ငွေညှစ်ခံရသည့် သတို့သမီးလောင်း အဆိပ်သောက်သတ်သေ

January 29, 2018

ငွေညှစ်ခံရသည့် သတို့သမီးလောင်း အဆိပ်သောက်သတ်သေ

အိန္ဒိယနိုင်ငံမှာ ရည်းစားဟောင်းက ငွေညှစ်လို့ သတို့သမီးလောင်းတဦး လက်မထပ်ခင် အဆိပ်သောက်ပြီး ကိုယ့်ကိုယ်ကိုယ်သတ်သေတဲ့ ရုပ်သံရိုက်ကာ ရည်းစားဟောင်းထံ ပေးပို့ခဲ့တယ်လို့ သိရပါတယ်။ အိန္ဒိယနိုင်ငံအနောက်ပိုင်း မဟာရာဂျာပြည်နယ်က ရိုဟီနီရွာမှာ နီရှာဒီဗီဒါစ်ဆိုတဲ့ အမျိုးသမီးငယ်က လက်မထပ်ခင် ၁၀ ရက်အလို အဆိပ်သောက်ပြီး သတ်သေခဲ့တာပါ။ နီရှာဟာ ရိုဟီနီရွာရှိ သူမရဲ့အိမ်မှာ ဇန်နဝါရီ ၂၅ ရက်နေ့က သေဆုံးခဲ့တာဖြစ်ပြီး သူမရဲ့ ရည်းစားဟောင်းဖြစ်သူ နစ်က်ဟီလ်ဘိုကာက ငွေညှစ်ခဲ့တယ်လို့ နီရှာရဲ့အစ်ကို ရာဗီက ပြောပါတယ်။ နီရှာ အမည်းရောင်အရည်တွေ သောက်နေတဲ့ ရုပ်သံဖိုင်ကို ရည်းစားဟောင်းဖြစ်သူ ဘိုကာထံ ပို့ခဲ့တယ်လို့ သိရပြီး သတိလစ်သွားတဲ့ နီရှာကို ဘဟန်ဒါရာက ခရိုင်ဆေးရုံကို အမြန် ပို့ခဲ့ပေမယ့် ဆေးရုံရောက်ရောက်ချင်းမှာပဲ နီရှာ သေဆုံးသွားပါတယ်။ နီရှာရဲ့အစ်ကိုဖြစ်သူ ရာဗီက “ကျနော့်ညီမ မင်္ဂလာဆောင်က ဖေဖော်ရီ ၄ ရက်နေ့မှာပါ။ ဒါပေမယ့် သူမ လက်မထပ်ခင် ၁၀ ရက်အလိုမှာ သေသွားပြီ။ ကျနော့်ညီမ သေသွားတာ နစ်က်ဟီလ်ဘိုကာမှာ တာဝန်ရှိပါတယ်။ သူ ကျနော့်ညီမကို လက်ထပ်မယ် ယိုးမယ်ဖွဲ့ပြီး ဆွဲဆောင်ခဲ့တယ်။ သူမကို အသုံးချတယ်။ ပြီးတော့ သူမကို ငွေစညှစ်တော့တာပဲ” လို့ ဒေသခံသတင်းဌာနတွေကို ပြောခဲ့ပါတယ်။ ဆက်လက်ပြီး သူက “တကယ့်ကို စိတ်ပျက်စရာပါပဲ။ ကျနော့်ညီမ ပိုးသတ်ဆေးတွေ သောက်ခဲ့တာ၊ ကျနော် နစ်က်ဟီလ်ကို ချက်ချင်းဖမ်းစေချင်တယ်” လို့ ဆိုပါတယ်။ ဒီအဖြစ်အပျက်နဲ့ ပတ်သက်လို့ ရဲတွေက စုံစမ်းစစ်ဆေးနေတယ်လို့ ပြောပြီး ဘိုကာကို မေးမြန်းခြင်း ရှိ မရှိတော့ မသိရသေးဘူးလို့ မေရာသတင်းတပုဒ်မှာ ဖော်ပြထားပါတယ်။
4 years Ago
Up