ကေအိုင်အို

March 17, 2015

ငြိမ်းချမ်းရေး ရောင်ခြည် သန်းလာပြီဟု ကာကွယ်ရေးဦးစီးချုပ်ပြောကြား

တိုင်းပြည်အတွက် ငြိမ်းချမ်းရေး ရောင်ခြည် သန်းလာပြီလုို့ ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်က ကချင်လွတ်မြောက်ရေး (ကေအိုင်အို)အဖွဲ့နဲ့  နေပြည်တော်မှာ မတ်လ ၁၆ ရက်နေ့က တွေ့ဆုံရာမှာ ပြောဆိုလိုက်ပါတယ်။ ကေအိုင်အိုရဲ့ ငြိမ်းချမ်းရေးနဲ့ ပက်သက်တဲ့ သဘောထားနဲ့  တပ်ပိုင်းဆိုင်ရာ ကိစ္စတွေကုို ပွင့်လင်းစွာ တင်ပြမှုအတွက် ၀မ်းသာကြောင်းနဲ့ တိုက်ပွဲတွေကြောင့် ၂ ဖက် တိုင်းရင်းသားတွေ ဆုံးရှုံးရတယ်လုို့  ကာချပ်က ပြောပါတယ်။ ဒါ့အပြင် တုိုင်းရင်းသားအဖွဲ့တွေ အနေနဲ့ အောက်ခြေအဆင့်ထိ လိုက်ပါပြီး သံသယတွေကုို လျော့နည်း ပပျောက်အောင် လုပ်ဆောင်နိုင်မှာ ဖြစ်ကြောင်း အစိုးရက သတင်းထုတ်ပြန်ထားပါတယ်။ ကေအိုင်အို ဒုစစ်ဦးစီးချုပ် ဗိုလ်ချုပ် ဂွမ်မော်ကတော့ တနိုင်ငံလုံးအပစ်အခတ်ရပ်စဲရေး လက်မှတ်ရေး ထိုးမှုဟာ နောက်တချိန် တိုက်ပွဲတွေအတွက် ပြင်ဆင်တာ မဖြစ်စေလိုဘဲ နိုင်ငံရဲ့ ပညာရေး ကျန်းမာရေး၊လုံခြုံရေးတို့မှာ လက်တွေ့ကျကျ အကျိုးရှိစွာ  ပူးပေါင်းဆောင်ရွက် သွားမယ်လို့ ပြောပါတယ်။ ကေအိုင်အို အထွေထွေ အတွင်းရေးမှူး ဒေါက်တာလားဂျာ ကလည်း တိုင်းရင်းသား အားလုံး စုစည်းပူးပေါင်း ထူထောင်ထားတဲ့ နိုင်ငံဖြစ်တဲ့အတွက် တည်ငြိမ် အေးချမ်းစွာနဲ့ လူမှုစီးပွား တိုးတက်ဖွံ့ဖြိုးဖို့ နိုင်ငံသား အားလုံးရဲ့ မျှော်လင့်ချက်ဖြစ်တယ်ဆိုတာ အမှန်တရား ဖြစ်တဲ့အကြောင်း ၊ လက်နက်ကိုင် ပဋိပက္ခတွေ ရပ်တန့် ဖြေရှင်းဖို့  တိုင်းရင်းသား အားလုံး ပါဝင်ဆောင်ရွက်ဖို့ လိုအပ်တဲ့ အကြောင်း  ဆွေးနွေးသွားတယ်လို့ဆိုပါတယ်။ အဆိုပါတွေ့ဆုံပွဲကုို  ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်၊ ဒု ကာကွယ်ရေး ဦးစီးချုပ် ဒုတိယ ဗိုလ်ချုပ်မှူးကြီး စိုးဝင်းနဲ့ တခြားအရာရှိတွေ တက်ရောက်ပြီး ကေအိုင်အိုဘက်က အထွေထွေ အတွင်းရေးမှူးဒေါက်တာ လားဂျာ၊ ဗဟိုကော်မတီဝင် ဦးဆွမ်လွတ်ဂမ်နဲ့ ဒုတိယ စစ်ဦးစီးချုပ် ဗိုလ်ချပ် ဂွမ်မော်တို့ တက်ရောက်ခဲ့ပါတယ်။ [gallery ids="85920,85918,85919"]
7 years Ago
Up