တောင်တွင်းကြီးတွင် မီးရထားနှင့် ထော်လာဂျီ တိုက်မှုဖြစ်ပွား

January 22, 2017

တောင်တွင်းကြီးတွင် မီးရထားနှင့် ထော်လာဂျီ တိုက်မှုဖြစ်ပွား

  မကွေးတိုင်းဒေသကြီး ၊ တောင်တွင်းကြီးမြို့မှာ ဒီနေ့မွန်းလွဲပိုင်းက လူစီးမီးရထားနဲ့ ထော်လာဂျီယာဉ်တိုက်မိမှု ဖြစ်ပွားခဲ့ပါတယ်။ ဖြစ်စဉ်မှာ တောင်တွင်းကြီးမြို့က ကိုပြည့်စုံအောင် မောင်းနှင်လာတဲ့ သဲတင်ထော်လာဂျဟာ ဗိမာန်ဘုန်းတော်ကြီးကျောင်းလမ်းအတိုင်း အနောက်ကနေ အရှေ့ကို မောင်းနှင်လာပြီး မီးရထား သံလမ်းကူး ဖြတ်ကျော်စဉ် နေပြည်တော်ကနေ ပုဂံဘက် စက်ခေါင်းမောင်း ဦးမြင့်စိုး မောင်းနှင်လာတဲ့ (၁၀၇) အဆန် RBE အမှတ် 5013 လူစီး မီးရထားတွဲနဲ့ မီးရထားလမ်း မိုင်တိုင် အမှတ် (၂၉၂) မှာ တိုက်မိခဲ့တာလို့ ဒီဗွီဘီနယ်ခံသတင်းထောက်က ပြောပါတယ်။ ယာဉ်တိုက်မှုကြောင့် ထော်လာဂျီယာဉ်နဲ့ လူစီးမီးရထားတို့မှာ ယာဉ်တို့ရဲ့ ဦးခေါင်းပိုင်းတွေ အနည်းငယ် ထိခိုက်မှု ဖြစ်ပွားခဲ့ပေမယ့် ခရီးသွားပြည်သူတွေနဲ့ ထော်လာဂျီ ယာဉ်မောင်းတို့ ထိခိုက်ဒဏ်ရာ ရရှိမှု တစုံတရာ မရှိခဲ့ဘူးလို့ ဆိုပါတယ်။ အခင်းဖြစ်ပွားတဲ့ မီးရထားသံလမ်းနဲ့ ယာဉ်သွားလမ်း၊ လူသွားလမ်းတို့ ဆုံရာနေရာမှာ အတားအဆီးအဖြစ် မောင်းတံဂိတ်ထားရှိမှု မရှိဘဲ သင်္ဘောဆေးနဲ့ ရေးခြယ်ထားတဲ့ သတိပေးဆိုင်းဘုတ်သာ ရှိတယ်လို့ ဆိုပါတယ်။ အဆိုပါ သံလမ်းကူးနေရာဟာ အမှတ် ၃ အခြေခံပညာအလယ်တန်းကျောင်းက ကျောင်းသား ကျောင်းသူတွေ၊ အများပြည်သူတွေ နေ့စဉ်ဖြတ်သန်း သွားလာနေကြတာကြောင့် အန္တရာယ်ဖြစ်မှာကို ဒေသခံတွေက စိုးရိမ်နေကြပါတယ်။ သတင်းဓာတ်ပုံ - ဗိုလ်ပြည့် ( တောင်တွင်းကြီး )
5 years Ago
Up