ဂျေရုဆလင်အရေး

January 7, 2018

ဂျေရုဆလင်အရေး အာရပ် ၆ နိုင်ငံ ၀န်ကြီးများ ဆွေးနွေး

အမေရိကန်သမ္မတဒေါ်နယ်ထရမ့်ရဲ့ ဂျေရုဆလင်ကို အစ္စရေးရဲ့မြို့တော်အဖြစ် အသိအမှတ်ြ်ပုလိုက်တဲ့ကိစ္စကို ဆွေးနွေးဖို့ အာရပ်  ၆ နိုင်ငံက နိုင်ငံခြားရေးဝန်ကြီးတွေဟာ ဇန်နဝါရီလ ၆ ရက်နေ့က ဂျော်ဒန်နို်င်ငံရဲ့ မြို့တော် အန်မန်မှာ တွေ့ဆုံခဲ့ကြပါတယ်။ အီဂျစ်၊ ဆော်ဒီအာရေဗီးယား၊ မော်ရိုကို၊ ယူအေအီးနဲ့ ဂျော်ဒန်နိုင်ငံ နဲ့ ပါလက်စတိုင်း အစိုးရတာဝန်ရှိသူတွေ တွေ့ဆုံခဲ့ကြတာပါ။ အမေရိကန်သမ္မတဒေါ်နယ်ထရမ့်ရဲ့ ဂျေရုဆလင်မြို့ကို အစ္စရေးရဲ့မြို့တော်အဖြစ် အသိအမှတ်ပြုလိုက်တဲ့ ကိစ္စဟာ အာရပ်နိုင်ငံတွေကို အလွန်အမင်းဒေါသဖြစ်စေခဲ့တာပါ။ အမေရိကန်ရဲ့ မဟာမိတ် အနောက်နိုင်ငံ တွေကိုလည်း စိတ်ပျက်စေခဲ့ပါတယ်။ ဂျေရုဆလင်မြို့ကိစ္စဟာ အစ္စရေး-ပါလက်စတိုင်း ငြိမ်းချမ်းရေးသဘောတူညီမှု ရဖို့ အကြီးဆုံး အတားအဆီးဖြစ်နေတာ နှစ်ပေါင်းများစွာရှိနေပါပြီ။ အစ္စရေးက ဂျေရုဆလင် တမြို့လုံးကို သူတို့ရဲ့ မြို့တော်အဖြစ်ယူဆထားပြီး၊ ပါလက်စတိုင်းက ဂျေရုဆလင်အရှေ့ခြမ်းကို အနာဂတ်နိုင်ငံရဲ့ မြို့တော်အဖြစ် သတ်မှတ်ဖို့ လိုလားနေ တယ်လို့ ရိုက်တာသတင်းမှာ ဖော်ပြထားပါတယ်။
3 years Ago

December 23, 2017

ဂျေရုဆလင်အရေး နည်းလမ်းမျိုးစုံဖြင့် ဆန့်ကျင်မည်ဟု မလေးရှားဝန်ကြီး ပြော

ဂျေရုဆလင်နဲ့ ပတ်သက်ပြီး အမေရိကန်သမ္မတရဲ့ ဆုံးဖြတ်ချက်ကို နည်းလမ်းမျိုးစုံသုံးပြီး ဆန့်ကျင်တိုက်ခိုက်သွားမယ်လို့ မလေးရှားဝန်ကြီးချုပ် နာဂျစ်ရာဇတ်က ဒီဇင်ဘာ ၂၂ ရက်မှာ ပြောကြားသွားပါတယ်။ မလေးရှားနိုင်ငံ မြို့တော် ကွာလာလမ်ပူအနီးက ပူထရာဂျာယားမြို့မှာ ရှိတဲ့ ပူထရာဂျာယား ဗလီရှေ့မှာ ပါလက်စတိုင်းကို ထောက်ခံတဲ့ လူအုပ်ကို မလေးရှားဝန်ကြီးက အခုလို ပြောကြားခဲ့တာဖြစ်ပါတယ်။ “ကျနော်ဟာ အမ်နိုပါတီဥက္ကဋ္ဌအဖြစ်သာမက မလေးရှားဝန်ကြီးချုပ်အဖြစ်နဲ့ပါ မလေးရှား မွတ်ဆလင်တွေကိုယ်စား ပြောကြားလိုတာက မလေးရှားအစိုးရနဲ့ ပြည်သူတွေဟာ ဒီဆုံးဖြတ်ချက်ကို  ပြင်ဆင်တဲ့ ကြော်ညာချက်ထုတ်ပြန်သည်အထိ ကန့်ကွက်သွားမယ်။ ဒီကိစ္စကို ဆက်လက်တိုက်ခိုက်သွားမယ်။ တတ်နိုင်သမျှနည်းလမ်းအားလုံးကို သုံးသွားပြီး တိုက်ခိုက်သွားမယ်။ နိုင်ငံရေးနည်းလမ်း၊ သံတမန်ရေးလမ်းကြောင်း၊ ဘဏ္ဍာရေးအကူအညီ လမ်းကြောင်း၊ ဆွေးနွေးညှိနှိုင်းမှု၊ ဝတ်ပြုဆုတောင်းမှု စတဲ နည်းလမ်းအားလုံးအသုံးပြုသွားမှာပါ။ ဂျေရုဆလင်ကို ပါလက်စတိုင်းပြည်သူတွေ ပိုင်ဆိုင်တဲ့နေ့အထိ နည်းလမ်းအားလုံးသုံးသွားမယ်။ ကျနော့်ကို အမေရိကန်အိမ်ဖြူတော်မှာ မကြာခင်ကပဲ ကြိုဆိုတွေ့ဆုံခဲ့ပါတယ်။ ဒေါ်နယ်ထရမ့်ဟာ ကျနော့်ရဲ့ မိတ်ဆွေကောင်းပါ။ ဒါပေမယ့် မူအရ အစ္စလာမ်ဘာသာရဲ့ မြင့်မြတ်မှုနဲ့ ကျနော်တို့ရဲ့ ဘာသာရေးကို ဘယ်တော့မှ စွန့်လွှတ်မှာ မဟုတ်ဘူး” လို့ မလေးရှားဝန်ကြီးချုပ် နာဂျစ်ရာဇတ်က ပြောကြားသွားတာဖြစ်ပါတယ်။
3 years Ago
Up