တောင်ကိုရီးယားနိုင်ငံမှာ ဇူလိုင် ၁၂ ရက်နေ့က ခွေးချစ်သူတွေနဲ့ ခွေးသားစားသူတွေ နှစ်ဖွဲ့ ထိပ်တိုက် ဆန္ဒပြခဲ့ကြပါတယ်။ တောင်ကိုရီးယားနိုင်ငံ ဆိုးလ်မြို့မှာ ဇူလိုင် ၁၂ ရက်နေ့က ခွေးသားစားဆန့်ကျင်ရေး တက်ကြွလှုပ်ရှားသူတွေ ဆန္ဒပြခဲ့ကြပြီး အဲဒီဆန္ဒပြပွဲမှာ  အမေရိကန်မင်းသမီး ကင်မ် ဘေဆင်ဂါလည်း ပူးပေါင်းပါဝင်ခဲ့ပါတယ်။  “စကားမပြောနိုင်တဲ့ ခွေးတွေအတွက် ကျမတို့က သူတို့ရဲ့ အသံတွေကို ထုတ်ဖော်ပေးတာ” လို့ ကင်မ် ဘေဆင်ဂါက ကြွေးကြော်ခဲ့ပါတယ်။  တချိန်တည်းမှာပဲ တဖက်မှာလည်း ခွေးသားစားသူတွေအဖွဲ့က ဆန္ဒပြနေပြီး သူတို့နှစ်ဖွဲ့အကြား ရဲတပ်ဖွဲ့ဝင်တွေက တန်စီ နေရာယူထားကြပါတယ်။  အမျိုးသားလွှတ်တော်အဆောက်အအုံရှေ့မှာ ခွေးချစ်သူတွေ အယောက် ၁၀၀ လောက်ဟာ ခွေးသေပုံတူရုပ်တွေကို ခုံပေါ်တင်ပြီး အနက်ရောင် ဆန္ဒပြ ဆိုင်းဘုတ်တွေကိုလည်း ကိုင်ဆောင်ထားကြပါတယ်။ ခွေးတွေကို အသားအတွက် သတ်ဖြတ်တာကို ခွင့်ပြုထားတဲ့ တိရစ္ဆာန်ကာကွယ်ရေး ဥပေဒ ပြင်ဆင်ဖို့လည်း  လွှတ်တော်ကို တောင်းဆိုခဲ့ကြပါတယ်။  “အသားစားဖို့အတွက် ခွေးတွေကို တရားမဝင် သတ်ဖြတ်တာကို ကျနော်တို့ ဆန့်ကျင်တယ်။ တိရစ္ဆာန်တွေကို သတ်ဖြတ်တာတွေ တားမြစ်ဖို့ ဥပဒေတရပ် ပြဋ္ဌာန်းပေးဖို့ လွှတ်တော်ကို တောင်းဆိုပါတယ်” လို့ တိရစ္ဆာန်အခွင့်အရေးအဖွဲ့အကြီးအကဲ ပက်ခ် ယူဆန်က ပြောပါတယ်။ ခွေးမွေးမြူရေးသမားတွေနဲ့ တောင်ကိုရီးယားခွေးသားစားအဖွဲ့ဝင်တွေဟာ တဖက်မှာ ခွေးသားစားပွဲတော် ပြုလုပ်နေကြပါတယ်။  ချိုဘိုလို့ခေါ်တဲ့ တောင်ကိုရီးယား ခွေးသားစားပွဲတော် တစိတ်တပိုင်းအနေနဲ့ အခုလို စားပွဲ ပြုလုပ်နေကြတာပါ။ “တိရစ္ဆာန်အခွင့်အရေးအဖွဲ့တွေအနေနဲ့ ငွေကြေးလှူတာတွေထက် တိရစ္ဆာန်တွေကို အကာအကွယ်ပေးဖို့ အဓိက ဦးစားပေးသင့်တယ်။ အစိုးရကလည်း အိမ်မွေးခွေးနဲ့ အသားအတွက် ခွေးတွေကို တရားဝင် ခွဲခြားသတ်မှတ်ပေးဖို့ တောင်းဆိုပါတယ်” လို့  တောင်ကိုရီးယား ခွေးသားစားအဖွဲ့ဝင် ဂျူယောင်ဘွန်က ပြောပါတယ်။ ခွေးတွေကို အိမ်မွေးတိရစ္ဆာန်အဖြစ် ပိုပြီးလက်ခံလာကြတဲ့ ဒီနေ့ခေတ်မှာတော့ တောင်ကိုရီးယားနိုင်ငံမှာ ခွေးသားစားသုံးမှုနှုန်း လျော့ကျလာခဲ့ပါတယ်။  ဒါပေမယ့် တောင်ကိုရီးယားနိုင်ငံမှာ ခွေးသားရောင်းချတဲ့ ခွေးမွေးမြူရေးခြံပေါင်း ခန့်မှန်းခြေ ၁၇၀၀၀ ကျော် ကျန်ရှိသေးတယ်လို့ တိရစ္ဆာန်ရေးရာ တက်ကြွလှုပ်ရှားရေးအဖွဲ့ HSI က ပြောပါတယ်။

တောင်ကိုရီးယားနိုင်ငံကို ပို့ဖို့ စီစဉ်ထားတဲ့ အဆင့်မြင့်နည်းပညာသုံး ပစ္စည်းတွေကို ဂျပန်အစိုးရက ပြည်ပတင်ပို့မှု ထိန်းချုပ်ထားတာ ရုပ်သိမ်းဖို့ တောင်ကိုရီးယားသမ္မတ မွန်းဂျဲအင်းက ဇူလိုင် ၈ ရက်မှာ တိုက်တွန်းလိုက်ပါတယ်။ ဒါဟာ ဂျပန်က ကန့်သတ်ကြောင်း ကြေညာအပြီး ပထမဆုံး လူသိရှင်ကြား မှတ်ချက်စကား ဖြစ်ပါတယ်။ တောင်ကိုရီးယား Memory Chips နဲ့ Smartphones တွေ တကမ္ဘာလုံးကို ဖြန့်ဖြူးမှုအတွက် အနှောင့်အယှက်ဖြစ်မယ့် ခြိမ်းခြောက်မှုအဖြစ် မီဒီယာတွေက သုံးသပ်ခဲ့သလို သမ္မတ မွန်းကလည်း ဆက်ဆံဖို့မလွယ်တဲ့ အိမ်နီးချင်းဆီက ရက်စက်တဲ့လုပ်ရပ်လို့ ပြောပါတယ်။ တောင်ကိုရီးယားရဲ့ နည်းပညာလုပ်ငန်းကြီး ဆမ်ဆောင်း အီလက်ထရောနစ်နဲ့ SK ဟိုင်းနစ်ခ်စ် အင်တာနေရှင်နယ်တို့ဟာ ကမ္ဘာ့ထိပ်တန်း Memory Chips ထုတ်လုပ်သူတွေ ဖြစ်ပြီး အမေရိကန်လုပ် Apple နဲ့ တရုတ်လုပ် ဟွာဝေး နည်းပညာတို့အတွက် အဓိက ပံ့ပိုးသူတွေလည်း ဖြစ်ပါတယ်။ ခုတော့ ဇူလိုင် ၄ ရက်မှာ စတင်သက်ရောက်တဲ့ ဂျပန်ရဲ့လုပ်ရပ်ကြောင့် နှောင့်နှေး ကြန့်ကြာမှုတွေကို ရင်ဆိုင်ရတော့မှာပါ။ ဒုတိယကမ္ဘာစစ်အတွင်း အဓမ္မလုပ်အားပေး ခိုင်းစေခံရတဲ့ တောင်ကိုရီးယား နိုင်ငံသားတွေကို ဂျပန် နစ်ပွန် သံမဏိလုပ်ငန်းက လျော်ကြေးပေးရမယ်လို့ တောင်ကိုရီးယား တရားရုံးချုပ်က ပြီးခဲ့တဲ့ အောက်တိုဘာမှာ အမိန့်ချ ဆုံးဖြတ်ခဲ့တာပါ။ ဒီကိစ္စနဲ့ပတ်သက်ပြီး အငြင်းပွားရာက ဂျပန်က တောင်ကိုရီးယားဆီပို့မယ့် အဆင့်မြင့် နည်းပညာသုံး ပစ္စည်းတွေ တင်ပို့တာကို ကန့်သတ်မှု တင်းကျပ်လိုက်တာပါ။ ဂျပန်ရဲ့ ကန့်သတ်ချက်အတွက် ကမ္ဘာ့ကုန်သွယ်ရေးအဖွဲ့ကြီး WTO ဆီမှာ တိုင်ကြားဖို့ တောင်ကိုရီးယားက ပြင်ဆင်နေပါတယ်။