ကေအန်ပီပီ

A d v e r t i s e m e n t With Us

March 15, 2019

မြောက်ပိုင်းမဟာမိတ်တပ်ဖွဲ့များနှင့် ကေအန်ပီပီကို ငြိမ်းချမ်းရေးဆွေးနွေးရန် ဖိတ်ခေါ်

မြောက်ပိုင်းမဟာမိတ် တိုင်းရင်းသားလက်နက်ကိုင် တပ်ဖွဲ့ ၇ ဖွဲ့နဲ့ ကေအန်ပီပီ တပ်ဖွဲ့တို့ကို အစိုးရ ငြိမ်းချမ်းရေးကော်မရှင်က ငြိမ်းချမ်းရေးဆွေးနွေးဖို့ ဖိတ်ခေါ်လိုက်ပါတယ်။ မတ် ၂၁ ရက် နေပြည်တော်ရှိ အမျိုးသားပြန်လည်သင့်မြတ်ရေးနဲ့ ငြိမ်းချမ်းရေး ဗဟိုဌာနမှာ တွေ့ဆုံပြီး ရှေ့ဆက်လက်ဆောင်ရွက်မယ့် ငြိမ်းချမ်းရေးလုပ်ငန်းစဉ်တွေ ဆွေးနွေးညှိနှိုင်းလိုတယ်လို့ အစိုးရဖိတ်စာမှာ ဖော်ပြပါတယ်။ ဝပြည်သွေးစည်းညီညွတ်ရေးတပ်မတော် (UWSA) လားရှိုးဆက်ဆံရေးရုံး တာဝန်ခံ ဦးညီရမ်းက သူတို့တပ်ဖွဲ့ ဆွေးနွေးပွဲတက်မယ်လို့ ပြောပါတယ်။ “ဖိတ်စာတော့ရောက်ပါပြီ၊ ဘယ်သူတက်မလဲဆိုတာ မသိသေးဘူး၊ ဌာနချုပ်က ဘယ်လိုစီစဉ်မယ်၊ ဘယ်သူ့ကိုလွှတ်မယ် မသိရသေးဘူး။” မိုင်းလားတပ်ဖွဲ့ ပြောခွင့်ရ ဦးကြည်မြင့်ကလည်း သူတို့တပ်ဖွဲ့ ကိုယ်စားလှယ်တွေ ဆွေးနွေးပွဲတက်မယ်လို့ ပြောပါတယ်။ အစိုးရနဲ့ အခုဖိတ်ကြားထားတဲ့ တိုင်းရင်သား လက်နက်ကိုင်တော်လှန်ရေး တပ်ဖွဲ့ ၈ ဖွဲ့တို့ ဆွေးနွေးပြီးရင် နောက်တနေ့မှာ တပ်မတော် ညှိနှိုင်းဆွေးနွေးရေးအဖွဲ့က တဖွဲ့ချင်းနဲ့ ဆက်လက်ဆွေးနွေးမှာ ဖြစ်ပါတယ်။ ဒီဇင်ဘာ ၂၁ ရက်က တပ်မတော်ဘက်ကနေ စစ်တိုင်း ၅ ခုမှာ တဖက်သတ် အပစ်အခတ် ရပ်စဲကြောင်း ကြေညာခဲ့ပြီးတဲ့နောက် ၃ လလောက်အကြာမှာ အစိုးရက မြောက်ပိုင်းမဟာမိတ်တပ်ဖွဲ့ ၇ ဖွဲ့နဲ့ ဆွေးနွေးဖို့ ဖိတ်ခေါ်လာတာ ဖြစ်ပါတယ်။ မြောက်ပိုင်းမဟာမိတ်တပ်ဖွဲ့ ၇ ဖွဲ့ထဲမှာ ကချင်လွတ်လပ်ရေးအဖွဲ့ (KIO)၊ ရက္ခိုင် အမျိုးသားအဖွဲ့ချုပ် (ULA)၊ ပလောင်ပြည်နယ် လွတ်မြောက်ရေးတပ်ဦး (PSLF)၊ မြန်မာနိုင်ငံ အမှန်တရားနှင့် တရားမျှတသော အမျိုးသားပါတီ (MNTJP)၊ ရှမ်းပြည်တိုးတက်ရေးပါတီ (SSPP)၊ ရှမ်းပြည်နယ်အရှေ့ပိုင်း ငြိမ်းချမ်းရေးနှင့် စည်းလုံးရေးကော်မတီ (PSC) နဲ့ “ဝ” ပြည်သွေးစည်းညီညွတ်ရေးပါတီ (UWSP) တို့ ပါဝင်ပါတယ်။ ကေအန်ပီပီ ကရင်နီအမျိုးသားတိုးတက်ရေး ပါတီကတော့ အန်စီအေ ဆွေးနွေးပွဲတွေမှာ တောက်လျှောက်ပါဝင်ခဲ့ပေမယ့် ခုချိန်ထိ အန်စီအေ အပစ်ရပ်စာချုပ်မှာ လက်မှတ်မထိုးသေးပါဘူး။ မြောက်ပိုင်းတပ်ဖွဲ့ ၇ ခုနဲ့ ဖွဲ့စည်းထားတဲ့ ပြည်ထောင်စု နိုင်ငံရေးဆွေးနွေးညှိနှိုင်းရေး ကော်မတီ (FPNCC) အနေနဲ့ အစိုးရနဲ့ ဆွေးနွေးလိုတယ်လို့ အကြိမ်ကြိမ် ကမ်းလှမ်းခဲ့ဖူးပါတယ်။
2 years Ago

