ထောက်ခံ

January 14, 2018

အစိုးရနှင့်ဖာ့စ်သူပုန်အကြား ငြိမ်းချမ်းရေးသဘောတူညီချက် ကုလ ထောက်ခံ

ကိုလံဘီယာနိုင်ငံကို ရောက်ရှိနေတဲ့ ကုလအတွင်းရေးမှူးချုပ် ဂူတာရက်စ်က ကိုလံဘီယာ အစိုးရနဲ့ ဖာ့စ်သူပုန်တွေအကြား ပြုလုပ်တဲ့ ငြိမ်းချမ်းရေး သဘောတူညီချက်ကို ထောက်ခံကြောင်း ပြောကြားခဲ့ပါတယ်။ မြို့တော် ဘိုကိုတာကို ရောက်ရှိနေတဲ့ ကုလသမဂ္ဂ အထွေထွေအတွင်းရေးမှူးချုပ်ဟာ ဇန်န၀ါရီလ ၁၃ က ကိုလံဘီယာနိုင်ငံ သမ္မတနဲ့ တွေ့ဆုံခဲ့ပြီး ပူးတွဲသတင်းစာရှင်းလင်းပွဲ ပြုလုပ်ခဲ့ပါတယ်။ “ကျနော်တို့ဟာ ငြိမ်းချမ်းရေးကို မဆုတ်မနစ် အပြည့်အ၀ လုပ်ဆောင်သွားမယ်လို့ ပြောကြားလိုပါတယ်။ လက်နက်ကိုင် ပဋိပက္ခဟာ အဖြေမဟုတ်ပါဘူး။ ငြိမ်းချမ်းရေးသည်သာ ဆင်းရဲမွဲတေမှု၊ ဖွံဖြိုးတိုးတက်မှု၊ တန်းတူညီမျှမှု ပြသနာရပ်တွေနဲ့ ဒီိမိုကရေစီအတွက် အဖြေပဲဖြစ်ပါတယ်။ ကိုလံဘီယာနိုင်ငံမှာ ငြိမ်းချမ်းရေး ရရှိစေဖို့ ကျနော်တို့ သံန္တွိဋ္ဌာန် ခိုင်ခိုင်မာမာ ချထားပါတယ်” လို့ ကုလသမဂ္ဂ အထွေထွေအတွင်းရေးမှူးချုပ် ဂူတာရက်စ်က ပြောကြားခဲ့ပါတယ်။ “နိုင်ငံတကာ အသိုင်းအ၀န်း ထောက်ခံမှုနဲ့ ကျနော်တို့ အစိုးရက  အပစ်အခတ်ရပ်စဲရေး ဆန္ဒရှိနေတဲ့ကြားက အမျိုးသားလွတ်မြောက်ရေးတပ် (ELN)ဟာ  အကြမ်းဖက် လုပ်ရပ်တွေကို ပြန်စတင်နေတဲ့အတွက် စိတ်မကောင်း ဖြစ်ရပါတယ်” လို့ ကိုလံဘီယာ သမ္မတ ဟွမ်မန်နူရယ်ဆန်းတိုးစ်က ပြောကြားခဲ့ပါတယ်။ ကိုလံဘီယာနိုင်ငံမှာ နှစ်ပေါင်းငါးဆယ်ကျော် လက်နက်ကိုင် တိုက်ခိုက်မှုတွေ ပြုလုပ်ခဲ့တဲ့ ဖာ့စ် သူပုန်အဖွဲ့ဟာ  အစိုးရနဲ့ ပြုလုပ်ထားတဲ့ ငြိမ်းချမ်းရေး သဘောတူညီမှု အရ မနှစ်တုန်းက သူပုန် တပ်ဖွဲ့ဝင် ၁၁,၀၀၀ ကျော် လက်နက်လွှဲပြောင်းပေးအပ်ခဲ့ပါတယ်။ အခုအခါ  ဖာ့စ်သူပုန်အဖွဲ့ ခေါင်းဆောင်တွေဟာ  နိုင်ငံရေးပါတီအနေနဲ့ ဆက်လက်လုပ်ဆောင်မယ်ဆိုပြီး ပြောကြားခဲ့ပါတယ်။ ကိုလံဘီယာနိုင်ငံ ငြိမ်းချမ်းရေး ရရှိတာဟာ နိုင်ငံ   GDP တိုးတက်စေပြိး နိုင်ငံခြားရင်းနှီး မြှုပ်နှံမှုကို တိုးမြှင့်စေတယ်လို့ အစီရင်ခံစာတွေက ဆိုပါတယ်။
3 years Ago

September 21, 2017

သမ္မတဟောင်းဦးသိန်းစိန်ကို တကိုယ်တော်စက်ဘီးစီး ထောက်ခံ

ရန်ကုန်တိုင်းဒေသကြီး မြောက်ပိုင်းခရိုင် တိုက်ကြီးမြို့နယ် ဆင်စခန်းကျေးရွာအုပ်စု ကန်သာယာကျေးရွာမှာနေတဲ့ ကိုရဲကျော်သူဟာ စက်တင်ဘာ ၂၀ ရက်နေ့ နေ့လယ် ၂ နာရီက စတင်ပြီး နေပြည်တော်ရှိ သမ္မတဟောင်းဦးသိန်းစိန်ကို ဂါရဝပြုရန်တိုက်ကြီးမြို့မှ တကိုယ်တော်စက်ဘီးစီး စတင်ထွက်ခွာသွားပါတယ်။ “ကျနော်အခုလို သမ္မတကြီးနဲ့ အဘဦးဆွေအောင်ကို ဂါရဝပြုတာက ကျနော်တို့ မိသားစုကို ပြန်ဆုံအောင်ပြည်ပရောက်နေသူတွေကို ပြည်ဝင်ခွင့်ပြုလို့ ကျနော်တို့ မိသားစုတွေ ပြန်ဆုံခဲ့ရ တယ်။ နောက်ပြီး ကျနော်တို့ကျေးရွာကို စားကျက်မြေကနေ ရွာမြေဖြစ်အောင် လွှတ်တော်မှာ အတည်ပြုပေးတဲ့အတွက် ကျေးဇူးတင်တဲ့အနေနဲ့ပါ အခုသမ္မတကြီးက ကျနော်တို့ကျေးရွာကို အတည်ပြုပေးသော်လည်း အခုအချိန်ရွာသားတွေမြေနေရာ အတိအကျမရသေးဘူး ဆိုတာတွေကို ပြောပြချင်လို့ပါ”လို့ ကိုရဲကျော်သူက ပြောပါတယ်။ သမ္မတကြီးကို သွားရောက်ဂါရဝပြုဖို့ တစ်ကိုယ်တော်စက်ဘီးနဲ့ ထွက်ခွာရာမှာ စက်ဘီးပေါ်မှာ ဗီနိုင်းနဲ့ ကျးဇူးရှင်သမ္မတ(ဟောင်း)ဦးသိန်းစိန်နှင့် အမျိုးသားလွှတ်တော်အမတ်(ဟောင်း) ဦးဆွေအောင်တို့ကို သွားရောက်ကန်တော့ပါသည် စတဲ့ ဆိုင်းဘုတ်ထောင်ပြီး နေပြည်တော်လမ်းဟောင်းမှတဆင့် သွားရောက်ခဲ့ရာ လမ်းတလျှောက်မြို့တွေမှာ စာတင်ခဲ့ကြောင်းသိရပါတယ်။ သတင်း -  မေသွယ်
4 years Ago
Up