တောင်သူများ

April 6, 2019

ကြက်သွန်ပေါ်စချိန် တောင်သူများ မျှော်မှန်းသည့်ဈေးနှုန်းမရသဖြင့် အရှုံးပေါ်

မြန်မာနိုင်ငံမှာ ဆောင်းကြက်သွန်တွေ ကြက်သွန်တွေပေါ်နေပြီဖြစ်ပေမယ့် ဈေးကွက်အနေအထားအရ ၁ ပိဿာကို ၂၇၀ ကျပ်ကနေ ၃၅၀ ကျပ်ဝန်းကျင်နဲ့သာ ဒိုင်ကို သွင်းနေကြရလို့ တောင်သူတွေ မျှော်မှန်းသလောက် ဈေးမရရှိဘဲ အများစုက ရှုံးနေကြတယ်လို့ သိရပါတယ်။ “တောင်သူအတွက်က သွင်းအားစု၊ လုပ်အားခ၊ စိုက်ပျိုးစရိတ်၊ မျိုးဖိုးနဲ့ဆိုရင် ၁ ပိဿာကို အနည်းဆုံး ၄၀၀၊ ၄၅၀ မှမရရင် အဆင်မပြေတော့ဘူး။ ဒီကြားထဲ ရာသီဥတုက ရှိသေးတယ်။ ဒီနှစ်ဆိုရင် တောင်သူအများစု ရှုံးတယ်။ အရင်စိုက်တဲ့ သူတွေလောက်ပဲ အရည်အသွေးမီတဲ့ ကြက်သွန်၊ အထွက်နှုန်းရတယ်။ နောက်ကျတဲ့သူက ကြက်သွန်ဖော်ခါနီး မိုးရွာတော့ အထွက်နှုန်းလျော့သွားပြီး အရည်အသွေးလည်း မကောင်းတော့ဘူး။ အဲလိုဖြစ်နေတဲ့အပြင် အခုတခါ ဈေးကွက်ပါမရှိတော့ ပိုဆိုးတော့တာပေါ့” လို့ မုံရွာမြို့နယ်က ကြက်သွန်စိုက်တောင်သူ ကိုရန်နိုင်ဌေးက ပြောပါတယ်။ မနှစ်ကလည်း ကြက်သွန်စိုက်တောင်သူတွေ မျှော်မှန်းတဲ့ ဈေးရခဲ့ပေမယ့် မျိုးဈေးကြီးတာ၊ မျိုးမအောင်လို့ အထွက်နှုန်းနည်းခဲ့ကြတာကြောင့် တော်တော်များများ အဆင်မပြေခဲ့ကြပါဘူး။ ကြက်သွန်က မျိုးစေ့၊ ရာသီဥတုအဆင်ပြေရင် ၁ ဧကကို ပိဿာချိန် ၄၀၀၀ ကျော်ကနေ ၆၀၀၀ ဝန်းကျင်ထိ ထွက်ပါတယ်။ ဒီနှစ်မှာတော့ ၁ ဧကကို ပျမ်းမျှ ၃၀၀၀ ဝန်းကျင်သာ ထွက်တယ်လို့ဆိုပါတယ်။ “သင်္ကြန်ပြီးရင်တော့ ဈေးလေးတက်လာမယ်လို့ မျှော်လင့်တာပဲ။ နိုင်ငံခြားက ဝယ်တာလည်း မရှိသေးဘူး။ လောလောဆယ်တော့ မုံရွာဘက် ထွက်တဲ့ ကြက်သွန်တွေကို အရည်အသွေးအလိုက် ၄ မျိုးခွဲပြီး ရန်ကုန်ကို နေ့စဉ်တင်ပို့နေတယ်။ ဘာလို့လဲဆိုတော့ တောင်သာ၊ နွားထိုးကြီး၊ မြင်းခြံတို့ဘက်ကလည်း ဒီနှစ် ကြက်သွန်အထွက်နည်းတယ်။ ဈေးကွက်အနေအထားအရတော့ ရောင်းလိုအားများပြီး ဝယ်လိုအားနည်းနေလို့ ဈေးကျတဲ့ သဘောဖြစ်နေတယ်”လို့ ကြက်သွန်ပွဲစားတဦးကလည်း ပြောပါတယ်။ ကြက်သွန်က စိုက်စရိတ်ကြီးမားပြီး ကုန်ကျစရိတ်အနေနဲ့လည်း ၁ ဧကကို ၁၅ သိန်းကျပ်ဝန်းကျင် ရှိပါတယ်။ စိုက်ပျိုးစရိတ်ချေးငွေ မလုံလောက်လို့ သွင်းအားစုတွေကို သီးနှံပေါ်ပေး အတိုးနဲ့ ကုမ္ပဏီတွေဆီက ယူနေကြရတာပါ။ နိုင်ငံတော်အနေနဲ့ ဈေးကွက်တည်ငြိမ်ဖို့နဲ့ စိုက်ပျိုးစရိတ်ချေးငွေတွေ လုံလောက်အောင် ထုတ်ပေးစေချင်တယ်လို့လည်း တောင်သူတွေက ပြောပါတယ်။ မုံရွာမြို့နယ်မှာတော့ ကြက်သွန်ကို ကျွဲရဲ၊ တောင်ပလူ၊ အက်တော၊ သမန္တာ စတဲ့ ကျေးရွာတွေမှာ အများဆုံး စိုက်ပျိုးကြပါတယ်။
3 years Ago

