တောင်ပြို

August 14, 2015

မိုးသည်းထန်ပြီး တောင်ပြိုမှုကြောင့် မင်းတပ်-မတူပီကားလမ်း ပြတ်တောက် (ဓာတ်ပုံ)

ချင်းပြည်နယ် မတူပီမြို့ရဲ့ အဓိက ဆက်သွယ်ရေးလမ်းကြောင်းဖြစ်တဲ့ မင်းတပ်-မတူပီ ကားလမ်းမကြီးဟာ မိုးသည်းထန်စွာရွာသွန်းပြီး တောင်ပြိုမှုတွေကြောင့် ဇူလိုင် ၂၅ ရက်ကတည်းက ပြတ်တောက်သွားပါတယ်။ သက်ဆိုင်ရာ မြို့နယ်တာဝန်ရှိသူတွေက အခု သြဂုတ်လကုန်မှာ ကားလေးတွေနဲ့ ကားလမ်းကို ပြေးဆွဲအသုံးပြုနိုင်ဖို့ ကြိုးစားသွားမယ်ဆိုပေမယ့် ဒေသခံတွေကတော့ ဒါ့ထက်ကြာနိုင်တယ်လို့ ခန့်မှန်းနေကြပါတယ်။ မတူပီနဲ့ ဆက်သွယ်နေတဲ့ ပလက်ဝမြို့၊ ရေဇွာမြို့တွေလည်း ဆက်သွယ်ရေးလမ်း ပြတ်တောက်နေပြီး မတူပီမြို့နယ်တွင်း ကျေးရွာတချို့လည်း ဆက်သွယ်မှု ပြတ်တောက်နေပါတယ်။ ဓာတ်ပုံ - မြင့်နိုင်  
6 years Ago

July 16, 2015

လှေစီးပြေး ဘင်္ဂလားဒေ့ရ်ှနိုင်ငံသား ၁၆၅ ဦး ပြန်လည်လွှဲပြောင်းရန်ညှိနှိုင်း

တောင်ပြို (လက်ဝဲ) စခန်းမှာ ကျန်ရှိနေတဲ့ လှေစီးသွားလာသူတွေထဲမှ ဘင်္ဂလားဒေ့ရ်ှဘက်က စိစစ်ပြီး ပြန်လည်လက်ခံဖို့ အတည်ပြုခဲ့တဲ့ ဘင်္ဂလားဒေ့ရ်ှနိုင်ငံသား ၁၆၅ ဦးကို ဇူလိုင် ၂၂ ရက်နေ့မှာ ပြန်လည်လွှဲပြောင်းနိုင်ဖို့ နှစ်ဘက်ညှိနှိုင်းနေတယ်လို့ ပြန်ကြားရေးဝန်ကြီးဌာန၊ သတင်းစဉ်က သတင်းထုတ်ပြန်ပါတယ်။ မေ ၂၁ ရက်နဲ့ ၂၉ ရက်တွေမှာ မြန်မာရေပိုင်နက်ထဲက ကယ်ဆယ်ခဲ့တဲ့ လှေစီးသွားလာသူတွေကို ပြန်လည်ပို့ဆောင်ဖို့အတွက် ဘင်္ဂလားဒေ့ရ်ှနိုင်ငံ၊ နိုင်ငံခြားရေးဝန်ကြီးဌာနနဲ့ ညှိနှိုင်းဆောင်ရွက်ခဲ့ပြီး ဇွန်လအတွင်း စုစုပေါင်း ၁၈၇ ယောက် ပို့ဆောင်နိုင်ခဲ့ပြီ ဖြစ်ပါတယ်။ မြန်မာနဲ့ ဘင်္ဂလားဒေ့ရ်ှနိုင်ငံတို့ဟာ အိမ်နီးချင်းကောင်းနိုင်ငံတွေ ဖြစ်တာနဲ့အညီ လွှဲပြောင်းဖို့ ကျန်ရှိနေတဲ့ လှေစီးသွားလာသူတွေအပေါ် စိစစ်တဲ့ လုပ်ငန်းစဉ်အရ မူရင်းနေရပ်ကို အမြန်ပြန်နိုင်ဖို့ ဆက်လက် ဆောင်ရွက်သွားမယ်လို့လည်း ထုတ်ပြန်ချက်မှာ ဖော်ပြထားပါတယ်။
6 years Ago
Up