ဒေါက်တာအေးဇံ

March 1, 2017

မွန်ပြည်နယ်ဝန်ကြီးချုပ်သစ် ဒေါက်တာအေးဇံ ကျမ်းသစ္စာဆိုမည်

  ဖေဖော်ဝါရီ ၂၃ ရက်နေ့ကတည်းက လစ်လပ်ခဲ့တဲ့ မွန်ပြည်နယ်ဝန်ကြီးချုပ်နေရာကို ကျိုက်ထို မဲဆန္ဒနယ် အမှတ် (၂) မှ ပြည်နယ်လွှတ်တော်ကိုယ်စားလှယ် ဒေါက်တာအေးဇံကို မတ်လ ၁ ရက်နေ့က ကျင်းပခဲ့တဲ့ မွန်ပြည်နယ်လွှတ်တော်အထူးအစည်းအဝေးမှာ အတည်ပြုလိုက်တာပါ။ မွန်ပြည်နယ်လွှတ်တော်ရဲ့ ပြည်နယ်လွှတ်တော်ကိုယ်စားလှယ် ၃၁ ယောက်ထဲက နိုင်ငံတော် သမ္မတက ဝန်ကြီးချုပ်အဖြစ် လျာထားရွေးချယ်ထားတဲ့ ဒေါက်တာအေးဇံကို ကျန်လွှတ်တော်ကိုယ် စားလှယ်တွေက အတည်ပြုခဲ့တာဖြစ်ပြီး ဒီနေ့မှာပဲ ဝန်ကြီးချုပ်တာဝန်ထမ်းဆောင်ဖို့ ကျမ်းသစ္စာဆိုမှာ ဖြစ်ပါတယ်။ ပြည်နယ်လွှတ်တော်မှာ ကျမ်းသစ္စာကျိန်ဆိုပြီးရင်တော့ ဝန်ကြီးချုပ်အဖြစ် တာဝန်ထမ်းဆောင်သွားမှာပါ။ ဝန်ကြီးချုပ်အဖြစ် ခန့်အပ်ခံလိုက်ရတဲ့ ဒေါက်တာအေးဇံဟာ မွန်ပြည်နယ်လွှတ်တော်ရဲ့ ဘဏ္ဍာရေး၊ စီမံကိန်းနှင့် စီးပွားရေးကော်မတီ၊ သဘာဝသယံဇာတရေးရာကော်မတီ ၂ ရပ်မှ ဥက္ကဋ္ဌ အဖြစ် တာဝန်ယူထားသူပါ။ အစိုးရအဖွဲ့ရဲ့ ဝန်ကြီးချုပ်အဖြစ် တာဝန်ထမ်းဆောင်ချိန်မှာတော့ အဆိုပါကော်မတီတာဝန်မှ အနားယူရမှာပါ။ ဝန်ကြီးချုပ်အသစ်ဟာ အမျိုးသားဒီမိုကရေစီအဖွဲ့ချုပ်ပါတီရဲ့ ဗဟိုကော်မတီဝင်တစ်ဦး ဖြစ်ခဲ့သလို ကျိုက်ထိုမြို့နယ်ရဲ့ ပါတီဥက္ကဋ္ဌအဖြစ် တာဝန်ထမ်းဆောင်ခဲ့သူပါ။၂၀၁၅ အထွေထွေရွေးကောက်ပွဲမှာ ကျိုက်ထိုမြို့နယ် မဲဆန္ဒနယ် အမှတ်(၂) ပြည်နယ် လွှတ်တော်ကိုယ်စားလှယ်အဖြစ် ရွေးချယ်ခံခဲ့ရ ပါတယ်။ အသက် ၆၃ နှစ်အရွယ် မွန်ဝန်ကြီးချုပ်သစ် ဒေါက်တာအေးဇံဟာ မုဒုံမြို့ ဇာတိဖွား မွန်တိုင်းရင်းသားတဦးဖြစ်ပြီး  ၁၉၉၀ ရွေးကောက်ပွဲကာလက ရွေးကောက်ပွဲ အနိုင်ရ ကိုယ်စားလှယ်တဦးလည်း ဖြစ်ခဲ့ပါတယ်။
5 years Ago
Up