ဧရာဝတီမြစ်

October 21, 2021

စစ်ကိုင်းတွင် အမျိုးသား ၁ ဦး ဧရာဝတီမြစ်အတွင်း ခုန်ချသေဆုံး

စစ်ကိုင်းမြို့၊ မင်းလမ်းရပ်ကွက်၊ အင်းဝတံတားတောင်ဘက် ကမ်းနားလမ်း ရေကာတာပေါ်ကနေ အမျိုးသား တယောက် အောက်တိုဘာ ၂၁ ရက် ဒီနေ့ မွန်းလွဲပိုင်းက  ဧရာဝတီမြစ်အတွင်း ခုန်ချသေဆုံးမှု ဖြစ်ခဲ့ပါတယ်။

မြစ်ကမ်းဘက်မှာ ဆိုင်ကယ်၊ ဖုန်းနဲ့ ဖိနပ်တို့ကို ချန်ထားခဲ့ပြီး မွန်းတည့်  ၁၂ နာရီကျော်အချိန်က ဧရာဝတီမြစ်အတွင်း ခုန်ချခဲ့တာဖြစ်ပြီး ခုန်ချသူ ဟာ ဘယ်သူလဲဆိုတာနဲ့ ဘာကြောင့် ခုလို ခုန်ချသတ်သေခဲ့တယ်ဆိုတာကိုတော့  မသိရသေးပါဘူး။

စစ်ကိုင်းမြို့က အရေးပေါ် ကယ်ဆယ်ရေးအဖွဲ့​တွေ၊ ပရဟိတသမားတွေ၊ မီးသတ်တွေက ရှာဖွေရာ နေ့လယ် တစ်နာရီကျော်မှာ  ဧရာဝတီမြစ်အတွင်း ခုန်ချသူ အမျိုးသားကို သေဆုံးလျှက်ရှာဖွေ တွေ့ရှိခဲ့တယ်လို့သိရပါတယ်။

1 month Ago

September 4, 2021

ဧရာဝတီမြစ်ကမ်းဘေးရှိ မြို့ ၃ မြို့ မြစ်ရေကြီးနိုင်ဟု မိုးဇလ သတိပေး

ဆိပ်သာ၊ ဟင်္သာတနဲ့ ဇလွန်မြို့နယ်တွေထဲက  ဧရာဝတီမြစ်ကမ်းနားနဲ့ မြေနိမ့်ပိုင်း နေထိုင်သူတွေအနေနဲ့ မြစ်ရေကြီးနိုင်တဲ့အလားအလာတွေရှိတာကြောင့် အထူးသတိပြု နေထိုင်ကြ ဖို့ မိုးလေဝသနှင့်ဇလဗေဒဌာနက ဒီနေ့ စက်တင်ဘာ ၄ ရက်မှာ သတိပေးချက် ထုတ်ပြန်ပါတယ်။

ဒီမနက် မြန်မာစံတော်ချိန် ၇ နာရီခွဲအချိန် တိုင်းထွာချက်အရ ဧရာဝတီမြစ်ရေဟာ ဆိပ်သာမြို့ရဲ့ စိုးရိမ်ရေမှတ် အထက်သို့  ၉ လက်မခန့်၊ ဟင်္သာတမြို့နဲ့ ဇလွန်မြို့ရဲ့ စိုးရိမ်ရေမှတ်အထက် ပေဝက်ခန့် ကျော်လွန်နေတယ်လို့ ဆိုပါတယ်။

မြစ်ရေဟာ  နောက် ၃ ရက်မှာတော့ အဲဒီမြို့တွေရဲ့ စိုးရိမ်ရေမှတ်အထက် ဆက်ရှိနေဖွယ်ရှိနေတယ်လို့လည်း မိုးဇလက ခန့်မှန်းထားပါတယ်။

3 months Ago
More News
Up