February 8, 2019

ဗိုလ်ချုပ်ကြေးရုပ်ကိစ္စ ဖြေရှင်းပေးရန် ကေအန်ပီပီ တောင်းဆို

ဗိုလ်ချုပ်ကြေးရုပ်နဲ့ပတ်သက်ပြီး ကယားပြည်နယ်အစိုးရနဲ့ ကရင်နီလူငယ်တွေအကြား သဘောထားကွဲလွဲမှုတွေကို ပြည်ထောင်စုအစိုးရနဲ့ အန်အယ်လ်ဒီအနေနဲ့ အမြန်ဆုံးဖြေရှင်းပေးဖို့ ကရင်နီ အမျိုးသားတိုးတက်ရေးပါတီ (ကေအန်ပီပီ)က တောင်းဆိုပါတယ်။ ဒီကနေ့ ဖေဖော်ဝါရီ ၈ ရက်နေ့ရက်စွဲနဲ့ နိုင်ငံတော်သမ္မတနဲ့ အမျိုးသားဒီမိုကရေစီအဖွဲ့ချုပ် ဥက္ကဋ္ဌထံ လိပ်မူပြီး အိတ်ဖွင့်ပေးစာ ပေးပို့ တောင်းဆိုလိုက်တာပါ။ ဗိုလ်ချုပ်အောင်ဆန်းကြေးရုပ်တုကိစ္စနဲ့ပတ်သက်ပြီး     ကယားပြည်နယ်မှာ အစိုးရနဲ့ လူငယ်တွေအကြား၊ ပြည်သူလူထုတွေအကြား စိတ်ဝမ်းကွဲစေတဲ့ အမြင်မတူမှုတွေ၊ ဖြစ်ပွားနေတဲ့  အပြင် ကြေးရုပ်တည်ထားခြင်းအပေါ် ကန့်ကွက်တဲ့ လူငယ်တွေကို ပြည်နယ်အစိုးရက တရားစွဲဆို တာ အကြိမ်ကြိမ်ပြုလုပ်နေပါတယ်။ ဒါ့အပြင် ကန့်ကွက်သူတွေနဲ့ ထောက်ခံသူတွေအကြား အပြန်အလှန်တရားစွဲဆိုမှုတွေ၊ လူငယ်တွေရဲ့သပိတ်စခန်းဖြိုခွဲမှုတွေဟာ ပြည်နယ်ရဲ့တည်ငြိမ်အေးချမ်းမှုနဲ့ ဥပဒေစိုးမိုးရေးနဲ့ ငြိမ်းချမ်းရေးဖြစ်စဉ်အတွက် ကြီးမားတဲ့ စိန်ခေါ်မှုတွေဖြစ်နေတယ်လို့လည်း အဲဒီအိတ်ဖွင့်ပေး စာမှာ ရေးသားထားပါတယ်။ ဒီလိုပြည်နယ်အတွင်း မတည်ငြိမ်မှုတွေ ဆက်လက်ဖြစ်ပွားမှာကို စိုးရိမ်တဲ့အတွက် အခုလို သမ္မတနဲ့ အန်အယ်ဒီပါတီထံ အိတ်ဖွင့်ပေးစာပေးပို့ရတာလို့ ကေအန်ပီပီ ဒု-ဥက္ကဋ္ဌ  ခူးဦးရယ်က ပြောပါတယ်။ “မကြာခင်တုန်းကလည်း ပါတီရဲ့အကြီးအကဲတွေလည်း ပြည်နယ်ထဲကို ရောက်တယ်လို့ ကျနော်တို့ကြားတယ်။ လူငယ်တွေကလည်း သူတို့ကိုတွေ့ဆုံပြီးတော့ ဆန္ဒလေးတင်ပြဖို့ ရှိတယ်လို့ ကျနော်တို့ နားလည်တာပေါ့နော်။ ဒါနဲ့ပတ်သက်လို့ လာရောက်သွားတဲ့ အန်အယ်ဒီ ခေါင်းဆောင်ကြီးတွေကလည်း တွေ့မသွားဘူးဆိုတဲ့သဘောမျိုး ကျနော်တို့လည်းကြားရတယ်။  ဒါကတော့ လူအနည်းစုရဲ့ဆန္ဒသဘောထားပဲ လျစ်လှူရှုလို့ရတယ်။ အလေးထားစရာမလိုဘူးလို့ မြင်ရင်တော့ ဒါက မဖြစ်သင့်တဲ့အရာလို့ ကျနော်တို့ ထင်တာပေါ့နော်။ မနေ့ကလည်း