October 6, 2018

ချေးငွေရမည်ဆိုပြီး တောင်သူများအား လိမ်ညာနေသည့် ကုမ္ပဏီများကို အရေးယူ

ချေးငွေတွေရမယ်လို့ တောင်သူတွေကို လိမ်ညာပြီး ဝန်ဆောင်ခယူနေတဲ့ ကုမ္ပဏီတွေကို အရေးယူနေသလို တွေ့ရှိရင် အကြောင်းကြားပေးဖို့ စီမံကိန်းနဲ့ ဘဏ္ဍာရေး ဝန်ကြီးဌာနက အသိပေး ကြေညာထားပါတယ်။ ကုမ္ပဏီတချို့ဟာ ငွေချေးခွင့် လိုင်စင်မရှိဘဲ လယ်ယာမြေလုပ်ပိုင်ခွင့်ပြုလက်မှတ် ပုံစံ ၇ မိတ္တူရယူလို့ ၁၀ ဧကကို ငွေ ၅ သိန်း၊ ၁၀ သိန်း ချေးပေးမယ်ဆိုပြီး ဝန်ဆောင်ခအဖြစ် တဧကကို ငွေ ၅၀၀၀ ကျပ်ကနေ ၁၅၀၀၀ အထိ ကောက်ခံနေတယ်လို့ ဆိုပါတယ်။ ရွှေသစ္စာမြေကုမ္ပဏီ၊ ဓနတိုးဝင်းအောင် ကုမ္ပဏီ၊ Genral Star ကုမ္ပဏီ၊ Phyo Thet Aung ကုမ္ပဏီတို့ဟာ ပျဉ်းမနား၊ တောင်သာ၊ ကျောက်ပန်းတောင်း၊ မြောင်းမြ၊ ဝါးခယ်မ၊ မိုးညှင်း၊ မိုးကောင်း၊ ပုလဲ၊ ရေနံချောင်း၊ တောင်တွင်းကြီး၊ ဇေယျာသီရိ၊ ကျောက်ဆည်၊ တောင်ငူ၊ ဝမ်းတွင်း၊ ရွာငံနဲ့ မြစ်သား မြို့တို့မှာ မက်လုံးပေး အယုံသွင်းလိမ်ညာခဲ့တယ်လို့ စီမံဘဏ္ဍာ ထုတ်ပြန်ချက်မှာ ဖော်ပြထားပါတယ်။ ဒါကြောင့် ပြည်ထဲရေး၊ စီမံကိန်းနဲ့ ဘဏ္ဍာရေးဝန်ကြီးဌာန၊ ဗဟိုဘဏ်၊ တိုင်းအစိုးရတွေ ညှိနှိုင်းပြီး အရေးယူဖို့ လုပ်နေပြီး ဒီထဲက ရွှေသစ္စာမြေကုမ္ပဏီကိုတော့ အမှုဖွင့် တရားစွဲထားပြီလို့လည်း ဆိုပါတယ်။ ဒါကြောင့် တောင်သူတွေအနေနဲ့ ငွေချေးခွင့် လိုင်စင်မရှိဘဲ လိမ်ညာနေတဲ့ ကုမ္ပဏီနဲ့ လူပုဂ္ဂိုလ်တွေ တွေ့ရင် ကျေးရွာ၊ရပ်ကွက်၊ အုပ်ချုပ်ရေးမှူးတွေ၊ မြို့နယ်အုပ်ချုပ်ရေးမှူးတွေ၊ မြန်မာ့ လယ်ယာဖွံ့ဖြိုးရေး ဘဏ်မန်နေဂျာတွေ၊ ငွေရေးကြေးရေးစစ်ဆေးရေး ဦးစီးဌာနမှူးတွေကို ချက်ချင်း သတင်းပို့ဖို့ တိုက်တွန်းထားပါတယ်။ တကယ်လို့ ငွေတွေ ပေးအပ်ခဲ့ပြီး ဖြစ်ရင်တော့ တရားစွဲဆိုဖို့ကိုလည်း လမ်းညွှန်ထားပါတယ်။ နိုင်ငံအနှံ့အပြားမှာ တောင်သူတွေကို နည်းလမ်းပေါင်းစုံနဲ့ လိမ်ညာနေတာတွေရှိပြီး မြန်မာနိုင်ငံဆန်စပါးအသင်းချုပ်ကလည်း နယ်တွေကို ကိုယ်စားလှယ်စေလွှတ်ကာ အသင်းဝင်ခိုင်းတာမရှိသလို ချေးငွေရဖို့ အာမခံတာ၊ ငွေတောင်းတာတွေလည်း မရှိဘူးလို့လည်း ထုတ်ပြန်ထားပါတယ်။
3 years Ago
More News
Up