ခွေးရူးရောဂါကာကွယ်ဆေး

September 29, 2018

မန္တလေးတွင် ခွေးရူးရောဂါကာကွယ်ဆေး လိုက်လံထိုးပေး

ကမ္ဘာ့ခွေးရူးရောဂါကာကွယ်တိုက်ဖျက်ရေးနေ့ အထိမ်းအမှတ် မန္တလေးမြို့မှာ ခွေးရူးရောဂါကာကွယ်ဆေး အခမဲ့ လိုက်လံထိုးပေးနေပါတယ်။ မန္တလေးတိုင်းဒေသကြီး မွေးမြူရေး နှင့် ကုသရေးဦးစီးဌာန နဲ့ မြန်မာနိုင်ငံ တိရစ္ဆာန်ဆေးကုဆရာဝန်အသင်း (မန္တလေးတိုင်းဒေသကြီး) တို့ပူးပေါင်းပြီး စက်တင်ဘာ ၂၈ ရက်က ၁၂ ကြိမ်မြောက် ကမ္ဘာ့ခွေးရူးရောဂါကာကွယ်တိုက်ဖျက်ရေးနေ့အထိမ်းအမှတ် (World Rabies Day) အဖြစ် ခွေးရူးကာကွယ်ဆေး အခမဲ့ လိုက်လံထိုးပေးနေတာပါ။ မန္တလေးတိုင်းဒေသကြီး မွေးမြူရေး နှင့် ကုသရေးဦးစီးဌာန ညွှန်ကြားရေးမှူး ဒေါက်တာ မောင်မောင်က ''ခွေးရူးရောဂါကာကွယ်ဆေး ထိုးနှံခြင်း အလေ့အထကောင်းတွေ တိုးပွားလာဖို့ အခုလို ဆောင်ရွက်တာပါ၊ မြန်မာနိုင်ငံ တိရစ္ဆာန်ဆေးကုဆရာဝန်အသင်း (မန္တလေးတိုင်းဒေသကြီး) နဲ့ ပူးပေါင်းပြီး မန္တလေးမြို့မှ ခွေးရောဂါကာကွယ်ဆေး အခမဲ့ ထိုးပေးတာပါ '' လို့ ဒီဗွီဘီကို ပြောပါတယ်။ မြန်မာနိုင်ငံ တိရစ္ဆာန်ဆေးကုဆရာဝန်အသင်း (မန္တလေးတိုင်းဒေသကြီး) ဥက္ကဋ္ဌ ဒေါက်တာ ဝင်းနိုင်ကိုကိုက ''စိန်ပန်းရပ်ကွက်မှာ ကာကွယ်ဆေး ၈၅ လုံး၊ အမရပူရမြို့နယ်မှာ ကာကွယ်ဆေး အလုံး ၅ဝ ထိုးပေးနိုင်ခဲ့ပါတယ် '' လို့ ဒီဗွီဘီကို ပြောပါတယ်။ ၁၂ ကြိမ်မြောက် ကမ္ဘာ့ခွေးရူးရောဂါကာကွယ်တိုက်ဖျက်ရေးနေ့ အထိမ်းအမှတ်အဖြစ် မန္တလေးမြို့ မဟာအောင်မြေမြို့နယ် စိန်ပန်းရပ်ကွက် ရန်အောင်ကျောင်းတိုက်ဝန်းကျင် နဲ့ အမရပူရမြို့နယ် မဟာဂန္ဓာရုံကျောင်းတိုက်ဝန်းကျင်မှာရှိတဲ့ ခွေး၊ ကြောင် ၁၃၅ ကောင်ကို ခွေးရူးရောဂါ ကာကွယ်ဆေးထိုးပေးခဲ့တယ်လို့ သိရပါတယ်။
3 years Ago

July 28, 2018

အရည်အသွေးမမီ ခွေးရူးရောဂါကာကွယ်ဆေး ထုတ်လုပ်သည့်ကုမ္ပဏီ အချက်အလက် လိမ်လည်ခဲ့

အရည်အသွေးမမီတဲ့ ခွေးရူးကာကွယ်ဆေးထုတ်မှုနဲ့ စွပ်စွဲခံထားရတဲ့ တရုတ်နိုင်ငံ အရှေ့မြောက်ပိုင်းက ဆေးဝါးကုမ္ပဏီဟာ ခွေးရူး ကာကွယ်ဆေးတွေကို တရားမဝင် ထုတ်လုပ်နေတာကို သက်သေခိုင်ခိုင်လုံလုံနဲ့ တွေ့ထားပြီးဖြစ်တယ်လို့ တရုတ်အာဏာပိုင်တွေက ပြောပါတယ်။ ချင်ချွန်းချန်ရှန်းဆေးဝါး ထုတ်လုပ်ရေးကုမ္ပဏီဟာ ခွေးရူးကာကွယ်ဆေး ထုတ်လုပ်ချိန်မှာ စံချိန်စံညွှန်းတိုင်းတာတဲ့ လုပ်ငန်းစဉ်ကို တမင်ပြောင်းလဲတာတွေ လုပ်ခဲ့သလို ထုတ်လုပ်တဲ့ အချက်အလက်တွေကိုလည်း လိမ်လည်မှတ်တမ်းတင်ခဲ့တယ်လို့ နိုင်ငံတော်ကောင်စီက အထူးစုံစမ်းရေး သမားတွေကပြောပါတယ်။ စုံစမ်းစစ်ဆေးသူတွေဟာ တရားမဝင် ဆေးဝါးထုတ်လုပ်မှု အချက်အလက်တွေကို သိုလှောင်ထားတဲ့ ကွန်ပျူတာ ဒရိုက်ဗ်အလုံး ၆ဝ၊ စာမျက်နှာ် ၁,၁ဝဝ ပါတဲ့ စာရွက်စာတမ်းတွေကို သိမ်းဆည်းခဲ့ပါတယ်။ ဒီကုမ္ပဏီဟာ တရားမဝင် ဆေးဝါးထုတ်လုပ်နေတယ်လို့ ပြည်နယ်ဆေးဝါး ကွပ်ကဲရေးအဖွဲ့က အကြောင်းကြားခဲ့လို့ စုံစမ်းစစ်ဆေးမှု စတင်ခဲ့တာပါ။ ပြည်နယ်ဆေးဝါး ကွပ်ကဲရေးအဖွဲ့ဟာ ကုမ္ပဏီရဲ့ ဆေးဝါးထုတ်လုပ်ခွင့်လိုင်စင်ကို ပြန်သိမ်းထားသလို ဖြန့်ချိပြီး ဆေးဝါးတွေကို ပြန်သိမ်းဖို့လည်း အမိန့်ထုတ်ထားပါတယ်။ ဒီဖြစ်ရပ်နဲ့ပတ်သက်ပြီး ကုမ္ပဏီရဲ့ အဆင့်မြင့်အရာရှိ ၁၆ ဦးကို ဒေသန္တရရဲတပ်ဖွဲ့က ဖမ်းဆီးထားပါတယ်။
3 years Ago
Up