ဖြစ်ပျက်မှု တချို့တွေ ကျနော်တို့တွေ့ရတယ်။ ဒီမနက်လည်းတွေ့ရတယ်ပေါ့နော်။ အဲဒီအပေါ်မှာစိတ် မကောင်းတဲ့အတွက်ကြောင့်မို့ ကျနော်တို့က မဖြစ်သင့်မဖြစ်အပ်တာတွေကိုတော့ အစိုးရက ညှိညှိနှိုင်းနှိုင်းနဲ့ ဆောင်ရွက်သွားဖို့ တာဝန်ရှိတယ်လို့ မြင်တဲ့အပေါ်မှာ ကျနော်တို့ ရေးလိုက်တာ ” ဗိုလ်ချုပ်ကြေးရုပ်စတင်လုပ်ဆောင်တဲ့ ပြီးခဲ့တဲ့နှစ်ကတည်းက လူထုတွေရဲ့အသံကို နားထောင်ဖို့ ကေအန်ပီပီအနေနဲ့ ငြိမ်းချမ်းရေးကော်မရှင်အကြီးအကဲနဲ့ တရားဝင်တင်ပြခဲ့သလို ကယားပြည်နယ်ဝန်ကြီးချုပ် ၂ ကြိမ်နဲ့တွေ့ဆုံပြီး ကယားပြည်နယ်က လူငယ်တွေရဲ့ တင်ပြမှုကို အလေးအနက်ထား ဖြေရှင်းညှိနှိုင်းဆောင်ရွက်ဖို့  အကြံပြုချက်တွေပေးခဲ့တာရှိပေမယ့် အဆင်မ ပြေခဲ့လို့ အခုလို သမ္မထံ စာရေးသားပေးပို့တာလို့လည်း ပြောပါတယ်။ “ငြိမ်ငြိမ်သက်သက် ငြိမ်းငြိမ်းချမ်းချမ်းနဲ့ သူတို့ ဖြေရှင်းသွားလောက်ပြီလို့ ကျနော်တို့ ယူဆတာပေါ့။ ဒါပေမယ့်အဲလိုမဖြစ်ပဲ အခုတဖန်ပြန်ပြီး ဖြစ်ပေါ်လာတယ်ဆိုတော့ ကျနော်တို့ မလွှဲမရှောင်သာ စာရေးရတာပေါ့ဗျာ။” လက်ရှိအစိုးရဟာ ပြည်သူလူထုရဲ့ လွတ်လပ်စွာ ရွေးချယ်ထားတဲ့အစိုးရဖြစ်တယ်လို့ ကြွေးကြော်နေပြီး ပြည်သူတွေရဲ့အသံ ပြည်သူတွေရဲ့ ဆန္ဒအမှန်ကို မျက်ကွယ်ပြုပြီး လက်ဝယ်အာဏာကို အသုံးပြုကာ အပြောနဲ့ အလုပ်ကွဲပြားစွာ ပြုမှုဆောင်ရွက်နေတယ်လို့ ရှုမြင် ကြောင်းနဲ့ ကေအန်ပီပီရဲ့ စာမှာဖော်ပြပါတယ်။ မြန်မာ့လွတ်လပ်ရေး ဗိသုကာ အမျိုးသားခေါင်းဆောင်ကြီး ဗိုလ်ချုပ်အောင်ဆန်းရဲ့ ပုံတူကြေးရုပ်တုကို လွိုင်ကော်မြို့မှာ မထားရှိဖို့ ကယားပြည်နယ်က လူထုတွေထောင်ချီပြီး ပြီးခဲ့တဲ့ ၂၀၁၈ ဇူလိုင်လဆန်းပိုင်းက ဆန္ဒပြခဲ့ကြပါတယ်။ ဒီလိုကန့်ကွက်မှုတွေကြားကပဲ ဖေဖော်ဝါရီ ၂ ရက်က ကယားပြည်နယ် လွိုင်ကော်မြို့ရှိ ဂန္ဒာဟေဝန်ပန်းခြံမှာ ဗိုလ်ချုပ်ကြေးရုပ် စိုက်ထူအပြီးမှာတော့ ကရင်နီလူငယ်တွေရဲ့ ကန့်ကွက် လှုပ်ရှားမှုတွေ ပိုပြီး ပြင်းထန်လာသလို အရေးယူခံထားရသူတဲ့  လူငယ် ၄၅ ဦးရှိနေပြီ ဖြစ်ပါတယ်။
2 years Ago
More News
Up