ငွေကြေး

March 31, 2019

ငွေကြေးလိမ်လည်တောင်းခံသည့် ဂျပန်နိုင်ငံသား ၁၅ ဦးကို ထိုင်းရဲတပ်ဖွဲ့ ဖမ်းဆီး

ငွေကြေးလိမ်ညာမှုပြုလုပ်တယ်လို့ ယူဆရတဲ့ ဂျပန်နိုင်ငံသား ၁၅ ဦးကို ထိုင်းရဲတပ်ဖွဲ့က မတ် ၃၀ ရက်နေ့က ဖမ်းဆီးခဲ့တယ်လို့ ဘန်ကောက်ပို့စ်သတင်းမှာ ဖော်ပြပါတယ်။ ဒီအမျိုးသားတွေဟာ ပတ္တယားမှာရှိတဲ့ ဇိမ်ခံအိမ်တလုံးကို ငှားရမ်းဟာ ဂျပန်နိုင်ငံက ဂျပန်လူမျိုးတွေကို လိမ်ညာတာတွေ လုပ်နေတယ်ဆိုပြီး သံသယရှိလို့ ဖမ်းဆီးခံခဲ့ရတာပါ။ သူတို့ကို ထိုင်းရဲတပ်ဖွဲ့ဝင်တွေပူးပေါင်းကာ ရှာဖွေဝရမ်းထုတ်ပြန်ပြီး ဘန်လာမောင်းခရိုင်၊ Siam Royal View ရွာမှာရှိတဲ့ အိမ်တလုံးမှာ ဖမ်းဆီးခဲ့တာပါ။ ဒီရှာဖွေမှုမှာ ရဲတပ်ဖွဲ့ဝင်တွေက ဂျပန်အမျိုးသား ၁၅ ဦးကိုတွေ့ခဲ့ရပြီး စစ်ဆေးချက်တွေအရ သူတို့ထဲက တိုမို ကီ ချီမူရာလို့ခေါ်တဲ့ အမျိုးသားက အိမ်အငှားဝန်ဆောင်မှုတခုကနေ ဒီအိမ်ကို ၁ လ ဘတ် ၆၅၀၀ နဲ့ ငှားရမ်းထားတယ်ဆိုတာကို တွေ့ခဲ့ရပါတယ်။ သူတို့ဟာ အင်တာနက်လိုင်းကနေတဆင့် ငွေကြေးလိမ်လည်မှုတွေ လုပ်နေတာလို့ ယူဆရပြီး နေအိမ်ထဲကနေ IP phone ၅၁ လုံး၊ notebook ၁၉ လုံးနဲ့ router ၃၇ ခုတို့ကို သိမ်းဆည်းရမိခဲ့ပါတယ်။ ဖမ်းဆီးခံခဲ့ရသူတွေဟာ အသက် ၂၂ နှစ်ကနေ ၅၅ နှစ်အတွင်းရှိသူများဖြစ်ပြီး သူတို့ကို ယာယီနေထိုင်ခွင့်ဗီဇာနဲ့ တရားမဝင်စီးပွားရေးလုပ်ကိုင်မှုနဲ့ အမှုဖွင့်ထားပါတယ်။ “အခု အဖမ်းခံရသူတွေဟာ ထိုင်းနိုင်ငံကို အခြေစိုက်နေရာအဖြစ် အသုံးချပြီး ဂျပန်နိုင်ငံမှာရှိတဲ့ လူတွေကို ငွေကြေးခြိမ်းခြောက်လိမ်လည်မှုတွေပြုလုပ်နေတဲ့ ဂိုဏ်းတခုက အဖွဲ့ဝင်တွေဖြစ်တယ်” လို့ ရှာဖွေဖမ်းဆီးမှုကို ဦးဆောင်ခဲ့တဲ့ ရဲအရာရှိတဦးက ပြောပါတယ်။ ဒီဂိုဏ်းဟာ သူတို့ကိုယ်သူတို့ ဂျပန်ုနိုင်ငံမှာရှိတဲ့ နာမည်ကျော် ချေးငွေကုမ္ပဏီတခုဆီက အကြွေးတောင်းသူတွေအဖြစ် အယောင်ဆောင်ကာ တရားရုံးစာရွက်တွေ၊ ငွေတောင်းခံလွှာအတုတွေ ပြုလုပ်ပြီး လိမ်လည်အကြွေးတောင်းသူတွေလည်း ဖြစ်ပါတယ်။ ဒီအဖွဲ့ကြောင့် ဂျပန်လူမျိုး အယောက် ၅၀၀ ကျော် အလိမ်ခံခဲ့ရပြီး ငွေကြေး ယန်း ၈၉ သန်း (ဘတ် ၂၅ သန်း) လောက် ဆုံးရှုံးနစ်နာခဲ့ရတယ်လို့ ထိုင်းရဲတပ်ဖွဲ့က ပြောပါတယ်။
3 years Ago

