ဒေါ်အောင်ဆန်းစုကြည်တိုက်တွန်း

July 28, 2017

အစိုးရဘက်ကစပြီး စိတ်ဓာတ်ပြောင်းလဲရန် ဒေါ်အောင်ဆန်းစုကြည်တိုက်တွန်း

နိုင်ငံသားတွေ စိတ်ဓာတ်ပြောင်းလဲစေချင်တယ် ဆိုရင် ပထမဦးဆုံး အစိုးရဘက်ကနေပြီးစပြီး ပြောင်းလဲဖို့လိုတယ်လို့  နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ပြောကြားလိုက်ပါတယ်။ ဇူလိုင် ၂၇ ရက်ညက နေပြည်တော်မှာရှိတဲ့ အမျိုးသား ပြန်လည်သင့်မြတ်ရေးနှင့် ငြိမ်းချမ်းရေး ဗဟိုဌာနမှာ ကျင်းပတဲ့ နိုင်ငံတော်အတိုင်ပင်ခံရုံး ၀န်ကြီးဌာန နှစ်ပတ်လည်နေ့ အခမ်းအနားမှာ ပြောကြားခဲ့တာပါ။ ဒေါ်အောင်ဆန်းစုကြည်က “ကျမတို့ ရွေးကောက်ပွဲဝင်တဲ့ အခါတုန်းက ပြောင်းလဲချိန်တန်ပြီဆိုပြီးတော့ ၀င်ခဲ့ပါတယ်။ အဲဒီလို ဆောင်ပုဒ်နဲ့ ၀င်ခဲ့တော့ ပြောင်းလဲချိန်တန်ပြီ ဆိုသည်မှာ ပြောင်းလဲဖို့အဓိကက စိတ်ဓာတ်ပြောင်းလဲဖို့ ဖြစ်ပါတယ်။ ကျမတို့ဟာ ဒီမိုကရေစီ လှုပ်ရှားမှုကို စတင်ကတည်းက တချို့က ဒီမိုကရေစီ တော်လှန်ရေးလို့ ပြောကြတယ်။ ကျမတို့ တော်လှန်ရေးဟာ အကြမ်းဖက်တဲ့ တော်လှန်ရေးမျိုး မဟုတ်ပါဘူး။ အဓိက ကတော့ စိတ်ဓာတ်ပြောင်းလဲရေးပဲဖြစ်တယ်။ စိတ်ဓာတ်ကို မပြောင်းလဲဘဲနဲ့တော့ ဘာကိုမှ တကယ် ထိထိရောက်ရောက် ပြောင်းလဲနိုင်မှာ မဟုတ်ဘူး။ ကျမတို့ စိတ်ဓာတ် ပြောင်းလဲဖို့ဆိုတာက ပြည်သူ ပြည်သားတွေ၊ နိုင်ငံသူ နိုင်ငံသားတွေ စိတ်ဓာတ်ပြောင်းလဲစေချင်တယ်ဆိုရင် ပထမဦးဆုံး အစိုးရဘက်ကနေပြီးစပြီး ပြောင်းလဲဖို့လိုပါတယ်"လို့ ပြောပါတယ်။ ပြည်သူ့အစိုးရဆိုတာ  သုံးသပ်ဝေဖန်မှုကို မှန်မှန်ကန်ကန် သတ္တိရှိရှိနဲ့  ရင်ဆိုင်ရမယ်၊ ပြည်သူတွေရဲ့ အထင်အမြင်၊ အယူအဆ တွေကို  လေးစားရမယ်၊ ပြည်သူတွေထံက မဲဆွယ်အမျိုးမျိုး စည်းရုံးခဲ့ပြီး အစိုးရဖြစ်တဲ့အခါ ပြည်သူ့ဆန္ဒကို လျစ်လျူရှုတာဟာ အစိုးရကောင်းတွေရဲ့ အလုပ်မဟုတ်ဘူးလို့လည်း နိုင်ငံတော်၏ အတိုင်ပင်ခံပုဂ္ဂိုလ်က ပြောပါတယ်။ အတိုင်ပင်ခံရုံးဝန်ကြီးဌာနဟာ ပြည်သူ ပြည်သားတွေနဲ့ အစိုးရကြားမှာ ယုံကြည်မှုရှိအောင် တည်ဆောက်တဲ့နေရာမှာ အဓိက ကျတဲ့ ၀န်ကြီးဌာနဖြစ်တယ်၊  ဒီဝန်ကြီးဌာန ထူထောင်ရတဲ့ အကြောင်းရင်းမှာ ရွေးကောက်ပွဲမတိုင်မီ ပြည်သူတွေထံ တင်ပြခဲ့တဲ့ မူဝါဒတွေကို အကောင်အထည်ဖော်ဖို့ဖြစ်တယ်၊ ငြိမ်းချမ်းရေးရအောင် လုပ်ဖို့ဆိုတာ အတိုင်ပင်ခံရုံးရဲ့ အဓိက ရည်ရွယ်ချက်ပဲဖြစ်တယ်လို့လည်း ဒေါ်အောင်ဆန်းစုကြည်က ပြောသွားပါတယ်။ ၀န်ကြီးဌာနကို ခုအစိုးရသစ်လက်ထက် မြန်မာနိုင်ငံမှာ ပထမဆုံးအကြိမ် ဖွဲ့စည်းတည်ထောင်ခဲ့တာဖြစ်ပြီး အခမ်းအနားကို ပြည်ထောင်စုဝန်ကြီး ဦးကျော်တင့်ဆွေ၊ ဒေါက်တာ မြင့်ထွေးနဲ့ ဒေါက်တာဝင်းမြတ်အေး၊ အမျိုးသားလုံခြုံရေး အကြံပေးပုဂ္ဂိုလ် ဦးသောင်းထွန်း၊ ဒုတိယ ၀န်ကြီး ဦးမင်းသူနဲ့ ဦးကျော်တင်၊ ညွှန်ကြားရေးမှူးချုပ်တွေ၊ ဖိတ်ကြားထားတဲ့ ဧည့်သည်တော်တွေနဲ့ တာဝန်ရှိသူတွေ တက်ရောက်ခဲ့ကြပါတယ်။
4 years Ago

