တောင်ကိုရီးယားလက်ရွေးစင်အသင်း

June 17, 2015

ကျနော့်ကစားသမားတွေ ဒီပွဲမှာ တိုက်ခိုက်လိုစိတ်အပြည့်နဲ့ အစွမ်းကုန် ကြိုးစားခဲ့ကြပါတယ် - မြန်မာအသင်း နည်းပြချုပ် အဗရာမိုဗစ်ခ်ျ

မြန်မာ့လက်ရွေးစင်အသင်းဟာ ကမ္ဘာ့ဖလားခြေစစ်ပွဲ ဒုတိယပွဲစဉ်အဖြစ် တောင်ကိုရီးယား အသင်းနဲ့ ဇွန် ၁၆ ရက်နေ့က ထိုင်းနိုင်ငံ ဘန်ကောက်မြို့ရှိ ရာဇမင်္ဂလာ ဘောလုံးကွင်းမှာ ကစားခဲ့ရာ ၂ ဂိုး ဂိုးမရှိနဲ့ ရှုံးနိမ့်ခဲ့ပါတယ်။ ပွဲအပြီးမှာ မြန်မာအသင်း နည်းပြချုပ် အဗရာမိုဗစ်ခ်ျက မီဒီယာတွေကို အခုလို ပြောကြားသွားပါတယ်။ “၂-၀ နဲ့ ရှုံးတာဆိုတော့ ရလဒ်မဆိုးဘူးလို့ ဆိုနိုင်ပါတယ်။ ဂိုးတွေကို တည်ကန်ဘောတွေကနေ ပေးလိုက်ရတာ ကျနော်တို့ ကံဆိုးတာပါ။ ပထမဂိုးဆို ကျနော့် ခံစစ်သမားတွေ အာရုံစူးစိုက်မှု လျော့နည်းသွားချိန် ပေးလိုက်ရတာပါ။ နို့မဟုတ်ရင် ဒီထက် ရလဒ် ကောင်းနိုင်ပါတယ်။ နောက်တချက်က ကိုရီးယားအသင်းဟာ ကျနော်တို့ကို အလေးမထားခဲ့ပါဘူး။ ဒါကြောင့် သူတို့ ရသင့်တဲ့ဂိုးတွေ မရခဲ့ဘူး။ သူတို့သာ လေးလေးစားစား ကစားခဲ့ရင် ဒီထက်ပိုပြီး ဂိုးတွေ ရနိုင်ပါတယ်။ ခြုံပြီးပြောရရင်တော့ ကျနော့်ကစားသမားတွေ ဒီပွဲမှာ တိုက်ခိုက်လိုစိတ်အပြည့်နဲ့ အစွမ်းကုန် ကြိုးစားခဲ့ကြပါတယ်။ တောင်ပံကနေ တိုက်စစ်ဆင်ဖို့ မှာကြားခဲ့ပေမယ့် မအောင်မြင်ခဲ့တာ၊ တန်ပြန်တိုက်စစ်ကို ကောင်းကောင်း အသုံးမပြုနိုင်ခဲ့တာတွေ ရှိပေမယ့် သူတို့ ကောင်းကောင်း ကစားနိုင်ခဲ့ပါတယ်။ ၂-၀ ဆိုတဲ့ ရလဒ်က ရလဒ်ဆိုး မဟုတ်ပါဘူး။”
6 years Ago

ကမ္ဘာ့ဖလားခြေစစ်ပွဲ မြန်မာအသင်း တောင်ကိုရီးယားကို ရှုံးနိမ့်

မြန်မာ့လက်ရွေးစင်အသင်းဟာ ကမ္ဘာ့ဖလားခြေစစ်ပွဲ ဒုတိယပွဲစဉ်အဖြစ် တောင်ကိုရီးယား အသင်းနဲ့ ဇွန် ၁၆ ရက်နေ့က ထိုင်းနိုင်ငံ ဘန်ကောက်မြို့ရှိ ရာဇမင်္ဂလာ ဘောလုံးကွင်းမှာ ကစားခဲ့ရာ ၂ ဂိုး ဂိုးမရှိနဲ့ ရှုံးနိမ့်ခဲ့ပါတယ်။ ပွဲချိန် ၃၅ မိနစ်မှာ တောင်ကိုရီးယားကွင်းလယ်လူ လီဂျေးဆောင်က ခေါင်းတိုက်ဂိုးနဲ့ ၆၇ မိနစ်မှာ တိုက်စစ်မှူး ဆွန်ဟောင်မင်က ပြစ်ဒဏ်ဘောမှတဆင့် သွင်းယူတဲ့ ဂိုးတွေနဲ့ ရှုံးနိမ့် ခဲ့ရတာပါ။ မြန်မာအသင်းဟာ ပထမပွဲစဉ်မှာ လာအိုနဲ့ သရေကျထားတာကြောင့် ၂ ပွဲကစား ၁ မှတ်သာ ရပါသေးတယ်။ အုပ်စုတွင်း အခြားပွဲစဉ်မှာတော့ လက်ဘနွန်က လာအိုကို ၂ - ၀ ဂိုးနဲ့ အနိုင်ရသွားပါတယ်။ အခုအကြိမ်ဟာ  ပထမဆုံးအကြိမ်အဖြစ် ကမ္ဘာ့ဖလားခြေစစ်ပွဲနဲ့ အာရှဖလား ခြေစစ်ပွဲကို ပေါင်းပြီး ကျင်းပတာ ဖြစ်ပါတယ်။ မြန်မာအသင်းဟာ တောင်ကိုရီးယား၊ ကူဝိတ်၊ လက်ဘနွန်၊ လာအိုတို့နဲ့ ကစားရမှာ ဖြစ်ပါတယ်။ အုပ်စုဗိုလ် ၈ သင်းနဲ့ အကောင်းဆုံး ဒုတိယ ၄ သင်းဟာ ၂၀၁၉ အာရှဖလား ခြေစစ်ပွဲအောင်မှာ ဖြစ်သလို ၂၀၁၈ ကမ္ဘာ့ဖလား ခြေစစ်ပွဲ တတိယအဆင့်ကိုလည်း တက်မှာ ဖြစ်ပါတယ်။ ကျန်ခဲ့တဲ့  အကောင်းဆုံး ဒုတိယ ၄ သင်း၊ အုပ်စု တတိယနေရာရ အသင်း ၈ သင်းနဲ့  စတုတ္ထနေရာက အကောင်းဆုံး ၄ သင်းဟာ ၂၀၁၉ အာရှဖလားခြေစစ်ပွဲ တတိယအဆင့် တက်မှာ ဖြစ်ပါတယ်။ ကျန် စတုတ္ထနေရာရ ၄ သင်းနဲ့ အုပ်စုနောက်ဆုံးနေရာရ ၈ သင်းတို့ကတော့ အာရှဖလားခြေစစ်ပွဲ တတိယအဆင့်တက်ဖို့ ရှုံးထွက်ပွဲ ကစားရမှာ ဖြစ်ပါတယ်။
6 years Ago
Up