ချောင်းသာယာ

May 26, 2018

ပြည်သူများအန္တရာယ်မဖြစ်စေရန် ချောင်းသာယာ အပန်းဖြေစခန်း မိုးကာလပိတ်သိမ်း

နေ့စဉ် လူပေါင်းရာချီ လာရောက်လည်ပတ်နေတဲ့ ရေးမြို့နယ်၊ ကျောင်းရွာကျေးရွာအုပ်စုက ချောင်းသာယာအပန်းဖြေစခန်းကို အများပြည်သူအန္တရာယ် မဖြစ်ပေါ်စေဖို့ ဒီနေ့ကစပြီး ပိတ်သိမ်းလိုက်ပါတယ်။ မိုးတွင်းကာလအတွင်း လူတွေလာရောက် ရေကစားကြလေ့ရှိတဲ့ ချောင်းရဲ့ရေတွေ စီးဆင်းမှုများပြားခြင်းကြောင့် အသက်အန္တရာယ်စိုးရိမ်ရပြီး ရေကလည်း ကြည်လင်မှု မရှိတာကြောင့် ပိတ်သိမ်းတာလို့ ချောင်းသာယာအပန်းဖြေစခန်းစီမံရေးရာ ကော်မတီဝင် ဦးကျော်ဝင်းက ပြောပါတယ်။ “အရင်နှစ်တွေတုန်းက ဒီအတိုင်းပဲ ပိတ်တာမရှိပေမယ့် ခုနှစ်ပိုင်းတွေက လူတွေနေ့စဉ်လိုလို ရာနဲ့ချီပြီးလာနေကြတယ်။ အခါကြီးရက်ကြီးတွေမှာဆိုလည်း ထောင်နဲ့ချီတယ်။ ချောင်းတဖက်တချက်စီက တည်ဆောက်ထားတဲ့ တံတား ၂ စင်းအပါအ၀င် ဆိုင်ခန်းတွေပါ ဖျက်သိမ်းလိုက်တယ်။ အဓိကကကတော့ လူတွေ အသက်အန္တရာယ်ဖြစ်မှာ စိုးလို့ပါ။” ချောင်းရဲ့အထက်မှာရှိတဲ့ ဘုရားကို လှေနဲ့သွားလိုသူတွေအတွက် စက်လှေပြေးဆွဲမှု ရှိနေမှာဖြစ်ပြီး အရင်က လူ ၁၀ ဦး တင်ဆောင်နေပြီး အခုဆိုရင် ၇ ဦးလောက်ပဲ တင်ဆောင်ခွင့်ပြုတော့မှာဖြစ်ကြောင်းနဲ့ အသက်ကယ်အင်္ကျီတွေ ၀တ်ဆင်ဖို့ ဆောင်ရွက်ထား တယ်လို့ သူက ဆက်လက်ပြောကြားပါတယ်။ ကျောင်းရွာကျေးရွာအုပ်စု အုပ်ချုပ်ရေးမှူး ဦးဆန်းလွင်ဦးက “အနယ်နယ်အရပ်ရပ်က လာရောက်လည်ပတ်ကြတဲ့ သူတွေကို အသိပေးချင်ပါတယ်၊ မိုးကုန်မှပြန်ဖွင့်မှာပါ။ အသိပေးဆိုင်းဘုတ်တွေနဲ့ သတိပေးတာတွေတော့ ဆောင်ရွက်သွားဖို့ရှိပါတယ်” လို့ ပြောပါတယ်။ အပန်းဖြေစခန်းအတွင်း ဆိုင်ခန်း ၂၁ ခန်းနဲ့ ပြေးဆွဲနေတဲ့ လှေစီးရေး ၆၅ စီးရှိပြီး ရေကူးအပန်းဖြေခြင်း၊ မြစ်နဲ့ချောင်းဆုံရာအရပ်မှာ တည်ထားတဲ့ ချောင်းနှစ်ခွ ရေလယ်စေတီကို လှေနဲ့သွားကာ ပတ်ဝန်းကျင် တောတောင်သဘာဝအလှ ရှုခင်းတွေကြည့်ရှုတာနဲ့ ဆေးတောင်က စီးဆင်းလာတဲ့ ရေတွေဖြစ်လို့ ရောဂါဝေဒနာ ပျောက်ကင်းတယ်လို့ အဆိုရှိတာကြောင့် အခါကြီးရက်ကြီးတွေမှာ ပြည်တွင်းပြည်ပခရီးသည် ထောင်နဲ့ချီကာ လာရောက်လည်ပတ်နေကြတာပါ။ ၀င်းနိုင်သက်
3 years Ago

