ကရင်ပြည်နယ် မြို့တော် ဘားအံမြို့ရှိ တောင်ကလေးကွင်းမှာ ကရင်နှစ်သစ်ကူးနေ့ အထိမ်းအမှတ်အဖြစ် တောင်ယာလုပ် ကရင်အဘိုးရဲ့ ဧရာမအရုပ်ကြီးကို ကောက်ရိုးနဲ့ ပြုလုပ် ဖန်တီးထားပါတယ်။
အမြင့် ၄၅ ပေလောက်ရှိတဲ့ အဲဒီအရုပ်ကြီးဟာ တောထဲတောင်ထဲမှာ နေထိုင်လုပ်ကိုင် အသက်မွေးကြတဲ့ ကရင်လူမျိုးတို့ရဲ့ ရိုးရာဓလေ့အတိုင်း တောင်ယာလုပ်ပြီး အိမ်ပြန်ချိန် တောင်ယာကယူလာတဲ့ ဘူးသီး၊ ငှက်ပျောသီး၊ ရွှေဖရုံသီးနဲ့ ရေထည့်ထားတဲ့ ဝါးကျည်တောက်တို့ကို ပလိုင်းနဲ့ထမ်းကာ အိမ်ပြန်လာပုံကို ဖော်ကျူးပြသထားတာ ဖြစ်ပါတယ်။
ဓာတ်ပုံ - မြင့်မြတ်သောကမ္ဘာ
5 years Ago