January 25, 2017

ဝန်​ကြီးချုပ်​​တွေကို အားမနာဘဲ အလုပ်ခိုင်းကြရန် ဒေါ်အောင်ဆန်းစုကြည်တိုက်တွန်း

ပြည်သူတွေအနေနဲ့ ကိုယ်တိုင်မဲပေးရွေးချယ်ခဲ့တဲ့ တိုင်းဒေသကြီး ဝန်ကြီးချုပ်တွေကို အားမနာဘဲ အလုပ်ပိုခိုင်းကြဖို့ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က တိုက်တွန်း ပြောကြားလိုက်ပါတယ်။ “ပြည်ထောင်စုဝန်ကြီးတွေနဲ့ တိုင်းဒေသကြီးဝန်ကြီးချုပ်တွေကို အားမနာနဲ့ ခိုင်းကြပါ။ အားနာလို့ မခိုင်းဘဲနေရင် ဝန်ကြီးတွေ ပျင်းသွားမယ်။ အထူးသဖြင့် တိုင်းဒေသကြီးဝန်ကြီးတွေကို ပိုခိုင်းကြပါ။ ဘာလို့လဲဆိုတော့ ပြည်သူတွေကိုယ်တိုင် မဲပေးရွေးချယ်ခန့်အပ်ထားတာမို့ပါ”လို့ နိုင်ငံတော် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ပြောပါတယ်။ ဇန်နဝါရီ ၂၅ ရက်နေ့ ပခုက္ကူမြို့နယ် စံပြကြီးကျေးရွာမှာ ဒေသခံပြည်သူတွေနဲ့ တွေ့ဆုံဟောပြောပွဲမှာ ပြောဆိုခဲ့တာဖြစ်ပါတယ်။ စံပြကြီးကျေးရွာဒေသခံတွေဟာ စိုက်ပျိုးမြေအတွက် ရေရရှိဖို့နဲ့ အလယ်တန်းကျောင်း ပြန်လည်ခွင့်ပြုပေးဖို့ လိုအပ်နေတယ်လို့ ဒေသခံတွေကိုယ်စား ဆရာတော် ဘဒ္ဒန္တကိတ္တိသာရက နိုင်ငံတော် အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်ကို မိန့်ကြားခဲ့ပါတယ်။ “စီမံကိန်းတွေကလည်း ဒေသခံတွေအတွက် အမှန်တကယ် အကျိုးမပြုဘူးလေ၊ အဲဒီအတွက် ဒေသခံတွေ စိုက်ပျိုးမြေနဲ့ ရေရရှိအောင် ဆောင်ရွက်ပေးစေချင်တယ်။ နောက်ပြီးတော့ ဒီရွာမှာ အရင်က အစိုးရအလယ်တန်းကျောင်း ရှိခဲ့တယ်၊ ၈၈ မှာ ကျောင်းတွေပိတ်ပြီး ပြန်ဖွင့်တော့ အလယ်တန်းကျောင်း ပြုတ်သွားတယ်။ အဲဒီအတွက် အလယ်တန်းကျောင်းလည်း ပြန်ခွင့်ပြုပေးစေချင်တယ်´´လို့ ဆရာတော် ဘဒ္ဒန္တကိတ္တိသာရက နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကို မိန့်ကြားပါတယ်။ ဆရာတော် မိန့်ကြားမှုနဲ့ပတ်သက်လို့ အလယ်တန်းကျောင်း ပြန်လည်ခွင့်ပြုနိုင်ဖို့ ပညာရေးဝန်ကြီးဌာနအနေနဲ့ စီစဉ်ပေးမှာဖြစ်သလို ရေရရှိရေးအတွက်လည်း သက်ဆိုင်ရာ ဒေသတာဝန်ရှိသူတွေနဲ့ ညှိနှိုင်းလုပ်ဆောင်ပေးမယ်လို့ နိုင်ငံတော်အတိုင်ပင်ခံပုဂ္ဂိုလ်က ပြန်လည်လျှောက်ထားခဲ့ပါတယ်။ ဒါ့အပြင် ကျေးရွာစာကြည့်တိုက်အတွက်လည်း ဒေါ်ခင်ကြည်ဖောင်ဒေးရှင်းက အကူအညီပေးသွားမယ်လို့လည်းပြောသွားပါတယ်။ သတင်း - အောင်ဆန်းဦး
5 years Ago
Up