May 1, 2018

ချောင်းသာယာအပန်းဖြေစခန်းအနီး မြေပြိုကျမှု မဖြစ်စေရေး ကိုယ်ထူကိုယ်ထ ထိန်းသိမ်း

မွန်ပြည်နယ်၊ ရေးမြို့နယ်၊ ကျောင်းရွာကျေးရွာရှိ ချောင်းသာယာ အပန်းဖြေစခန်းအနီးမှာ မြေပြိုကျမှု အခြေအနေ ဖြစ်ပေါ်နေတာကြောင့် အခုလ ဒုတိယအပတ်က စတင်ပြီး ဒေသခံတွေက ကိုယ်ထူကိုယ်ထ မြေထိန်းနံရံ ပြုလုပ်နေကြပါတယ်။ ရေကြောင်း ပြောင်းလဲလာမှုကြောင့် အရင်နှစ်က ပေ ၂၀ ကျော်လောက်မှာ ချောင်းရဲ့ အောက်ခြေမြေသား လှိုက်စားပြိုကျခဲ့ပြီး အခုနှစ်မှာ ထပ်မံပြိုကျမှု မဖြစ်ပေါ်စေရေးအတွက် ဆောင်ရွက်နေရတာလို့ ဦးဆောင်သူတွေက ပြောပါတယ်။ ချောင်းသာယာဖွံ့ဖြိုးရေးကော်မတီဝင် ဦးဝင်းရွှေက “လက်ရှိ နိုင်သလောက်ပဲ လုပ်နိုင်တဲ့ အနေအထားပါ။ အတက်အဆင်းရဲ့ အရေးကြီးဆုံး အစိတ်အပိုင်းကို အဓိကထားလုပ်နေပါတယ်။ မနှစ်ကဆိုရင် တော်တော်လေး ပြိုသွားတယ်။ ထပ်ပြီးပြိုကျမယ့် အခြေအနေ ဖြစ်နေလို့ အခု ဒီမှာရှိတဲ့ လှေသမားတွေ၊ ဈေးဆိုင်တွေကရတဲ့ ရန်ပုံငွေတွေနဲ့ ကိုယ်ထူကိုယ်ထ ဆောင်ရွက်နေတာပါ” လို့ ဒီဗွီကို ပြောပါတယ်။ အပန်းဖြေစခန်းမှာ ရေကူးအပန်းဖြေတာ၊ မြစ်နဲ့ချောင်းဆုံရာအရပ်မှာ တည်ထားတဲ့ ချောင်းနှစ်ခွ ရေလယ်စေတီကို လှေနဲ့သွားပြီး ပတ်ဝန်းကျင် တောတောင်သဘာဝအလှ ရှုခင်းတွေ ကြည့်ရှုတာနဲ့ ရှေးသမိုင်းကြောင်းတွေအရ ရောဂါဝေဒနာ ပျောက်ကင်းတယ်လို့ အဆိုရှိတာတွေကြောင့် အခါကြီးရက်ကြီးတွေမှာ ပြည်တွင်း ပြည်ပ ခရီးသည် ထောင်နဲ့ချီ လာရောက်လည်ပတ်နေတာ ဖြစ်ပါတယ်။ ကျောက်စီမြေထိန်းနံရံနဲ့ အပေါ်ယံကွန်ကရစ် မွန်းမံပြီး  ပေ ၈၀ ကျော်လောက် ဆောင်ရွက်ရမှာဖြစ်ပါတယ်။ အခုလက်ရှိမှာ  ပေ ၅၀ ကျော် ပြီးစီးနေပြီး ပစ္စည်းဖိုး ငွေကျပ် သိန်း ၃၀ ကျော်ကုန်ကျခဲ့ပြီး ဖြစ်တယ်လို့ ချောင်းသာယာလှပရေးကော်မတီဝင် ကိုကျော်ဝင်းက ပြောပါတယ်။ ကျောင်းရွာကျေးရွာရပ်မိရပ်ဖတစ်ဦးဖြစ်သူ ဦးတင်သန်းက “ချောင်းက ရေကြောင်း နည်းနည်းပြောင်းလာတယ်။ ကမ်းကို ထိုးဖြိုလာတော့ ရွာဘက်ခြမ်းကမ်းက ပြိုလာနိုင်တဲ့ အနေအထားကို ကာကွယ်တဲ့အနေနဲ့ စက်အကူအညီ၊ ဒေသက မီးသတ်၊ ပြည်သူ့စစ်၊ ဒေသခံတွေ ပေါင်းပြီး လုပ်နေတာပေါ့” လို့ပြောပါတယ်။ အဲဒီအပန်းဖြေစခန်းမှာ ဒေသတွင်း အစားအစာတွေ ရောင်းချတဲ့ ဆိုင်ခန်း ၂၁ ခန်းရှိပါတယ်။ ချောင်းရိုးတလျှောက် ရှုခင်းကြည့်ရှုတာနဲ့ မြစ်နဲ့ချောင်းဆုံရာ ချောင်းနှစ်ခွမှာ တည်ထားတဲ့ စေတီတော်ကို သွားရောက်ဖူးမြော်ဖို့အတွက် လှေစီးရေ ၆၅ စီး ပြေးဆွဲပေးနေပြီး နေ့စဉ် လူ ၂၀၀ ကျော် လာရောက်လည်ပတ်အပန်းဖြေလေ့ရှိပါတယ်။ သတင်း - ဝင်းနိုင်သက်၊ ဓာတ်ပုံ - AM , TT
3 years Ago
Up