February 21, 2017

နိုင်ငံဖွံ့ဖြိုးရေးလုပ်ဆောင်ရန် ငွေကြေးအဓိက အခက်အခဲဖြစ်နေဟု သမ္မတပြောကြား

တိုင်းပြည်ဖွံ့ဖြိုးတိုးတက်ဖို့အတွက် လုပ်စရာတွေ အများကြီးရှိနေပြီး အဓိက အခက်အခဲက ငွေကြေး ဖြစ်တယ်လို့ နိုင်ငံတော် သမ္မတ ဦးထင်ကျော်က ပြောကြားလိုက်ပါတယ်။ ဖေဖော်ဝါရီ ၂၁ ရက် မနက်က ချင်းပြည်နယ်၊ ဟားခါးမြို့၊ အ.ထ.က ၁ ဗိုလ်တိုက်ချွန်းခန်းမမှာ ဒေသခံပြည်သူလူထုတွေနဲ့ နိုင်ငံတော်သမ္မတ ဦးထင်ကျော်နှင့် ပြည်ထောင်စု အစိုးရအဖွဲ့ဝင် ဝန်ကြီးများ၊ ပြည်နယ်အစိုးရအဖွဲ့မှ တာဝန်ရှိသူများ တွေ့ဆုံခဲ့ကြပါတယ်။ တွေ့ဆုံပွဲမှာ နိုင်ငံတော်သမ္မတက ဒေသရဲ့ လိုအပ်ချက်တွေကို နားထောင်ဖို့၊ တတ်နိုင်တာတွေ ဖြည့်ဆည်းဖို့၊ လုပ်ပေးနိုင်တာရှိလည်း လုပ်ပေးဖို့ အခုလို လာရောက်ရတာဖြစ်တယ်လို့ အဖွင့်အမှာစကားမှာ ပြောကြားခဲ့ပါတယ်။ “နိုင်ငံတော်က တာဝန်ရှိတဲ့အတိုင်း လုပ်ပေးရမှာတွေ များစွာရှိပြီး တိုင်းပြည်ဖွံ့ဖြိုးတိုးတက် ဖို့အတွက် နိုင်ငံတော်ရဲ့ မူဝါဒမှာ တပြေးညီ ဖွံ့ဖြိုးတိုးတက်ဖို့ ဖွံ့ဖြိုးမှုနည်းတဲ့ဒေသတွေကို ပိုမိုဦးစားပေးဆောင်ရွက်ဖို့ လိုတယ်။ ချင်းပြည်နယ်က ဖွံ့ဖြိုးမှု ဦးစားပေးဆောင်ရွက်ရမယ့်အထဲမှာ ပါဝင်နေတယ်။ လုပ်လည်း လုပ်ဆောင်နေပါတယ်။ လုပ်စရာတွေ အများကြီးရှိတယ်။ အဓိက အခက်အခဲက ငွေကြေး ဖြစ်တယ်။ မိသားစုတစုလိုပဲ အိမ်ထောင်အသုံးစရိတ်ကို ဘာသုံးကြမလဲ ဆိုတာ ကိုယ့်ဝင်ငွေ ကိုယ့်လိုအပ်ချက်ကို ကြည့်ပြီး သုံးကြရသလို နိုင်ငံတော်မှာလည်း နိုင်ငံတော်ရဲ့ ရန်ပုံငွေဘက်ဂျက်ကို ဦးစားပေးအရာတွေအတွက် ခွဲဝေသုံးစွဲကြရတာဖြစ်တယ်”လို့ လူထုတွေ့ဆုံပွဲမှာ ပြောကြားခဲ့ပါတယ်။ ဒေသခံ ပြည်သူတွေကတော့ မြို့တွင်းလမ်းတွေကို အဆင့်မြှင့်တင်ပေးဖို့၊  ခုတင် ၂၀၀ ဆေးရုံကနေ ခုတင် ၅၀၀ ဆေးရုံတိုးပေးဖို့၊ ချင်းပြည်တောင်ပိုင်းကို ဆက်သွယ်ထားတဲ့ ဟားခါး-မင်းတပ်-မတူပီ-ပလက်ဝလမ်းကို အဆင့်မြှင့်ကတ္တရာခင်းပေးဖို့၊ အစိုးရကနေ သစ်ခွဲစက်၊ သစ်အရောင်းဆိုင်တွေ ဖွင့်လှစ်ပေးဖို့၊ လျှပ်စစ်မလုံလောက်တဲ့အတွက် ဘွေနူးရေအားလျှပ်စစ်ကို ဖော်ဆောင်ပေးဖို့၊ နည်းပညာတက္ကသိုလ်ဖွင့်ပေးဖို့ စတဲ့ လိုအပ်ချက် ၆ ချက်ကို နိုင်ငံတော်သမ္မတကို တင်ပြတောင်းဆိုခဲ့ကြပါတယ်။ နိုင်ငံတော်သမ္မတနဲ့ အစိုးရအဖွဲ့ဝင်တွေက ဖေဖော်ဝါရီ ၁၉ ရက်နေ့ကတည်းက ၆၉ နှစ်မြောက် ချင်းအမျိုးသားနေ့ပွဲအတွက် ဖလမ်းမြို့ကို ရောက်ရှိလာခဲ့ပြီး ပြည်နယ်လုံးဆိုင်ရာ ချင်းအမျိုးသားနေ့ကို တက်ရောက်ဖွင့်လှစ်ပေးခဲ့ပါတယ်။ ဆက်လက်ပြီး ဖေဖော်ဝါရီ ၂၀ ရက်နေ့မှာ ဟားခါးကို ရောက်ရှိလာခဲ့ပြီး ပြည်နယ်အစိုးရအဖွဲ့ဝင်တွေနဲ့ တွေ့ဆုံကာ ဖေဖော်ဝါရီ ၂၁ ရက်နေ့မှာ ဟားခါးမြို့ကို လှည့်လည်ကြည့်ရှု စစ်ဆေးခဲ့ပြီး ထန်တလန်မြို့ကို ဆက်လက်ထွက်ခွာသွားပါတယ်။ သတင်း- ဓာတ်ပုံ အောင်ကိုလတ်
5 years Ago
Up