တောင်ကိုရီးယားယူ-၁၉

August 2, 2018

တောင်ကိုရီးယား ယူ-၁၉ အသင်းကို မြန်မာ ယူ-၂၃ အသင်း ၄ ဂိုး ၃ ဂိုးဖြင့်ရှုံး (ရုပ်သံ)

Alpine Cup 2018 လေးနိုင်ငံ ဖိတ်ခေါ်ဘောလုံးပြိုင်ပွဲ အဖွင့်ပွဲမှာ မြန်မာ ယူ-၂၃ အသင်းဟာ တောင်ကိုရီးယား ယူ-၁၉ အသင်းကို ၄ ဂိုး ၃ ဂိုးနဲ့ ရှုံးနိမ့်သွားပါတယ်။ ပွဲချိန် ပထမပိုင်းကတည်းက ကိုရီးယား ယူ-၁၉ အသင်းက ၃ ဂိုးသွင်းပြီး ဦးဆောင်နိုင်ခဲ့သလို ဒုတိယပိုင်း ပွဲချိန် ၅၇ မိနစ်မှာ တဂိုးထပ်သွင်းခဲ့လို့ ၄ ဂိုးပြတ်နဲ့ ဦးဆောင်နိုင်ခဲ့တာပါ။ မြန်မာ ယူ-၂၃ အတွက် ချေပဂိုးတွေကို ပွဲချိန် ၇၅ မိနစ်မှာ ဒွေးကိုကိုချစ်၊ ၈၅ မိနစ်မှာ မြတ်ကောင်းခန့်နဲ့ ပွဲပြီးကာနီး ၉၁ မိနစ်မှာ ရန်နိုင်ဦးတို့က သွင်းယူပေးခဲ့ပါတယ်။ မြန်မာအသင်းဟာ အဓိကတိုက်စစ်မှူး အောင်သူကို ဒုတိယပိုင်းကျမှ အသုံးပြုခဲ့ပါတယ်။ မြန်မာ ယူ-၂၃ အသင်း နည်းပြချုပ် အန်တွမ်နီဟေးကတော့ ကိုရီးယားအသင်းကို ရှုံးခဲ့ပေမယ့် ကစားသမားတွေရဲ့ စွမ်းဆောင်မှုအပေါ် ဂုဏ်ယူတယ်လို့ ပြောပါတယ်။ ဆက်လက်ပြီး သူက ပွဲထွက်ကစားသမားစာရင်းမှာ အတွေ့အကြုံနည်းပါးတဲ့ လူငယ်တချို့ ပွဲထွက်စေခဲ့တာဟာ အာရှအားကစားပြိုင်ပွဲအတွက် ပြင်ဆင်ချင်တာကြောင့်ဖြစ်ပြီး နောက်လာမယ့်ပွဲတွေမှာ ကစားသမားအားလုံးကို အလှည့်ကျ အသုံးပြုသွားမယ်လို့လည်း ဆိုပါတယ်။ အခုပြိုင်ပွဲမှာ အသက် ၂၃ နှစ်ကျော် ကစားသမား ၃ ဦး အသုံးပြုခွင့်ပေးတာကြောင့် မြန်မာအသင်းက ဂိုးသမား ကျော်ဇင်ထက်၊ နောက်ခံလူ ဇော်မင်းထွန်းနဲ့ တိုက်စစ်မှူး ဒွေးကိုကိုချစ်တို့ကို ရွေးချယ်ခဲ့ပါတယ်။ ကိုရီးယား ယူ-၁၉ နည်းပြကတော့ မြန်မာအသင်းဟာ ပြီးပြည့်စုံတဲ့အသင်း မဟုတ်သေးပေမယ့် ၃ ဂိုးပြန်သွင်းခဲ့တဲ့ စိတ်ဓာတ်နဲ့ ခြေစွမ်းကိုတော့ ချီးကျူး ပြောကြားခဲ့ပါတယ်။ မြန်မာ ယူ-၂၃ အသင်းဟာ Alpine Cup ပွဲစဉ်တွေအဖြစ် သြဂုတ် ၃ ရက်မှာ ဘာရိန်း ယူ-၂၃၊ သြဂုတ် ၅ ရက်မှာ ထိုင်း ယူ-၂၃ အသင်းတွေနဲ့ ဆက်ပြီး ကစားမှာဖြစ်ပါတယ်။
3 years Ago

