နဲ့  ရခိုင်ပြည်နယ်ရဲ့ ဖြစ်ပေါ်တိုးတက်မှု အခြေအနေတွေ ဆွေးနွေးခဲ့ကြတယ်လို့ အတိုင်ပင်ခံရုံးက ထုတ်ပြန်ပါတယ်။ အာဆီယံအတွင်းရေးမှူးချုပ်နဲ့ အဖွဲ့ဟာ ဒီဇင်ဘာ ၁၇ ရက်က  ရခိုင်ပြည်နယ် မောင်တော ​ဒေသမှာရှိတဲ့ ပြန်လည်လက်ခံရေး စခန်းတည်ဆောက်နေမှု အခြေအနေတွေကိုသွားရောက် ကြည့်ရှုခဲ့ကြပါတယ်။ အာဆီယံ ကိုယ်စားလှယ်အဖွဲ့ဟာ ဘင်္ဂလားဒေ့ရှ်-မြန်မာချစ်ကြည်ရေးတံတားနဲ့ မောင်တော ဒေသမှာရှိတဲ့ တောင်ပြိုလက်ခံရေးစခန်း၊ ငါးခူရပြန်လည်လက်ခံရေးစခန်း၊ လှဖိုးခေါင်ယာယီကြား စခန်းတွေ တည်ဆောက်နေမှုတွေကိုလည်း သွားရောက် လေ့လာခဲ့ပါတယ်။ အာဆီယံ အတွင်းရေးမှူးချုပ်အနေနဲ့ အခုလို လာရောက်တာဟာ ဒီဘက်ဒေသမှာ နေထိုင်နေတဲ့သူတွေအတွက် စားသောက်ရေးနဲ့ ဖွံ့ဖြိုးတိုးတက်ရေး လုပ်ငန်းတွေမှာ ပါဝင်ကူညီဖို့ ရောက်ရှိလာတာဖြစ်တယ်လို့ ပြောပါတယ်။ ဒေသခံတွေကလည်း နယ်မြေအတွင်းနေထိုင်စားသောက်မှု အခက်ခဲတွေနဲ့ လုံခြုံမှုမရှိတဲ့ အခြေအနေတွေကို ပြန်လည်တင်ပြခဲ့ကြပါတယ်။ အဲဒီနောက် အာဆီယံ အတွင်းရေးမှူးချုပ်နဲ့ အဖွဲ့ဟာ လူဦးရေ တသောင်းကျော်နေထိုင်တဲ့ ရွှေစားကျေးရွာအုပ်စုကို သွားရောက်ခဲ့ကြပြီး  အိန္ဒိယအစိုးရက လှူဒါန်းဆောက်လုပ်နေတဲ့ နေအိမ်တွေကိုလည်း သွားရောက်လေ့လာခဲ့ကြပါတယ်။
3 years Ago

August 29, 2018

ဒေါ်အောင်ဆန်းစုကြည်နှင့် တွေ့ဆုံခွင့် ဆေးတက္ကသိုလ် ၁ ကျောင်းသားသမဂ္ဂ တောင်းဆို

ယိုယွင်းပျက်စီးနေတဲ့ ကျန်းမာရေးစောင့်ရှောက်မှု စနစ်အကြောင်းကို တင်ပြချင်လို့ နိုင်ငံတော် အတိုင်ပင်ခံပုဂ္ဂိုလ်နဲ့ တွေ့ဆုံချင်တယ်လို့ ဆေးတက္ကသိုလ် ၁ ကျောင်းသားသမဂ္ဂက တောင်းဆို လိုက်ပါတယ်။ စာပေစကားဝိုင်း၊ ငြိမ်းချမ်းရေးစကားဝိုင်းတွေက မအားလပ်တဲ့ကြားက အပင်ပန်းခံ လုပ်နေတာဟာ ကျောင်းသားပြည်သူတွေရဲ့အသံကို တခြားလူ ကြားမခံဘဲ တိုက်ရိုက် နားထောင်ချင်တဲ့ စိတ်ဆန္ဒပြင်းပြတာလို့ သူတို့က မှတ်ယူကြောင်း တောင်းဆိုတဲ့စာမှာ ဖော်ပြထားပါတယ်။ အဲဒီစကားဝိုင်းတွေမှာ အနည်းအကျဉ်းပဲ ပြောခွင့်ရပြီး ထဲထဲဝင်ဝင် မတင်ပြလိုက်ရတဲ့ အပြင် ကတိကဝတ်မရတာကတော့ ယိုယွင်းပျက်စီးနေတဲ့ ကျန်းမာရေးစောင့်ရှောက်မှုစနစ် အကြောင်း ဖြစ်တယ်လို့ ဆိုပါတယ်။ သမဂ္ဂဥက္ကဋ္ဌ ကိုမင်းသန့်ထူးက “ကျနော်တို့ မနေ့ကပဲ စာပို့လိုက်ပါတယ်။ အဓိက ကတော့ လုပ်အားနဲ့ ဝန်မမျှတဲ့အကြောင်းကို ပြောချင်ပါတယ်။ ဒါထက်ပိုပြီးတော့ လောလောဆယ်မှာ မပြောချင် သေးပါဘူးခင်ဗျ” လို့ ပြောပါတယ်။ အလုပ်သင်ဆရာဝန်တွေ ကြုံတွေ့နေရတဲ့ အချက်အလက်တွေကို စုဆောင်းထားတယ်လို့ လည်း သူက ပြောပါတယ်။ အလုပ်သင်ဆရာဝန်တွေဟာ ကျန်းမာရေး စောင့်ရှောက်မှု ယန္တရားမှာ ပြည်သူလူထုနဲ့ အနီးစပ်ဆုံး ထိတွေ့ရပြီး အဲဒီယန္တရား ပျက်စီးမှုရဲ့ ဒဏ်ကို အဆိုးရွားဆုံးခံနေရတယ်လို့လည်း သူတို့ရဲ့ တောင်းဆိုစာမှာ ဖော်ပြထားပါတယ်။ ဒါကြောင့် ဒေါ်အောင်ဆန်းစုကြည်ကို ကျောင်းသား၊ ပြည်သူ၊ အလုပ်သမားအားလုံးရဲ့ မျှော်လင့်ချက်မိခင်လို့ မှတ်ယူပြီး ဒီစာကို ရေးတာဖြစ်သလို အလုပ်သင်ဆရာဝန်တွေရဲ့ ချီးမြှင့်ငွေကိစ္စ၊ အလုပ်ဆင်းရချိန်၊ ချီးမြှင့်ငွေ ဖြတ်တောက်ခံရတာ စတာတွေ အားလုံးကို တင်ပြချင်လို့ တွေ့ခွင့်ပေးပါလို့ သူတို့က တောင်းဆိုထားပါတယ်။ ဒေါ်အောင်ဆန်းစုကြည်နဲ့ ဒေသခံပြည်သူတွေရဲ့ ငြိမ်းချမ်းရေး စကားဝိုင်းတွေမှာ လည်း  ကျန်းမာရေးစောင့်ရှောက်မှု ကဏ္ဍလိုအပ်ချက်တွေနဲ့ပတ်သက်ပြီး ဒေသခံတွေက မေးမြန်း ဆွေးနွေး တောင်းဆိုတင်ပြတာတွေရှိခဲ့သလို ဒေါ်အောင်ဆန်းစုကြည်က သက်ဆိုင်ရာ ကျန်းမာရေး ၀န်ကြီးကို ပြန်လည်ဖြေရှင်းဖို့ စေခိုင်းတာတွေလည်း ရှိခဲ့ပါတယ်။  
3 years Ago
More News
Up