တွေ့ရှိ

February 4, 2018

မာန်အောင်မြို့နယ် ကမ်းခြေအနီး ဝေလငါးသေ တွေ့ရှိ

မာန်အောင်မြို့နယ် ကမ်းခြေအနီးမှာ ဝေလငါးအသေတစ်ကောင် တွေ့ရှိခဲ့တယ်လို့ ပြန်ကြားရေးသတင်းမှာ ဖော်ပြပါတယ်။ ရခိုင်ပြည်နယ် မာန်အောင်မြို့နယ် မိမ္မကြွယ်ကျေးရွာအုပ်စု ကျူးကျေးရွာနဲ့ ဘုတ်မျက်တောကျေးရွာ ကမ်းခြေအနီးမှာ ဝေလငါးအသေတစ်ကောင်ကို ဖေဖော်ဝါရီ ၂ ရက် ညနေ ၅ နာရီလောက်က တွေ့ရှိခဲ့တာလို့ ဆိုပါတယ်။ ဝေလငါးမှာ အလျား ၄၃ ပေခန့်၊ လုံးပတ် ၂၅ ပေခန့်နှင့် မေးရိုးအရှည် ၁ဝ ပေခန့်ရှိကြောင်း၊ ဇန်နဝါရီ ၁ဝ ရက်ကလည်း ကံလက်ကျေးရွာ ကမ်းခြေအနီးမှာ အရှည် ရှစ်တောင်ခန့်ရှိ သေဆုံးပျက်စီးတဲ့ ဝေလငါးတစ်ကောင်ကို တွေ့ရှိခဲ့ရတယ်။ အခုလို ကမ်းခြေအနီး ဝေလငါးမျိုးစိတ် အသေတွေ ကမ်းတင်လာတာဟာ ရေထုညစ်ညမ်းလာမှုကြောင့် ဖြစ်နိုင်ပြီး ဒေသခံရေလုပ်သားတွေ စိုးရိမ်နေကြတယ်လို့ ဆိုပါတယ်။
3 years Ago

January 27, 2018

မူဆယ်တွင် ပါးစပ်ကို တိပ်ဖြင့်ပတ်ထားသည့် အမျိုးသားအလောင်း တွေ့ရှိ

မူဆယ်မြို့နယ်မှာ ပါးစပ်ကို အ၀ါရောင်တိပ်နဲ့ပတ်ထားပြီး သေဆုံးနေတဲ့ အမည်မသိ အမျိုးသားအလောင်း ၁ လောင်း တွေ့ရှိခဲ့တယ်လို့ ပြည်ထဲရေးက သတင်းထုတ်ပြန်ပါတယ်။ ဇန်နဝါရီ ၂၆ ရက်နေ့ မွန်းတည့် ၁၂ နာရီက မူဆယ်မြို့နယ်၊ မိုင်းယုကျေးရွာနေ အိုက်ဝင်းဆိုသူ တောင်ယာစိုက်ခင်း သွားရောက်စဉ် မူဆယ်-လားရှိုး ပြည်ထောင်စု လမ်းကြီးဘေးရှိ ထင်းရူးတောအတွင်းမှာ အသက် ၃၅ နှစ်အရွယ် အမျိုးသား ၁ ဦးရဲ့ အလောင်းကို တွေ့ရှိခဲ့တာပါ။ အလောင်းမှာ ဝဲမျက်လုံးဖူးရောင်ညိုမည်းဒဏ်ရာ၊ ဦးခေါင်းမှာ ပတ်တီးစည်းထားပြီး ၂ လက်မအရွယ် ပေါက်ပြဲဒဏ်ရာ၊ ပါးစပ်မှာ အဝါရောင်တိပ်နဲ့ ပိတ်လျက်သေဆုံးနေတာကို တွေ့ရှိကြောင်း အကြောင်းကြားလို့ မူဆယ်မြို့မရဲခစန်း တပ်ဖွဲ့ဝင်တွေက သွားရောက်စစ်ဆေးခဲ့တယ်လို့ ဆိုပါတယ်။ အလောင်းကို မူဆယ်ဆေးရုံ ပို့ဆောင်ခဲ့ပြီး ပြစ်မှုကျူးလွန်သူအား ဖမ်းဆီးမိရေး မူဆယ်မြို့မရဲခစန်း ရာဇသတ်ကြီးပုဒ်မ ၃၀၂/၂၀၁ (လူသတ်မှု/ အလောင်းဖျောက်ဖျက်မှု) နဲ့ အမှုဖွင့် စုံစမ်းနေကြောင်း သိရပါတယ်။
3 years Ago
More News
Up