August 1, 2018

မြန်မာယူ-၂၃ အသင်းနှင့် တောင်ကိုရီးယား ယူ-၁၉ အသင်း ယနေ့ယှဉ်ပြိုင်မည်

မြန်မာနိုင်ငံက အိမ်ရှင်အဖြစ် ကျင်းပမယ့် Alpine Cup 2018 လေးနိုင်ငံ ဖိတ်ခေါ် အမျိုးသားဘောလုံးပြိုင်ပွဲကို ဒီနေ့ညနေ ယှဉ်ပြိုင်ကြမှာ ဖြစ်ပါတယ်။ အာရှအားကစားပြိုင်ပွဲ ဝင်ရောက်ယှဉ်ပြိုင်မယ့် မြန်မာ့လက်ရွေးစင် ယူ-၂၃ အသင်းအတွက် အကြိုပြင်ဆင်တဲ့အနေနဲ့ Alpine Cup 2018 လေးနိုင်ငံ ဖိတ်ခေါ်ဘောလုံးပြိုင်ပွဲ ကျင်းပတာပါ။ ဒီပြိုင်ပွဲမှာ အိမ်ရှင် မြန်မာ ယူ-၂၃ အသင်းနဲ့အတူ တောင်ကိုရီးယား ယူ-၁၉ အသင်း၊ ဘာရိန်း ယူ-၂၃ အသင်းနဲ့ ထိုင်း ယူ-၂၃ အသင်းတို့ ပါဝင်ယှဉ်ပြိုင်ကြမှာပါ။ ပြိုင်ပွဲကို သြဂုတ် ၁ ရက်နေ့ကနေ ၅ ရက်နေ့အထိ မန္တလေးမြို့ မန္တလာသီရိ အားကစားကွင်းမှာ တနေ့နှစ်ပွဲ ကျင်းပမှာဖြစ်ပြီး လေးသင်းပတ်လည် ယှဉ်ပြိုင်ကာ အမှတ်အများဆုံးအသင်း ဗိုလ်စွဲမှာ ဖြစ်ပါတယ်။ ပွဲစဉ်တွေကတော့ ဒီနေ့ညနေ ၃ နာရီမှာ ထိုင်း ယူ-၂၃ အသင်းနဲ့ ဘာရိန်း ယူ-၂၃ အသင်း၊ ညနေ ၆ နာရီမှာ မြန်မာယူ-၂၃ အသင်းနဲ့ တောင်ကိုရီးယားယူ-၁၉ အသင်း၊ သြဂုတ် ၃ ရက်နေ့ ညနေ ၃ နာရီမှာ ထိုင်းယူ-၂၃ အသင်းနဲ့ တောင်ကိုရီးယား ယူ-၁၉ အသင်း၊ ညနေ ၆ နာရီမှာ မြန်မာ ယူ-၂၃ အသင်းနဲ့ ဘာရိန်း ယူ-၂၃ အသင်း၊ သြဂုတ် ၅ ရက်နေ့ ညနေ ၃ နာရီမှာ ဘာရိန်း ယူ-၂၃ အသင်းနဲ့ တောင်ကိုရီးယား ယူ-၁၉ အသင်း၊ ညနေ ၆ နာရီမှာ မြန်မာ ယူ-၂၃ အသင်းနဲ့ ထိုင်း ယူ-၂၃ အသင်းတို့ ယှဉ်ပြိုင်ကြမှာ ဖြစ်ပါတယ်။
3 years Ago
Up