စေတီပုထိုးအဆောက်အဦ

March 14, 2017

ငလျင်ကြောင့် တိုက်ကြီးမြို့နယ်၌ စေတီပုထိုးအဆောက်အဦများ ပြိုကျပျက်စီး

  ရန်ကုန်တိုင်းဒေသကြီး၊ တိုက်ကြီးမြို့နယ်မှာ မနေ့ညက ငလျှင်လှုပ်ခတ်သွားတာကြောင့် စေတီဘုရားစိန်ဖူးတော်နဲ့ဘုန်းတော်ကြီးကျောင်းအချို့မုဒ်ဦးတွေပျက်စီးပြီး လူနေအိမ်တွေ၊ ရဲလိုင်းခန်းတွေနဲ့ ဈေးဆိုင်ခန်းအချို့ ပြိုကျပျက်စီးသွားတယ်လို့  ဒေသခံတွေကဒီဗွီဘီကိုပြောပါတယ်။ မနေ့ည ၈ နာရီ ၅၀ မိနစ်မှာ တကြိမ် ၉ နာရီကျော်လောက်မှာ တစ်ကြိမ်ဆက်တိုက်လှုပ်ခတ်ပြီး တိုက်ကြီးမြို့နယ်ထဲက ဥက္ကံ၊ အဖျောက်၊ တိုက်ကြီးစတဲ့ နေရာတွေမှာလည်း နောက်ဆက်တွဲ ငလျင်တွေ ဆက်တိုက်လှုပ်ခတ်ခဲ့တာပါ။ ငလျှင်လှုပ်ခတ်မှုကြောင့် တိုက်ကြီးမြို့နယ် အထွေထွေအုပ်ချူပ်ရေးမှူးရုံးအတွင်းမှာ ရုံးခန်း တခန်းမျက်နှာကျက် အမိုးပြိုကျသွားသလို၊ တိုက်ကြီးမြို့မရဲစခန်းအတွင်းရှိ လူနေလိုင်းခန်း နှစ်ခန်း ပြိုကျပျက်စီးသွားပါတယ်။ ဒါ့အပြင်ဘုန်းတော်ကြီးကျောင်း ၂ ကျောင်းမုတ်ဦးနဲ့ အုတ်တံတိုင်းတွေ ပြိုကျပျက်စီးပြီး လူနေအိမ် ၄ လုံးလောက်လည်း ပျက်စီးသွားပါတယ်။ လူ၂၀ကျော်ထိခိုက်ဒဏ်ရာရတာကြောင့် ဆေးရုံတက်ကုသမှုခံယူနေရတယ်လို့ တိုက်ကြီးမြို့နယ် အထွေထွေအုပ်ချူပ်ရေး ဦးစီးဌာနကပြောပါတယ်။ မနေ့ညက ကမ္ဘာအေးမြေငလျှင်စခန်းမှ အနောက်မြောက်ဘက် ၂၂ မိုင်လောက်အကွာ မြန်မာနိုင်ငံပြည်တွင်း တိုက်ကြီးမြို့အနားကို ဗဟိုပြုပြီး ရစ်(ခ်)တာစကေး ၅.၈ အဆင့်ရှိ အင်အားအသင့်အတင့်ရှိ မြေငလျှင်တခုလှုပ်ခတ်သွားတယ်လို့ မိုးလေဝသနှင့်ဇလဗေဒညွှန်ကြားမှု ဦးစီးဌာနက သတင်းထုတ်ပြန်ထားပါတယ်။ သတင်း ပေးပို့ မေသွယ်  
5 years Ago
Up