တလအတွင်း နှစ်ကြိမ်တိုင်တိုင် မြွေတွေ့ခဲ့လို့ လိုက်ဘေးရီးယား သမ္မတကြီး ဂျော့ခ်ျဝီယာဟာ ရုံးမှာ မနေရဲဘဲ ရုံးအလုပ်တွေကို အိမ်မှာယူလုပ်နေရတယ်လို့ ဧပြီ ၁၉ ရက်နေ့ Sky News သတင်းမှာ ဖော်ပြပါတယ်။ သမ္မတကြီးရုံးထိုင်တဲ့ နိုင်ငံခြားရေးဝန်ကြီးဌာန ရုံးခန်း အောက်ထပ်မှာ မြွေကို နှစ်ကြိမ်တိုင်တိုင် တွေ့ခဲ့ရတာဖြစ်ပြီး ဒီရုံးကို ပြန်လည်ရှင်းလင်းဖို့ လိုအပ်တာကြောင့် သမ္မတကြီး အပါအဝင် တခြားဝန်ထမ်းတွေဟာ ဒီရုံးမှာ သွားရောက် အလုပ်လုပ်လို့ မရတာပါ။ လိုက်ဘေးရီးယားနိုင်ငံဟာ အဆိပ်ပြင်းတဲ့မြွေတွေ ပေါများရာနေရာဖြစ်ပြီး ဒီလိုအခြေအနေမှာ စွန့်စားဖို့ မသင့်တော်တာကြောင့် ကျွမ်းကျင်သူတွေက သမ္မတကြီးကို ရုံးမတက်ဖို့ ညွှန်ကြားထားတာပဲ ဖြစ်ပါတယ်။ နောက်ဆုံးအကြိမ်တွေ့ခဲ့ရတဲ့ မြွေက အနက်ရောင်မြွေဖြစ်ပြီး ဒီမြွေဟာ ရုံးရဲ့ ဧည့်ကြိုကောင်တာနံရံမှာ ရှိတဲ့ အပေါက်တခုကနေ ထွက်ပေါ်လာခဲ့တာပဲ ဖြစ်ပါတယ်။ အဲဒီမတိုင်ခင် သီတင်းပတ် အနည်းငယ်ကလည်း မြွေတကောင်ကို မြင်တွေ့ခဲ့ရတာကြောင့် ရုံးကိုပိတ်လိုက်ဖို့ ဆုံးဖြတ်လိုက်ရတာပဲ ဖြစ်ပါတယ်။ လိုင်ဘေးရီးယားသမ္မတ ဂျော့ခ်ျဝီယာဟာ သမ္မတမဖြစ်ခင်က နာမည်ကျော် ဘောလုံးသမားတဦးဖြစ်ခဲ့ပြီး ပီအက်စ်ဂျီ၊ အေစီမီလန်၊ ချဲလ်ဆီးနဲ့ မန်စီးတီးအသင်းတို့မှာ ကစားခဲ့ဖူးကာ ၁၉၉၅ ခုနှစ်မှာ ဖီဖာရဲ့တနှစ်တာအကောင်းဆုံး ကစားသမားဆု ရရှိခဲ့ပါတယ်။ ဒါ့အပြင် သူဟာ ဆယ်စုနှစ်တခုအတွင်း အာဖရိကရဲ့ အကောင်းဆုံး ကစားသမားအဖြစ် သတ်မှတ်ခံခဲ့ရတဲ့အပြင် Ballon d’Or ဆုကိုလည်း ဆွတ်ခူးနိုင်ခဲ့ပါတယ်။ သူဟာ ၂၀၁၈ ခုနှစ်မှာ သမ္မတအဖြစ် ရွေးချယ်ခံခဲ့ရသူ ဖြစ်ပါတယ်။

လိုက်ဘေးရီးယားသမ္မတ ဂျော့ခ်ျဝီရာဟာ ဘောလုံးလောကကနေ ၁၆ နှစ်ကြာ အနားယူပြီးတဲ့နောက် ဘောလုံးကွင်းထဲကို တကျော့ပြန် ခြေချခဲ့ပါတယ်။ ချဲလ်ဆီး၊ မန်စီးတီး၊ မိုနာကို၊ ပီအက်စ်ဂျီ၊ မာဆေးလ်အသင်းတွေမှာ ကစားခဲ့ဖူးတဲ့ ဂျော့ခ်ျဝီရာဟာ ဖီဖာရဲ့ အကောင်းဆုံးကစားသမားဆုကို ရရှိခဲ့တဲ့ ပထမဆုံး အာဖရိကနိုင်ငံသားတဦးလည်း ဖြစ်ပါတယ်။ ပြီးခဲ့တဲ့ စက်တင်ဘာ ၁၁ ရက်နေ့က ကစားခဲ့တဲ့ နိုင်ဂျီးရီးယားနဲ့ ချစ်ကြည်ရေးပွဲစဉ်မှာ ဂျော့ခ်ျဝီယာ ပါဝင်ခဲ့တာဖြစ်ပြီး ကျောနံပါတ် ၁၄ ကို ဝတ်ဆင်ကစားခဲ့တာပါ။ ပွဲချိန် ၇၉ မိနစ်ရောက်မှ ဝင်ရောက်ကစားခဲ့တဲ့ ဂျော့ခ်ျဝီရာဟာ လိုက်ဘေးရီးယားအသင်း အတွက်တော့ အနိုင်ရရှိအောင် မစွမ်းဆောင်နိုင်ခဲ့ဘဲ နိုင်ဂျီးရီးယားအသင်းကို ၂ ဂိုး ၁ ဂိုးနဲ့ ရှုံးနိမ့်ခဲ့ပါတယ်။ ဂျော့ခ်ျဝီရာဟာ လိုက်ဘေးရီးယားနိုင်ငံသားတွေရဲ့ အချစ်တော်တယောက်ဖြစ်ပြီး နိုင်ငံရေးလောကကို ဝင်ရောက်ခဲ့ပြီးတဲ့နောက် ပြီးခဲ့တဲ့နှစ် ဒီဇင်ဘာလက သမ္မတအဖြစ် ရွေးချယ်ခံခဲ့ရတာလည်း ဖြစ်ပါတယ်။