ထောင်သား

March 19, 2019

တူရကီတွင် ထောင်သားတဦး သေဆုံးမှုအပေါ် ဆန္ဒပြသူများအား ဖမ်းဆီး

တူရကီနိုင်ငံ အရှေ့တောင်ပိုင်း ဒီယာဘာကီယာမြို့မှာ ထောင်သားသေဆုံးမှုကို ဆန့်ကျင် ဆန္ဒပြနေတဲ့ အမျိုးသမီးတွေကို တူရကီရဲတွေက မတ်လ ၁၈ ရက်မှာ ဖမ်းဆီးလိုက်ပါတယ်။ ပီကေကေအဖွဲ့ဝင် ဇူလ်ကွတ်ဖ် ဂျေဇန်ကို မတ်လ ၁၇ ရက်က မြှုပ်နှံခဲ့တဲ့ သင်္ချိုင်းဆီကို လမ်းလျှောက်သွားဖို့ ကြိုးစားတဲ့ ရာနဲ့ချီတဲ့ ဆန္ဒပြသူတွေကို လူစုခွဲဖို့ တူရကီ အဓိကရုဏ်း နှိမ်နင်းရေး ရဲတွေက မျက်ရည်ယိုဓာတ်ငွေ့တွေ သုံးခဲ့ကြပါတယ်။ ဂျေဇန်ဟာ ဗုံးခွဲတိုက်ခိုက်မှုအတွက် အပြစ်ရှိကြောင်းတွေ့အပြီး ထောင်ကျနေတုန်း သူ့ကိုယ်သူ ကြိုးဆွဲချ သတ်သေခဲ့တယ်လို့ တရားဝင် ကြေညာချက်က ဆိုပါတယ်။ ဂျေဇန်ရဲ့အလောင်းကို ကာဒစ်ရ်ှမြို့ဖြစ်တဲ့ ဒီယာဘာကီယာမြို့ဆီ လေယာဉ်နဲ့သယ်လာပြီး ညတွင်းချင်း မြေမြှုပ်ခဲ့တာပါ။ ဆန္ဒပြသူတွေက သင်္ချိုင်းထဲကို ဝင်ခွင့်ရဖို့ တောင်းဆိုနေချိန်မှာ အဓိကရုဏ်းနှိမ်နင်းရေး ရဲတွေက ပိတ်ဆို့ထားခဲ့ပြီး လူစုခွဲခဲ့တာပါ။ ဆန္ဒပြသူတချို့ အဖမ်းခံရပေမယ့် အရေအတွက် အတိအကျကို ရဲတွေက စာရင်းမထုတ်ပြန်ပါဘူး။ ၂၀၀၇ က အပ်ချုပ်ဆိုင်တခုကို ဗုံးခွဲမှုနဲ့ တရားစွဲခံရအပြီး ဂျေဇန်ဟာ ထောင်ဒဏ် ၁၀၉ နှစ် ၉ လ ကျခံရတာပါ။ သူ့ရဲ့တိုက်ခိုက်မှုကြောင့် ရဲတပ်ဖွဲ့ဝင်တဦး သေဆုံးခဲ့ပါတယ်။
3 years Ago

March 7, 2019

နှစ် ၃၀ ထောင်ဒဏ်ကျ အကျဉ်းသားက ဝန်ထမ်းများကို ဓားဖြင့်တိုက်ခိုက်၊ ၂ ဦးသေဆုံး

ပြင်သစ်နိုင်ငံ အနောက်ပိုင်းက ထောင်တခုမှာ ထောင်ဒဏ် အနှစ် ၃၀ ကျခံနေရတဲ့ ထောင်သားတဦးက ထောင်ဝန်ထမ်းနှစ်ဦးကို မတ်လ ၅ ရက်က ဓားနဲ့ထိုးခဲ့ပါတယ်။ ဒါကြောင့် ဝန်ထမ်းတဦး အပြင်းအထန် ဒဏ်ရာရခဲ့တယ်လို့ ပြင်သစ် တရားရေးဝန်ကြီးဌာနက ပြောပါတယ်။ ဒေသစံတော်ချိန် ညနေ ၅ နာရီခွဲလောက်က ထောင်ထဲကနေ သေနတ်သံတွေ ထွက်လာတာကို ကြားရတယ်လို့ အခင်းဖြစ်ရာ နေရာကို ရောက်နေတဲ့ ရိုက်တာသတင်းဌာန ဓာတ်ပုံသတင်းထောက်က ပြောပါတယ်။ ထောင်သားဟာ မိသားစုနဲ့ တွေ့နိုင်တဲ့ အခန်းထဲမှာ သူ့ဇနီးနဲ့မတွေ့ခင် အစောင့်ကို ကြွေနဲ့လုပ်ထားတဲ့ ဓားနဲ့ တိုက်ခိုက်ခဲ့တာပါ။ ပြင်သစ်နိုင်ငံရဲ့ လုံခြုံရေးအကောင်းဆုံး ထောင်တွေထဲက တခုဖြစ်တဲ့ ကွန်းဆော့ဆာ့ထ် ထောင်ရဲ့ အပြင်ဘက်မှာ ရဲနဲ့ စစ်တပ်ကို အင်္ဂါမွန်းလွဲပိုင်းက အကြီးအကျယ် တပ်ချထားပါတယ်။ ရှေးဦးသူနာပြု ရဟတ်ယာဉ်တစီးလည်း အပြင်မှာစောင့်နေတာ တွေ့ရပါတယ်။ အကြမ်းဖက်သမားတွေကို စုံစမ်းစစ်ဆေးသူတွေလည်း အမှုအတွက် ခေါ်ထားပါတယ်။ တိုက်ခိုက်တဲ့ ထောင်သားဟာ ပြန်ပေးဆွဲမှု၊ တရားမဝင် လုပ်ရပ်ကြောင့် သေဆုံးစေမှုနဲ့ လက်နက်ကိုင် လုယက်မှုတွေအတွက် ထောင်ဒဏ်ကျခံနေရတယ်လို့ ပြင်သစ် အကျဉ်းဦးစီးဌာနက ပြောပါတယ်။
3 years Ago
More News
Up