ညောင်လေးပင်

May 20, 2019

ညောင်လေးပင်တွင် လေပြင်းကြောင့် နေအိမ်နှင့် လမ်းမီးတိုင်များ ပျက်စီး

ပဲခူးတိုင်းဒေသကြီး၊ ညောင်လေးပင်မြို့နယ်မှာ မေ ၁၉ ရက် ညနေပိုင်းက လေပြင်းတိုက်ခိုက်တာကြောင့် နေအိမ်ဘုန်းကြီးကျောင်းနဲ့ လမ်းမီးတိုင်တွေ ကျိုးကျပျက်စီးခဲ့တယ်လို့ ဒေသခံတွေက ပြောပါတယ်။ ပြွန်တန်ဆာမြို့၊ ငါးကြီးအိုင်ကျေးရွာမှာ လေပြင်းတိုက်ခတ်တာကြောင့် နေအိမ် ၁၉ လုံးနဲ့ ဘုန်းကြီးကျောင်း ၁ ကျောင်း အမိုးလန်ပျက်စီးသွားခဲ့ပြီး လမ်းမီးတိုင် ၁၂ တိုင် ကျိုးကျခဲ့တယ်လို့ ဆိုပါတယ်။ လမ်းမီးတိုင်တွေဟာ ကျေးရွာ မီးလင်းရေးအတွက် ကိုယ်ထူကိုယ်ထ ဝယ်ယူတည်ဆောက် ခဲ့ကြတာဖြစ်ပြီး လမ်းမီးတိုင်တွေ ကျိုးကျခဲ့တာကြောင့် ကျေးရွာအတွင်း မီးပျတ်တောက်မှုတွေ ကြုံနေရသလို မီးတိုင်ဝယ်ယူစဉ်က တတိုင်ကို သုံးသိန်းလောက် ပေးဝယ်ခဲ့ရတာကြောင့် ပြန်လည်ဝယ်ယူဖို့နဲ့ ပြန်လည်ပြင်ဆင်ဖို့ရာ အခက်အခဲဖြစ်နေရတယ်လို့ ဒေသခံ ဦးမျိုးမြင့်လေး က ပြောပါတယ်။ ဒေသခံ ဦးကျော်လှိုင်က “လေက အရမ်းတိုက်တာဆိုတော့ အိမ်က ပြိုကျခဲ့တယ်။ သားအမိသားအဖ အသက်ဘေးက မနည်းလွတ်အောင်ပြေးခဲ့ရတယ်။ ခုချိန်က ပိုက်ဆံရှားပါးတဲ့ အချိန်ဆိုတော့ အိမ်ပြန်ဆောက်ဖို့ အခက်အခဲဖြစ်နေရတယ်” လို့ ဆိုပါတယ်။ အဲဒီကျေးရွာမှာ လက်ရှိမှာ သောက်သုံးရှားပါးမှုဒဏ် ခံနေရတဲ့ ကျေးရွာတရွာဖြစ်ပြီး ဒေသခံအများစုကလည်း လက်လုပ်လက်စားတွေ ဖြစ်တဲ့အတွက် ပျက်စီးသွားခဲ့တဲ့ အိမ်တွေကို ပြင်ဆင်ဖို့ ငွေကြေးအခက်အခဲရှိနေကြပြီး သက်ဆိုင်ရာဌာနတွေအနေနဲ့ မြေပြင်အခြေအနေကို ကွင်းဆင်းစစ်ဆေးပြီး ကူညီထောက်ပံ့ပေးဖို့ ဒေသခံတွေက လိုလားနေကြပါတယ်။ လေးပြင်းတိုက်ခတ်တာကြောင့် ပျက်စီးဆုံးရှုံးမှုတန်ဖိုး သိန်း ၅၀ ကျော် လောက်ရှိခဲ့ပြီး လူနဲ့ တိရစ္ဆာန်ထိခိုက်တာ မရှိဘူးလို့ သိရပါတယ်။ သတင်း၊ ဓာတ်ပုံ-နေလင်းထိုက်
3 years Ago

May 19, 2019

ညောင်လေးပင်မြို့ ဆွမ်းဆန်စိမ်းလောင်းလှူပွဲ (ဓာတ်ပုံ)

ပဲခူးတိုင်းဒေသကြီး ညောင်လေးပင်မြို့မှာ ကဆုန်လပြည့်နေ့က ဝိုင်အမ်ဘီအေအသင်းက ဦးစီးကျင်းပတဲ့ မြို့လုံးဆိုင်ရာ ဆွမ်းဆန်စိမ်းလောင်းလှူပွဲကို ကျင်းပခဲ့ပြီး နှစ်ပေါင်း ၁၀၀ အတွင်း အစည်ကားဆုံး ဖြစ်ခဲ့တယ်လို့ ပွဲတော်ကျင်းပရေးကော်မတီကပြောပါတယ်။ အရင်နှစ်တွေက မြို့နယ်အတွင်းမှာရှိတဲ့ ကျောင်းပေါင်း ၁၀၀ က သံဃာအပါးရေ ၁၀၀၀ ကို သိန်း ၃၀၀ ကျော်ဖိုး အကုန်ကျခံကာ လောင်းလှူနိုင်ခဲ့ပေမယ့် ဒီနှစ်မှာ ကျောင်းပေါင်း ၁၀၀ က သံဃာအပါးရေ ၁၂၀၀ ကျော်ကို သိန်း ၆၀၀ လောက်  အကုန်ကျခံ လောင်းလှူနိုင်ခဲ့တာကြောင့် နှစ်ပေါင်း ၁၀၀ အတွင်း စံချိန်တင် အများဆုံးလောင်လှူနိုင်ခဲ့တာလို့ ဆိုပါတယ်။ ဦးလှမြင့် (ဝိုင်အမ်ဘီအေအသင်း) က "ဒီနှစ်ဆိုရင် ၀ိုင်အမ်ဘီအေအသင်းက ဦးဆောင်ပြီး ကျင်းပလာတာ နှစ် ၁၁၀ လည်းပြည့်ပါပြီ။ မြို့ပေါ်က ပရဟိတအဖွဲ့တွေ၊ အလှူရှင်တွေ၊ လူမှုရေးအသင်းတွေရဲ့ စုပေါင်းပြီး လှူဒါန်းမှုတွေကြောင့်သာ ခုလို စံချိန်တင် အများဆုံးလောင်လှူနိုင်ခဲ့တာပါ။ နောင်နှစ်တွေ ဒီထက်မက ပိုမိုပြီး လှူဒါန်နိုင်ဖို့ဆိုရင် အဝေးရောက်ညောင်လေးပင်သားတွေရဲ့ အားတွေလိုပါတယ်” လို့ ပြောပါတယ်။   ကဆုန်လပြည့်နေ့ မနက်ပိုင်မှာလည်း ဝိုင်အမ်ဘီအေအသင်းကဦးစီးပြီး မြို့ပေါ်ရှိ ဝတ်အဖွဲ့ ၁၃ ဖွဲ့က အင်အား ၄၀၀ ကျော်က ဘုရားကြီးဝန်းမှာရှိတဲ့ ဗောဓိညောင်ပင်မှာ ညောင်ရေသွန်းလောင်းခဲ့ကြသလို အလှူရှင်တွေ၊ ပရဟိတအဖွဲ့တွေက စတုတီတာတွေ ကျွေးမွေးလှူဒါန်းခဲ့ကြတယ်လို့ သိရပါတယ်။ သတင်း-ဓာတ်ပုံ နေလင်းထိုက်
3 years Ago
More News
Up